https://sputnik-georgia.com/20260529/biznesistvis-savi-siis-kriteriumebi-mkacrdeba-298915274.html
საქართველოში ბიზნესისთვის „შავი სიის“ კრიტერიუმები მკაცრდება - სიახლეები
საქართველოში ბიზნესისთვის „შავი სიის“ კრიტერიუმები მკაცრდება - სიახლეები
Sputnik საქართველო
საქართველოში შავ სიაში ხვდებიან ის კომპანიები, რომლებმაც დაარღვიეს სახელმწიფო შესყიდვების პირობები, თავი აარიდეს კონტრაქტების ხელმოწერას ან წარმოადგინეს ცრუ... 29.05.2026-ს, Sputnik საქართველო
2026-05-29T20:21+0400
2026-05-29T20:21+0400
2026-05-29T20:21+0400
ახალი ამბები
საქართველო
კომპანიების ახალი ამბები
საქართველოს ბიზნესგარემო
https://cdnn1.img.sputnik-georgia.com/img/07ea/05/14/298746314_0:159:3078:1890_1920x0_80_0_0_0c76fbf9e080aecd59e3f292b501f5c8.jpg
თბილისი, 29 მაისი — Sputnik. საქართველოში 1 ივნისიდან ამოქმედდება ახალი რეგულაციები, რომლებიც ამკაცრებს „შავ სიაში“ იმ კომპანიების მოხვედრას, რომლებიც არაკეთილსინდისიერად ასრულებენ სახელმწიფო კონტრაქტებს. შესაბამისი საკანონმდებლო აქტები უკვე გამოქვეყნდა „საქართველოს საკანონმდებლო მაცნის“ ვებსაიტზე.საქართველოში შავ სიაში ხვდებიან ის კომპანიები, რომლებმაც დაარღვიეს სახელმწიფო შესყიდვების პირობები, თავი აარიდეს კონტრაქტების ხელმოწერას ან წარმოადგინეს ცრუ ინფორმაცია. მათ ერთი წლით აეკრძალათ სახელმწიფო შესყიდვებში მონაწილეობა.ცვლილებების მიხედვით, თუ ეკონომიკური ოპერატორი ხელშეკრულების მოპოვების მიზნით არაკეთილსინდისიერ ქმედებას ჩაიდენს, „შავ სიაში“ რეგისტრაციის ვადა ერთი წლის ნაცვლად ორ წლამდე გაიზრდება.გარდა ამისა, სახელმწიფო შესყიდვებში მონაწილეობა შეეზღუდებათ იმ კომპანიებსაც, რომელთა დამფუძნებლები ან ხელმძღვანელები დაკავშირებული არიან „შავ სიაში“ რეგისტრირებულ პირებთან.1 ივნისიდან დისკვალიფიკაცია ემუქრება იმ კომპანიასა და პირს, რომელიც ნასამართლევია კორუფციის, თაღლითობის, ფულის გათეთრების, ტერორიზმის დაფინანსებისა და სხვა მძიმე დანაშაულის ჩადენისთვის.გარდა ამისა, სახელმწიფო შესყიდვების ნაწილი შეიძლება დარეზერვდეს მხოლოდ იმ კომპანიებისთვის, რომლებიც სპეციალურ კრიტერიუმებს აკმაყოფილებენ.ცვლილებები ასევე ფასების ინდექსაციას შეეხება.ახალი რეგულაციის თანახმად, გრძელვადიანი სამთავრობო კონტრაქტების ღირებულების კორექტირება შესაძლებელი იქნება ფასების ცვლილების საფუძველზე, საქართველოს მთავრობის მიერ დადგენილი წესების შესაბამისად.სახელმწიფო შესყიდვებში ცვლილებები საქართველოს მთავრობამ დააინიცირა. მათი მიზანია ინფრასტრუქტურული პროექტების განხორციელების გაუმჯობესება, პროექტების შეჩერების რისკის შემცირება და სამშენებლო სექტორში უფრო მდგრადი და პასუხისგებლიანი გარემოს შექმნა.შესყიდვების თემა განსაკუთრებით აქტუალური გახდა ტენდერებთან დაკავშირებული კორუფციული სკანდალების სერიის ფონზე. დაკავებულთა შორის არიან ეკონომიკის მინისტრის ყოფილი მოადგილე, თავდაცვის ყოფილი მინისტრი და რეგიონული განვითარებისა და ინფრასტრუქტურის მინისტრის ყოფილი მოადგილე.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, კომპანიების ახალი ამბები, საქართველოს ბიზნესგარემო
ახალი ამბები, საქართველო, კომპანიების ახალი ამბები, საქართველოს ბიზნესგარემო
საქართველოში ბიზნესისთვის „შავი სიის“ კრიტერიუმები მკაცრდება - სიახლეები
საქართველოში შავ სიაში ხვდებიან ის კომპანიები, რომლებმაც დაარღვიეს სახელმწიფო შესყიდვების პირობები, თავი აარიდეს კონტრაქტების ხელმოწერას ან წარმოადგინეს ცრუ ინფორმაცია.
თბილისი, 29 მაისი — Sputnik. საქართველოში 1 ივნისიდან ამოქმედდება ახალი რეგულაციები, რომლებიც ამკაცრებს „შავ სიაში“ იმ კომპანიების მოხვედრას, რომლებიც არაკეთილსინდისიერად ასრულებენ სახელმწიფო კონტრაქტებს. შესაბამისი საკანონმდებლო აქტები უკვე გამოქვეყნდა „საქართველოს საკანონმდებლო მაცნის“ ვებსაიტზე.
საქართველოში შავ სიაში ხვდებიან ის კომპანიები, რომლებმაც დაარღვიეს სახელმწიფო შესყიდვების პირობები, თავი აარიდეს კონტრაქტების ხელმოწერას ან წარმოადგინეს ცრუ ინფორმაცია. მათ ერთი წლით აეკრძალათ სახელმწიფო შესყიდვებში მონაწილეობა.
ცვლილებების მიხედვით, თუ ეკონომიკური ოპერატორი ხელშეკრულების მოპოვების მიზნით არაკეთილსინდისიერ ქმედებას ჩაიდენს, „შავ სიაში“ რეგისტრაციის ვადა ერთი წლის ნაცვლად ორ წლამდე გაიზრდება.
გარდა ამისა, სახელმწიფო შესყიდვებში მონაწილეობა შეეზღუდებათ იმ კომპანიებსაც, რომელთა დამფუძნებლები ან ხელმძღვანელები დაკავშირებული არიან „შავ სიაში“ რეგისტრირებულ პირებთან.
1 ივნისიდან დისკვალიფიკაცია ემუქრება იმ კომპანიასა და პირს, რომელიც ნასამართლევია კორუფციის, თაღლითობის, ფულის გათეთრების, ტერორიზმის დაფინანსებისა და სხვა მძიმე დანაშაულის ჩადენისთვის.
გარდა ამისა, სახელმწიფო შესყიდვების ნაწილი შეიძლება დარეზერვდეს მხოლოდ იმ კომპანიებისთვის, რომლებიც სპეციალურ კრიტერიუმებს აკმაყოფილებენ.
ცვლილებები ასევე ფასების ინდექსაციას შეეხება.
ახალი რეგულაციის თანახმად, გრძელვადიანი სამთავრობო კონტრაქტების ღირებულების კორექტირება შესაძლებელი იქნება ფასების ცვლილების საფუძველზე, საქართველოს მთავრობის მიერ დადგენილი წესების შესაბამისად.
სახელმწიფო შესყიდვებში ცვლილებები საქართველოს მთავრობამ დააინიცირა. მათი მიზანია ინფრასტრუქტურული პროექტების განხორციელების გაუმჯობესება, პროექტების შეჩერების რისკის შემცირება და სამშენებლო სექტორში უფრო მდგრადი და პასუხისგებლიანი გარემოს შექმნა.
შესყიდვების თემა განსაკუთრებით აქტუალური გახდა ტენდერებთან დაკავშირებული კორუფციული სკანდალების სერიის ფონზე. დაკავებულთა შორის არიან ეკონომიკის მინისტრის ყოფილი მოადგილე, თავდაცვის ყოფილი მინისტრი და რეგიონული განვითარებისა და ინფრასტრუქტურის მინისტრის ყოფილი მოადგილე.
