თბილისში კერძო ბაღის აღმზრდელი მცირეწლოვანზე ფიზიკური ძალადობის ბრალდებით დააკავეს

© Sputnik / Vladimir Umikashviliდაკავება
დაკავება - Sputnik საქართველო, 1920, 25.05.2026
გამოწერა
ბრიტანულ-ქართული საბავშვო ბაღი ABC-ის აღმზრდელის მხრიდან 2 წლის ბავშვზე ძალადობის შესახებ მცირეწლოვნის ბებიამ ორი დღის წინ სოციალურ ქსელში დაწერა.
თბილისი, 25 მაისი - Sputnik. თბილისში, ერთ-ერთი კერძო საბავშვო ბაღის აღმზრდელი მცირეწლოვან აღსაზრდელზე ფიზიკური ძალადობის ბრალდებით დააკავეს, იუწყება შინაგან საქმეთა სამინისტრო.
ბრიტანულ-ქართული საბავშვო ბაღი ABC-ის აღმზრდელის მხრიდან 2 წლის ბავშვზე ძალადობის შესახებ მცირეწლოვნის ბებიამ ორი დღის წინ სოციალურ ქსელში დაწერა. მისი თქმით, ბავშვს თვეების განმავლობაში ჰქონდა კისრის არეში დაზიანებები, რის გამოც, ბოლო დღეებში „112"-ს მიმართეს.
საგამოძიებო უწყება აღნიშნულ პირს წინასწარი შეცნობით, არასრულწლოვნის მიმართ განხორციელებულ ძალადობას ედავება.
მიმდინარე გამოძიების ფარგლებში სამართალდამცველებმა უკვე ამოიღეს სათვალთვალო კამერების ჩანაწერები, რომლებიც ბრალდებულის დანაშაულებრივ ქმედებას ადასტურებს.
მომხდარ ფაქტზე გამოძიება სსკ-ის 126-ე პირველი პრიმა ნაწილით მიმდინარეობს, რაც სასჯელის სახით ითვალისწინებს ჯარიმას, საზოგადოებისათვის სასარგებლო შრომას ან ორ წლამდე თავისუფლების აღკვეთას.
ყველა ახალი ამბავი
0