https://sputnik-georgia.com/20260518/rustavshi-axali-parki-gachndeba-298673694.html
რუსთავში ახალი პარკი გაჩნდება
რუსთავში ახალი პარკი გაჩნდება
Sputnik საქართველო
თანამედროვე მრავალფუნქციური სივრცე გააერთიანებს საბავშვო სივრცეებს, რეკრეაციულ და დასასვენებელ ზონებს, საფეხმავლო, სარბენ და ველობილიკების ქსელს. 18.05.2026-ს, Sputnik საქართველო
2026-05-18T11:37+0400
2026-05-18T11:37+0400
2026-05-18T11:37+0400
საქართველო
რუსთავი
საზოგადოება
საქართველოს მთავრობა
ახალი ამბები
https://cdnn1.img.sputnik-georgia.com/img/07ea/05/10/298669228_0:65:1110:689_1920x0_80_0_0_a190b466e8e58e1bce9fd5ce805f1251.jpg
თბილისი, 18 მაისი — Sputnik. ქალაქ რუსთავში, მტკვრის მარჯვენა სანაპიროს ტყე-ჭალის ტერიტორიაზე ახალი პარკი გაჩნდება, ნათქვამია მთავრობის მიერ გავრცელებულ განცხადებაში.მუნიციპალური განვითარების ფონდმა ახალი პარკის საპროექტო დოკუმენტაციის მომზადებაზე ხელშეკრულება ტენდერში გამარჯვებულ კომპანიასთან გააფორმა - ფონდის მიერ გამოცხადებულ ტენდერში მონაწილეობა მიიღო მხოლოდ ერთმა კომპანიამ, შპს „ტასხაბმა“. შესყიდვის სახელშეკრულებო ღირებულება, დღგ-ის ჩათვლით, 2 049 660 ლარს შეადგენს. ხელშეკრულების პირობების თანახმად, კომპანიამ სამუშაოები 6 თვის ვადაში უნდა შეასრულოს.როგორი იქნება რუსთავის ახალი პარკი?პროექტის თანახმად, შეიქმნება თანამედროვე მრავალფუნქციური სივრცე, რომელიც გააერთიანებს საბავშვო სივრცეებს, რეკრეაციულ და დასასვენებელ ზონებს, საფეხმავლო, სარბენ და ველობილიკების ქსელს.გარდა ამისა, კეთილმოეწყობა არსებული ტბის მიმდებარე ტერიტორია, სამშენებლო და არქიტექტურული ობიექტები, მათ შორის პავილიონები, საინფორმაციო ცენტრი, ღია სცენა, კულტურული და საგანმანათლებლო სივრცეები, წყლის ობიექტები და ავტოსადგომი.„ახალი პარკი აღჭურვილი იქნება თანამედროვე გარე განათებით, სარწყავი და დაცვის სისტემებით. გარდა ამისა, პროექტირებისას გათვალისწინებული უნდა იყოს მომიჯნავე ტერიტორიაზე დაგეგმილ მულტიფუნქციურ კომპლექსთან პარკის დაკავშირება“, - ნათქვამია განცხადებაში.როგორც განცხადებაშია აღნიშნული, ახალი სივრცე ხელს შეუწყობს ჯანსაღი ცხოვრების წესის პოპულარიზაციას, საზოგადოებრივი ღონისძიებების ორგანიზებას, სოციალიზაციას და ტურიზმის განვითარებას.
საქართველო
რუსთავი
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, რუსთავი, საზოგადოება, საქართველოს მთავრობა , ახალი ამბები
საქართველო, რუსთავი, საზოგადოება, საქართველოს მთავრობა , ახალი ამბები
რუსთავში ახალი პარკი გაჩნდება
თანამედროვე მრავალფუნქციური სივრცე გააერთიანებს საბავშვო სივრცეებს, რეკრეაციულ და დასასვენებელ ზონებს, საფეხმავლო, სარბენ და ველობილიკების ქსელს.
თბილისი, 18 მაისი — Sputnik. ქალაქ რუსთავში, მტკვრის მარჯვენა სანაპიროს ტყე-ჭალის ტერიტორიაზე ახალი პარკი გაჩნდება, ნათქვამია მთავრობის მიერ გავრცელებულ განცხადებაში.
მუნიციპალური განვითარების ფონდმა ახალი პარკის საპროექტო დოკუმენტაციის მომზადებაზე ხელშეკრულება ტენდერში გამარჯვებულ კომპანიასთან გააფორმა - ფონდის მიერ გამოცხადებულ ტენდერში მონაწილეობა მიიღო მხოლოდ ერთმა კომპანიამ, შპს „ტასხაბმა“. შესყიდვის სახელშეკრულებო ღირებულება, დღგ-ის ჩათვლით, 2 049 660 ლარს შეადგენს. ხელშეკრულების პირობების თანახმად, კომპანიამ სამუშაოები 6 თვის ვადაში უნდა შეასრულოს.
როგორი იქნება რუსთავის ახალი პარკი?
პროექტის თანახმად, შეიქმნება თანამედროვე მრავალფუნქციური სივრცე, რომელიც გააერთიანებს საბავშვო სივრცეებს, რეკრეაციულ და დასასვენებელ ზონებს, საფეხმავლო, სარბენ და ველობილიკების ქსელს.
გარდა ამისა, კეთილმოეწყობა არსებული ტბის მიმდებარე ტერიტორია, სამშენებლო და არქიტექტურული ობიექტები, მათ შორის პავილიონები, საინფორმაციო ცენტრი, ღია სცენა, კულტურული და საგანმანათლებლო სივრცეები, წყლის ობიექტები და ავტოსადგომი.
„ახალი პარკი აღჭურვილი იქნება თანამედროვე გარე განათებით, სარწყავი და დაცვის სისტემებით. გარდა ამისა, პროექტირებისას გათვალისწინებული უნდა იყოს მომიჯნავე ტერიტორიაზე დაგეგმილ მულტიფუნქციურ კომპლექსთან პარკის დაკავშირება“, - ნათქვამია განცხადებაში.
როგორც განცხადებაშია აღნიშნული, ახალი სივრცე ხელს შეუწყობს ჯანსაღი ცხოვრების წესის პოპულარიზაციას, საზოგადოებრივი ღონისძიებების ორგანიზებას, სოციალიზაციას და ტურიზმის განვითარებას.
