https://sputnik-georgia.com/20260604/wamali-diusenis-distrofiis-mqone-bavsvebs-kobaxizem-samusao-jgufis-seqmna-daaanonsa-299003020.html
წამალი დიუშენის დისტროფიის მქონე ბავშვებისთვის - კობახიძემ სამუშაო ჯგუფის შექმნა დააანონსა
წამალი დიუშენის დისტროფიის მქონე ბავშვებისთვის - კობახიძემ სამუშაო ჯგუფის შექმნა დააანონსა
Sputnik საქართველო
ჯანდაცვის მინისტრის თქმით, მშობლების კონსტრუქციულ დამოკიდებულება ძალიან მნიშვნელოვანი იყო გადაწყვეტილებების მისაღებად და აუცილებელი ფორმატია თანამშრომლობისა. 04.06.2026-ს, Sputnik საქართველო
2026-06-04T19:06+0400
2026-06-04T19:06+0400
2026-06-04T19:06+0400
ახალი ამბები
საქართველო
ჯანდაცვა საქართველოში
საზოგადოება
დევნილთა, შრომის, ჯანმრთელობისა და სოციალური დაცვის სამინისტრო
საქართველოს პრემიერ–მინისტრი
ირაკლი კობახიძე
https://cdnn1.img.sputnik-georgia.com/img/07e9/09/19/295091576_0:165:2048:1317_1920x0_80_0_0_222f30fffec207a9578e7c13cb3fb9a4.jpg
თბილისი, 4 ივნისი — Sputnik. შეიქმნება საგანგებო სამუშაო ჯგუფი, რომელიც დიუშენის კუნთოვანი დისტროფიის მქონე ბავშვებისთვის მედიკამენტის ხელმისაწვდომობაზეც იმუშავებს, განაცხადა პრემიერ-მინისტრმა ირაკლი კობახიძემ.თბილისში, მთავრობის ადმინისტრაციის შენობასთან, დიუშენის კუნთოვანი დისტროფიით დაავადებული ბავშვების მშობლები ყოველდღე საპროტესტო აქციებს მართავენ და საქართველოში საჭირო მედიკამენტების შემოტანას ითხოვენ, რომლებსაც დაავადების პროგრესირების შენელება შეუძლიათ. ჯანდაცვის სამინისტრო მზადაა შეიძინოს პრეპარატი, მხოლოდ საერთაშორისო ორგანიზაციების მხრიდან მისი დამტკიცების შემდეგ, ამიტომ პროცესი ჭიანურდება.„შეიქმნება საგანგებო სამუშაო ჯგუფი, დაიწყება სამუშაო პროცესი და მშობლები მუდმივ რეჟიმში მიიღებენ ინფორმაციას პროცესების მიმდინარეობასთან დაკავშირებით. ჩვენ შევჯერდით კონკრეტულ მედიკამენტებზე, რომლებსაც კონკრეტული მიზეზების გამო ახლა არ ვასახელებთ, თუმცა მშობლების სრულ წრეს ამაზე ექნება სათანადო ინფორმაცია“, - განაცხადა კობახიძემ.მისი თქმით, დღეს გაიმართა მეორე შეხვედრა დიუშენის კუნთოვანი დისტროფიის მქონე ბავშვების მშობლებთან, სადაც მხარეები შეთანხმდნენ სამუშაო ჯგუფის შექმნაზე ჯანდაცვის სამინისტროს წარმომადგენლებისა და მშობლების მონაწილეობით.„კონკრეტული მედიკამენტების შესყიდვის შესახებ საბოლოო გადაწყვეტილება მიიღება სხვადასხვა ფაქტორის, მათ შორის ფარმაცევტული კომპანიების მიერ შემოთავაზებული პირობების გათვალისწინებით“, - აღნიშნა მან.პრემიერმა მადლობა გადაუხადა შეხვედრაში მონაწილე თითოეულ მშობელს კონსტრუქციული დამოკიდებულებისთვის, ასევე ჯანდაცვის მინისტრს და სამინისტროს შესაბამის თანამშრომლებს საკითხის სიღრმისეული დამუშავებისთვის.„ჩვენ გამოვთქვამთ იმედს, რომ დღევანდელი გადაწყვეტილება შექმნის საუკეთესო საფუძველს ბავშვების ინტერესების დაცვისა და რეალიზებისათვის“, - განაცხადა ირაკლი კობახიძემ.როგორც ჯანდაცვის მინისტრმა მიხეილ სარჯველაძემ აღნიშნა, მშობლების კონსტრუქციულ დამოკიდებულება ძალიან მნიშვნელოვანი იყო გადაწყვეტილებების მისაღებად და აუცილებელი ფორმატია თანამშრომლობისა.სარჯველაძემ პრემიერს პირადი ჩართულობისთვის მადლობა გადაუხადა.„გაგრძელდება მუშაობა სამუშაო ჯგუფის ფორმატში, ეს კრიტიკულად მნიშვნელოვანი და აუცილებელია იმისთვის, რომ არა მხოლოდ მედიკამენტების მიმართულებით, არამედ ყველა სხვა მიმართულებითაც არსებობდეს ბავშვების და პაციენტების საუკეთესო ინტერესის მაქსიმალურად დაკმაყოფილებისა და დაცვის შესაძლებლობა“, - განაცხადა მიხეილ სარჯველაძემ ბრიფინგზე.მისი თქმით, ყველა სიახლის შესახებ და მიმდინარეობის შესახებ უპირველესად ინფორმირებული იქნებიან მშობლები და პაციენტები, საზოგადოებასაც მიმდინარეობის შესახებ ექნება სრული ინფორმაცია.დიუშენის კუნთოვანი დისტროფია – ეს არის მძიმე გენეტიკური დაავადება, რომელიც გამოწვეულია იმ გენის დაზიანებით, რომელიც პასუხისმგებელია ცილა დისტროფინის გამომუშავებაზე. დაავადება თითქმის გამონაკლისის გარეშე ვლინდება ბიჭებში ადრეულ ასაკში: თავდაპირველად წარმოიქმნება სირთულეები სირბილისას და კიბეზე ასვლისას, დროთა განმავლობაში კი სისუსტე პროგრესირებს, რაც გავლენას ახდენს სიარულის უნარზე, ასევე გულისა და ფილტვების მუშაობაზე.დღეისათვის დაავადების სრულად განკურნება შეუძლებელია, თუმცა, თანამედროვე მედიცინა მისი განვითარების შენელების საშუალებას იძლევა. საქართველოში, მედიის მონაცემებით, დიუშენის კუნთოვანი დისტროფიით დაახლოებით 100 ბავშვია დაავადებული.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, ჯანდაცვა საქართველოში, საზოგადოება, დევნილთა, შრომის, ჯანმრთელობისა და სოციალური დაცვის სამინისტრო , საქართველოს პრემიერ–მინისტრი, ირაკლი კობახიძე
ახალი ამბები, საქართველო, ჯანდაცვა საქართველოში, საზოგადოება, დევნილთა, შრომის, ჯანმრთელობისა და სოციალური დაცვის სამინისტრო , საქართველოს პრემიერ–მინისტრი, ირაკლი კობახიძე
წამალი დიუშენის დისტროფიის მქონე ბავშვებისთვის - კობახიძემ სამუშაო ჯგუფის შექმნა დააანონსა
ჯანდაცვის მინისტრის თქმით, მშობლების კონსტრუქციულ დამოკიდებულება ძალიან მნიშვნელოვანი იყო გადაწყვეტილებების მისაღებად და აუცილებელი ფორმატია თანამშრომლობისა.
თბილისი, 4 ივნისი — Sputnik. შეიქმნება საგანგებო სამუშაო ჯგუფი, რომელიც დიუშენის კუნთოვანი დისტროფიის მქონე ბავშვებისთვის მედიკამენტის ხელმისაწვდომობაზეც იმუშავებს, განაცხადა პრემიერ-მინისტრმა ირაკლი კობახიძემ.
თბილისში, მთავრობის ადმინისტრაციის შენობასთან, დიუშენის კუნთოვანი დისტროფიით დაავადებული ბავშვების მშობლები ყოველდღე საპროტესტო აქციებს მართავენ და საქართველოში საჭირო მედიკამენტების შემოტანას ითხოვენ, რომლებსაც დაავადების პროგრესირების შენელება შეუძლიათ. ჯანდაცვის სამინისტრო მზადაა შეიძინოს პრეპარატი, მხოლოდ საერთაშორისო ორგანიზაციების მხრიდან მისი დამტკიცების შემდეგ, ამიტომ პროცესი ჭიანურდება.
„შეიქმნება საგანგებო სამუშაო ჯგუფი, დაიწყება სამუშაო პროცესი და მშობლები მუდმივ რეჟიმში მიიღებენ ინფორმაციას პროცესების მიმდინარეობასთან დაკავშირებით. ჩვენ შევჯერდით კონკრეტულ მედიკამენტებზე, რომლებსაც კონკრეტული მიზეზების გამო ახლა არ ვასახელებთ, თუმცა მშობლების სრულ წრეს ამაზე ექნება სათანადო ინფორმაცია“, - განაცხადა კობახიძემ.
მისი თქმით, დღეს გაიმართა მეორე შეხვედრა დიუშენის კუნთოვანი დისტროფიის მქონე ბავშვების მშობლებთან, სადაც მხარეები შეთანხმდნენ სამუშაო ჯგუფის შექმნაზე ჯანდაცვის სამინისტროს წარმომადგენლებისა და მშობლების მონაწილეობით.
„კონკრეტული მედიკამენტების შესყიდვის შესახებ საბოლოო გადაწყვეტილება მიიღება სხვადასხვა ფაქტორის, მათ შორის ფარმაცევტული კომპანიების მიერ შემოთავაზებული პირობების გათვალისწინებით“, - აღნიშნა მან.
პრემიერმა მადლობა გადაუხადა შეხვედრაში მონაწილე თითოეულ მშობელს კონსტრუქციული დამოკიდებულებისთვის, ასევე ჯანდაცვის მინისტრს და სამინისტროს შესაბამის თანამშრომლებს საკითხის სიღრმისეული დამუშავებისთვის.
„ჩვენ გამოვთქვამთ იმედს, რომ დღევანდელი გადაწყვეტილება შექმნის საუკეთესო საფუძველს ბავშვების ინტერესების დაცვისა და რეალიზებისათვის“, - განაცხადა ირაკლი კობახიძემ.
როგორც ჯანდაცვის მინისტრმა მიხეილ სარჯველაძემ აღნიშნა, მშობლების კონსტრუქციულ დამოკიდებულება ძალიან მნიშვნელოვანი იყო გადაწყვეტილებების მისაღებად და აუცილებელი ფორმატია თანამშრომლობისა.
სარჯველაძემ პრემიერს პირადი ჩართულობისთვის მადლობა გადაუხადა.
„გაგრძელდება მუშაობა სამუშაო ჯგუფის ფორმატში, ეს კრიტიკულად მნიშვნელოვანი და აუცილებელია იმისთვის, რომ არა მხოლოდ მედიკამენტების მიმართულებით, არამედ ყველა სხვა მიმართულებითაც არსებობდეს ბავშვების და პაციენტების საუკეთესო ინტერესის მაქსიმალურად დაკმაყოფილებისა და დაცვის შესაძლებლობა“, - განაცხადა მიხეილ სარჯველაძემ ბრიფინგზე.
მისი თქმით, ყველა სიახლის შესახებ და მიმდინარეობის შესახებ უპირველესად ინფორმირებული იქნებიან მშობლები და პაციენტები, საზოგადოებასაც მიმდინარეობის შესახებ ექნება სრული ინფორმაცია.
დიუშენის კუნთოვანი დისტროფია – ეს არის მძიმე გენეტიკური დაავადება, რომელიც გამოწვეულია იმ გენის დაზიანებით, რომელიც პასუხისმგებელია ცილა დისტროფინის გამომუშავებაზე. დაავადება თითქმის გამონაკლისის გარეშე ვლინდება ბიჭებში ადრეულ ასაკში: თავდაპირველად წარმოიქმნება სირთულეები სირბილისას და კიბეზე ასვლისას, დროთა განმავლობაში კი სისუსტე პროგრესირებს, რაც გავლენას ახდენს სიარულის უნარზე, ასევე გულისა და ფილტვების მუშაობაზე.
დღეისათვის დაავადების სრულად განკურნება შეუძლებელია, თუმცა, თანამედროვე მედიცინა მისი განვითარების შენელების საშუალებას იძლევა. საქართველოში, მედიის მონაცემებით, დიუშენის კუნთოვანი დისტროფიით დაახლოებით 100 ბავშვია დაავადებული.
