https://sputnik-georgia.com/20260708/saguramosa-da-wiwamurshi-miwebis-gamoskidva-iwkeba-299521846.html
ნატახტარი-ჟინვალის ახალი მაგისტრალი: საგურამოსა და წიწამურში მიწების გამოსყიდვა იწყება
ნატახტარი-ჟინვალის ახალი მაგისტრალი: საგურამოსა და წიწამურში მიწების გამოსყიდვა იწყება
Sputnik საქართველო
ახალი გზა გაივლის წიწამურის, საგურამოს, ჭოპორტის, წითელსოფლის, არაგვისპირის, ბულაჩაურის, ქუბრიანთკარისა და ჟინვალის ტერიტორიებს. 08.07.2026-ს, Sputnik საქართველო
2026-07-08T10:53+0400
2026-07-08T10:53+0400
2026-07-08T10:53+0400
საქართველო
საავტომობილო გზების დეპარტამენტი
ტრანსპორტი საქართველოში
საქართველოს მთავრობა
ახალი ამბები
https://cdnn1.img.sputnik-georgia.com/img/07e5/07/08/252250622_0:257:2730:1793_1920x0_80_0_0_b9f42ebe93b5a48b7d2d74e0c772f548.jpg
თბილისი, 8 ივლისი - Sputnik. თბილისის შემოვლითი გზის პროექტის ფარგლებში ინფრასტრუქტურის სამინისტრო ნატახტრიდან ჟინვალის მიმართულებით ახალი ავტომაგისტრალის მშენებლობას გეგმავს, რისთვისაც მთავრობამ 1-ელ ივლისს მიწების გამოსყიდვის შესახებ განკარგულება გამოსცა.განკარგულების თანახმად, პროექტისთვის საჭირო მიწების გამოსყიდვის უფლება საავტომობილო გზების დეპარტამენტს მიენიჭა.მთავრობის გადაწყვეტილების მიხედვით, დეპარტამენტი მიწების შესყიდვისა და განსახლების ღონისძიებებს აზიის განვითარების ბანკის (ADB) გარემოსდაცვითი და სოციალური ჩარჩო დოკუმენტის (ESF 2024) მოთხოვნების შესაბამისად განახორციელებს. აღნიშნული პროცესი შეეხება E-60 ავტომაგისტრალის თბილისის შემოვლითი გზის ნატახტარი-ჟინვალის (ლოტი 1) მონაკვეთს.გავრცელებული ინფორმაციით, ახალი მაგისტრალის სიგრძე 27 კილომეტრი იქნება და ის 4-ზოლიანი გზის მშენებლობას ითვალისწინებს. გარემოზე ზემოქმედების შეფასების (გზშ) ანგარიშის მიხედვით, ახალი გზა გაივლის წიწამურის, საგურამოს, ჭოპორტის, წითელსოფლის, არაგვისპირის, ბულაჩაურის, ქუბრიანთკარისა და ჟინვალის ტერიტორიებს. საპროექტო დოკუმენტაციის თანახმად, ავტომაგისტრალზე მოძრაობის მაქსიმალური დასაშვები სიჩქარე ძირითად მონაკვეთებზე 120 კმ/სთ იქნება, ხოლო ცალკეულ მონაკვეთებზე — 100 კმ/სთ.მთავრობის გეგმით, ნატახტარი-ჟინვალის მაგისტრალის სამშენებლო სამუშაოები 2028 წელს დაიწყება, ხოლო მისი სრულად ექსპლუატაციაში შესვლა 2031 წლისთვისაა დაგეგმილი.თბილისის ახალი შემოვლითი გზის პროექტი მთავრობამ 2016 წელს დააანონსა. ინიციატივა ორ ძირითად მიმართულებას მოიცავს — ნატახტარი-ჟინვალისა და ნატახტარი-რუსთავის მონაკვეთების მშენებლობას. მთლიანობაში პროექტი ხუთ ლოტად არის დაყოფილი: პირველი ლოტი ნატახტარი-ჟინვალის მონაკვეთს მოიცავს, ხოლო დანარჩენი ოთხი — დაახლოებით 51-კილომეტრიან ნატახტარი-რუსთავის გზას, რომელიც თბილისის ახალ შემოვლით მარშრუტს შექმნის.საქართველოს დედაქალაქში შემოვლითი გზის მშენებლობა აუცილებელი გახდა ქალაქში სატვირთო მანქანების მოძრაობის განტვირთვისა და მზარდი ტრაფიკის ფონზე საცობების შემცირების მიზნით.თბილისის შემოვლითი გზა წარმოადგენს აღმოსავლეთ–დასავლეთის საერთაშორისო მაგისტრალის E60-ის საკვანძო ნაწილს, მისი მშენებლობა კი ერთ-ერთი ყველაზე მნიშვნელოვანი საგზაო ინიციატივაა ქვეყნის სატრანსპორტო სისტემის განვითარებაში. პროექტი ერთდროულად ემსახურება როგორც საერთაშორისო სატრანზიტო ფუნქციის გაძლიერებას, ისე დედაქალაქის სატრანსპორტო პრობლემების გრძელვადიან გადაწყვეტას.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საავტომობილო გზების დეპარტამენტი, ტრანსპორტი საქართველოში, საქართველოს მთავრობა , ახალი ამბები
საქართველო, საავტომობილო გზების დეპარტამენტი, ტრანსპორტი საქართველოში, საქართველოს მთავრობა , ახალი ამბები
ნატახტარი-ჟინვალის ახალი მაგისტრალი: საგურამოსა და წიწამურში მიწების გამოსყიდვა იწყება
ახალი გზა გაივლის წიწამურის, საგურამოს, ჭოპორტის, წითელსოფლის, არაგვისპირის, ბულაჩაურის, ქუბრიანთკარისა და ჟინვალის ტერიტორიებს.
თბილისი, 8 ივლისი - Sputnik. თბილისის შემოვლითი გზის პროექტის ფარგლებში ინფრასტრუქტურის სამინისტრო ნატახტრიდან ჟინვალის მიმართულებით ახალი ავტომაგისტრალის მშენებლობას გეგმავს, რისთვისაც მთავრობამ 1-ელ ივლისს მიწების გამოსყიდვის შესახებ განკარგულება გამოსცა.
განკარგულების თანახმად, პროექტისთვის საჭირო მიწების გამოსყიდვის უფლება საავტომობილო გზების დეპარტამენტს მიენიჭა.
მთავრობის გადაწყვეტილების მიხედვით, დეპარტამენტი მიწების შესყიდვისა და განსახლების ღონისძიებებს აზიის განვითარების ბანკის (ADB) გარემოსდაცვითი და სოციალური ჩარჩო დოკუმენტის (ESF 2024) მოთხოვნების შესაბამისად განახორციელებს. აღნიშნული პროცესი შეეხება E-60 ავტომაგისტრალის თბილისის შემოვლითი გზის ნატახტარი-ჟინვალის (ლოტი 1) მონაკვეთს.
გავრცელებული ინფორმაციით, ახალი მაგისტრალის სიგრძე 27 კილომეტრი იქნება და ის 4-ზოლიანი გზის მშენებლობას ითვალისწინებს. გარემოზე ზემოქმედების შეფასების (გზშ) ანგარიშის მიხედვით, ახალი გზა გაივლის წიწამურის, საგურამოს, ჭოპორტის, წითელსოფლის, არაგვისპირის, ბულაჩაურის, ქუბრიანთკარისა და ჟინვალის ტერიტორიებს.
პროექტით ასევე გათვალისწინებულია 16 ხიდის მშენებლობა, მათ შორის, ყველაზე გრძელი 991 მეტრის ორი პარალელური ხიდი მდინარე არაგვზე გაივლის, ასევე მოეწყობა 415 მეტრის სიგრძის პანდუსი, ორი პარალელური 239-მეტრიანი ხიდი მდინარე თეზამზე, ორი პარალელური 271-მეტრიანი ხიდი მდინარე წირდალისხევზე, ორი პარალელური 139-მეტრიანი ხიდი მდინარე ახატნისხევზე, ასევე ორი პარალელური 106-მეტრიანი ხიდი მდინარე აბანოსხევზე.
საპროექტო დოკუმენტაციის თანახმად, ავტომაგისტრალზე მოძრაობის მაქსიმალური დასაშვები სიჩქარე ძირითად მონაკვეთებზე 120 კმ/სთ იქნება, ხოლო ცალკეულ მონაკვეთებზე — 100 კმ/სთ.
მთავრობის გეგმით, ნატახტარი-ჟინვალის მაგისტრალის სამშენებლო სამუშაოები 2028 წელს დაიწყება, ხოლო მისი სრულად ექსპლუატაციაში შესვლა 2031 წლისთვისაა დაგეგმილი.
თბილისის ახალი შემოვლითი გზის პროექტი მთავრობამ 2016 წელს დააანონსა. ინიციატივა ორ ძირითად მიმართულებას მოიცავს — ნატახტარი-ჟინვალისა და ნატახტარი-რუსთავის მონაკვეთების მშენებლობას. მთლიანობაში პროექტი ხუთ ლოტად არის დაყოფილი: პირველი ლოტი ნატახტარი-ჟინვალის მონაკვეთს მოიცავს, ხოლო დანარჩენი ოთხი — დაახლოებით 51-კილომეტრიან ნატახტარი-რუსთავის გზას, რომელიც თბილისის ახალ შემოვლით მარშრუტს შექმნის.
საქართველოს დედაქალაქში შემოვლითი გზის მშენებლობა აუცილებელი გახდა ქალაქში სატვირთო მანქანების მოძრაობის განტვირთვისა და მზარდი ტრაფიკის ფონზე საცობების შემცირების მიზნით.
თბილისის შემოვლითი გზა წარმოადგენს აღმოსავლეთ–დასავლეთის საერთაშორისო მაგისტრალის E60-ის საკვანძო ნაწილს, მისი მშენებლობა კი ერთ-ერთი ყველაზე მნიშვნელოვანი საგზაო ინიციატივაა ქვეყნის სატრანსპორტო სისტემის განვითარებაში. პროექტი ერთდროულად ემსახურება როგორც საერთაშორისო სატრანზიტო ფუნქციის გაძლიერებას, ისე დედაქალაქის სატრანსპორტო პრობლემების გრძელვადიან გადაწყვეტას.
