https://sputnik-georgia.com/20260811/mdinaradze-saqartvelos-regionebi-kuradgebas-moitxovs-300075662.html
მინისტრი: საქართველოს რეგიონები დიდ ყურადღებას მოითხოვს
მინისტრი: საქართველოს რეგიონები დიდ ყურადღებას მოითხოვს
Sputnik საქართველო
მამუკა მდინარაძე რეგიონული განვითარების მინისტრად 30 ივლისს დაინიშნა. 11.08.2026-ს, Sputnik საქართველო
2026-08-11T20:11+0400
2026-08-11T20:11+0400
2026-08-11T20:24+0400
საქართველო
საქართველოს მთავრობა
პოლიტიკა საქართველოში
ახალი ამბები
https://cdnn1.img.sputnik-georgia.com/img/07e8/0c/1d/291590512_0:0:1280:721_1920x0_80_0_0_15a48f7b9f212421024264403c3d752c.jpg
თბილისი, 11 აგვისტო — Sputnik. საქართველოს რეგიონები ეფექტურ მართვასა და მუშაობას მოითხოვს, რაც საქმიანობის მთავარი მიმართულება გახდება, განაცხადა რეგიონული განვითარების მინისტრმა მამუკა მდინარაძემ.სექტემბერში საქართველოს მთავრობის სტრუქტურაში რეგიონული პოლიტიკის საკითხებში სახელმწიფო მინისტრის თანამდებობა ამოქმედდება, რეგიონული განვითარების სამინისტრო კი გაუქმდება. რეფორმის დასრულებამდე, ივლისის ბოლოს, მდინარაძემ ჩაიბარა უწყება, რომელიც გაუქმების პროცესშია.მისი თქმით, რეფორმის შემდეგ ყველა უწყება, ამა თუ იმ ხარისხით ანგარიშვალდებული იქნება სახელმწიფო მინისტრისა და მისი თანამშრომლების წინაშე რეგიონულ საკითხებში.გარდა ამისა, მდინარაძის განცხადებით, გამორიცხული არ არის, რომ მომავალში მან თანამდებობა შეიცვალოს და სხვა პრიორიტეტული მიმართულებით დაკავდეს.ბოლო წლის მანძილზე მდინარაძე საქართველოს სუს-ის (სახელმწიფო უსაფრთხოების სამსახურის) ხელმძღვანელის პოსტიდან სამართალდამცავი ორგანოების კოორდინაციის საკითხებში სახელმწიფო მინისტრის თანამდებობაზე დაინიშნა, სამი თვის შემდეგ კი მინისტრის თანამდებობაზე წარადგინეს.„არ გამოვრიცხავ, რომ ამ თანამდებობაზე დიდხანს არ დავრჩები. აქ ჩემი მთავარი ამოცანაა გარკვეული პრობლემების გადაჭრა, მართვის გაუმჯობესება და მუშაობის მოწესრიგება. შემდეგ კი, თუ სხვაგან ახალი გამოწვევები გაჩნდება, შესაძლოა, იქ გადავიდე“, — აღნიშნა მდინარაძემ.მამუკა მდინარაძის შესახებგანათლებით იურისტმა მამუკა მდინარაძემ კარიერა პოლიციაში დაიწყო და თბილისის ერთ-ერთ რაიონში გამომძიებლად მუშაობდა. ადვოკატის ლიცენზიის მიღების შემდეგ, 2007-დან 2014 წლამდე პერიოდში იყო „თბილისის იურიდიული ცენტრის“ მმართველი პარტნიორი და ადვოკატი, შემდეგ მან დააფუძნა საკუთარი კომპანია – „მდინარაძე და პარტნიორები“.2016 წელს მდინარაძე საქართველოს პარლამენტის დეპუტატი გახდა: 2025 წლის სექტემბრამდე იგი პოლიტიკურ მოღვაწეობას ეწეოდა და მმართველი პარტიის ერთ-ერთი მთავარი სპიკერი იყო.მამუკა მდინარაძე პოლიტიკიდან მას შემდეგ წავიდა, რაც სუს-ის (სახელმწიფო უსაფრთხოების სამსახურის) ხელმძღვანელის პოსტი დაიკავა. სამართალდამცავი ორგანოების კოორდინაციის საკითხებში სახელმწიფო მინისტრის თანამდებობაზე მდინარაძე ამ უწყების შექმნის შემდეგ, 2026 წლის 30 აპრილს დაინიშნა.30 ივლისს მდინარაძე რეგიონული განვითარების მინისტრად დაინიშნა.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს მთავრობა , პოლიტიკა საქართველოში, ახალი ამბები
საქართველო, საქართველოს მთავრობა , პოლიტიკა საქართველოში, ახალი ამბები
მინისტრი: საქართველოს რეგიონები დიდ ყურადღებას მოითხოვს
20:11 11.08.2026 (განახლებულია: 20:24 11.08.2026) მამუკა მდინარაძე რეგიონული განვითარების მინისტრად 30 ივლისს დაინიშნა.
თბილისი, 11 აგვისტო — Sputnik. საქართველოს რეგიონები ეფექტურ მართვასა და მუშაობას მოითხოვს, რაც საქმიანობის მთავარი მიმართულება გახდება, განაცხადა რეგიონული განვითარების მინისტრმა მამუკა მდინარაძემ.
სექტემბერში საქართველოს მთავრობის სტრუქტურაში რეგიონული პოლიტიკის საკითხებში სახელმწიფო მინისტრის თანამდებობა ამოქმედდება, რეგიონული განვითარების სამინისტრო კი გაუქმდება. რეფორმის დასრულებამდე, ივლისის ბოლოს, მდინარაძემ ჩაიბარა უწყება, რომელიც გაუქმების პროცესშია.
„რეგიონებში დიდი სამუშაოები ტარდება, რაც სისტემურ და ეფექტურ მართვას, ასევე ბიუროკრატიული ელემენტების შემცირებას მოითხოვს. პრიორიტეტული ამოცანა რეგიონული პოლიტიკის გატარებაა. საზოგადოებრივ ცნობიერებაში რეგიონული განვითარება ასოცირდება სოციალურ, ტექნიკურ და მსგავს საკითხებთან, თუმცა ეს უნდა იყოს მხოლოდ ერთ-ერთი კომპონენტი და არა ერთადერთი რეგიონული პოლიტიკის განხორციელებაში“, - განაცხადა მდინარაძემ.
მისი თქმით, რეფორმის შემდეგ ყველა უწყება, ამა თუ იმ ხარისხით ანგარიშვალდებული იქნება სახელმწიფო მინისტრისა და მისი თანამშრომლების წინაშე რეგიონულ საკითხებში.
გარდა ამისა, მდინარაძის განცხადებით, გამორიცხული არ არის, რომ მომავალში მან თანამდებობა შეიცვალოს და სხვა პრიორიტეტული მიმართულებით დაკავდეს.
ბოლო წლის მანძილზე მდინარაძე საქართველოს სუს-ის (სახელმწიფო უსაფრთხოების სამსახურის) ხელმძღვანელის პოსტიდან სამართალდამცავი ორგანოების კოორდინაციის საკითხებში სახელმწიფო მინისტრის თანამდებობაზე დაინიშნა, სამი თვის შემდეგ კი მინისტრის თანამდებობაზე წარადგინეს.
„არ გამოვრიცხავ, რომ ამ თანამდებობაზე დიდხანს არ დავრჩები. აქ ჩემი მთავარი ამოცანაა გარკვეული პრობლემების გადაჭრა, მართვის გაუმჯობესება და მუშაობის მოწესრიგება. შემდეგ კი, თუ სხვაგან ახალი გამოწვევები გაჩნდება, შესაძლოა, იქ გადავიდე“, — აღნიშნა მდინარაძემ.
მამუკა მდინარაძის შესახებ
განათლებით იურისტმა მამუკა მდინარაძემ კარიერა პოლიციაში დაიწყო და თბილისის ერთ-ერთ რაიონში გამომძიებლად მუშაობდა. ადვოკატის ლიცენზიის მიღების შემდეგ, 2007-დან 2014 წლამდე პერიოდში იყო „თბილისის იურიდიული ცენტრის“ მმართველი პარტნიორი და ადვოკატი, შემდეგ მან დააფუძნა საკუთარი კომპანია – „მდინარაძე და პარტნიორები“.
2016 წელს მდინარაძე საქართველოს პარლამენტის დეპუტატი გახდა: 2025 წლის სექტემბრამდე იგი პოლიტიკურ მოღვაწეობას ეწეოდა და მმართველი პარტიის ერთ-ერთი მთავარი სპიკერი იყო.
მამუკა მდინარაძე პოლიტიკიდან მას შემდეგ წავიდა, რაც სუს-ის (სახელმწიფო უსაფრთხოების სამსახურის) ხელმძღვანელის პოსტი დაიკავა. სამართალდამცავი ორგანოების კოორდინაციის საკითხებში სახელმწიფო მინისტრის თანამდებობაზე მდინარაძე ამ უწყების შექმნის შემდეგ, 2026 წლის 30 აპრილს დაინიშნა.
30 ივლისს მდინარაძე რეგიონული განვითარების მინისტრად დაინიშნა.
