https://sputnik-georgia.com/20260501/ras-itvaliswinebs-mamuka-mdinarazis-saqmianoba-saxelmwifo-ministris-postze-detalebi-298397871.html
რას ითვალისწინებს მამუკა მდინარაძის საქმიანობა სახელმწიფო მინისტრის პოსზე - დეტალები
რას ითვალისწინებს მამუკა მდინარაძის საქმიანობა სახელმწიფო მინისტრის პოსზე - დეტალები
Sputnik საქართველო
პოსტის უნიკალურობას ხაზს უსვამს საკუთარი აპარატის არარსებობა - მინისტრის საორგანიზაციო უზრუნველყოფა უშუალოდ მთავრობის ადმინისტრაციას ეკისრება 01.05.2026-ს, Sputnik საქართველო
2026-05-01T20:41+0400
2026-05-01T20:41+0400
2026-05-01T20:41+0400
ახალი ამბები
საქართველო
საქართველოს მთავრობა
პოლიტიკა საქართველოში
პოლიტიკა
https://cdnn1.img.sputnik-georgia.com/img/07e8/0c/1d/291590695_0:0:1280:721_1920x0_80_0_0_a6d3fa5e27c09037bc67d4021400dd85.jpg
თბილისი, 1 მაისი - Sputnik. საქართველოს მთავრობამ სამართალდამცავი ორგანოების კოორდინაციის საკითხებში საქართველოს სახელმწიფო მინისტრის უფლებამოსილებები სპეციალური დადგენილებით განსაზღვრა.ამ პოსტზე სუსის ყოფილი უფროსი მამუკა მდინარაძე დაინიშნა.მთავრობის დადგენილებით, სახელმწიფო მინისტრი ახორციელებს საქართველოს შინაგან საქმეთა სამინისტროს, საქართველოს სახელმწიფო უსაფრთხოების სამსახურისა და სახელმწიფო დაცვის სპეციალური სამსახურის საქმიანობის საერთო კოორდინაციას.გარდა ამისა, საქართველოს მთავრობის სახელით, ახორციელებს კომუნიკაციას სასამართლო ხელისუფლებასთან, საქართველოს პროკურატურასა და სახელმწიფო აუდიტის სამსახურთან.მდინარაძე დააინიციირებს ეროვნული უსაფრთხოების სფეროში ეროვნული დონის კონცეპტუალური დოკუმენტების შემუშავების პროცესს და ამ მიზნით კოორდინაციას უწევს ამ პუნქტის შესაბამისი უწყებების საქმიანობას.გარდა ამისა, ის კოორდინაციას უწევს სუსის, შსს-ს და სახელმწიფო დაცვის სპეცსამსახურის საქმიანობას ეროვნული უსაფრთხოების სფეროში არსებული მდგომარეობის, შიდა და საგარეო საფრთხეებისა და გამოწვევების იდენტიფიცირების, შეფასების, ანალიზისა და პროგნოზირების მიზნით.გარდა ამისა, სახელმწიფო მინისტრი მხარს უჭერს საქართველოს პრემიერ-მინისტრის მიერ ეროვნული ინტერესებისთვის საფრთხის შემცველი კრიზისული ვითარების პოლიტიკურ დონეზე მართვას, აგრეთვე კომპეტენციის ფარგლებში, საკუთარი უფლებამოსილებების განსახორციელებლად, შესაბამისი სახელმწიფო უწყებებისგან გამოითხოვს ინფორმაციას.სამართალდამცავი ორგანოების კოორდინაციის საკითხებში საქართველოს სახელმწიფო მინისტრი საქართველოს პირველი სახელმწიფო მინისტრია, რომელსაც არ გააჩნია საკუთარი აპარატი და მის მატერიალურ და ორგანიზაციულ უზრუნველყოფას საკუთარ თავზე მთავრობა აიღებს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საქართველოს მთავრობა , პოლიტიკა საქართველოში, პოლიტიკა
ახალი ამბები, საქართველო, საქართველოს მთავრობა , პოლიტიკა საქართველოში, პოლიტიკა
რას ითვალისწინებს მამუკა მდინარაძის საქმიანობა სახელმწიფო მინისტრის პოსზე - დეტალები
პოსტის უნიკალურობას ხაზს უსვამს საკუთარი აპარატის არარსებობა - მინისტრის საორგანიზაციო უზრუნველყოფა უშუალოდ მთავრობის ადმინისტრაციას ეკისრება
თბილისი, 1 მაისი - Sputnik. საქართველოს მთავრობამ სამართალდამცავი ორგანოების კოორდინაციის საკითხებში საქართველოს სახელმწიფო მინისტრის უფლებამოსილებები სპეციალური დადგენილებით განსაზღვრა.
ამ პოსტზე სუსის ყოფილი უფროსი მამუკა მდინარაძე დაინიშნა.
მთავრობის დადგენილებით, სახელმწიფო მინისტრი ახორციელებს საქართველოს შინაგან საქმეთა სამინისტროს, საქართველოს სახელმწიფო უსაფრთხოების სამსახურისა და სახელმწიფო დაცვის სპეციალური სამსახურის საქმიანობის საერთო კოორდინაციას.
გარდა ამისა, საქართველოს მთავრობის სახელით, ახორციელებს კომუნიკაციას სასამართლო ხელისუფლებასთან, საქართველოს პროკურატურასა და სახელმწიფო აუდიტის სამსახურთან.
მდინარაძე დააინიციირებს ეროვნული უსაფრთხოების სფეროში ეროვნული დონის კონცეპტუალური დოკუმენტების შემუშავების პროცესს და ამ მიზნით კოორდინაციას უწევს ამ პუნქტის შესაბამისი უწყებების საქმიანობას.
გარდა ამისა, ის კოორდინაციას უწევს სუსის, შსს-ს და სახელმწიფო დაცვის სპეცსამსახურის საქმიანობას ეროვნული უსაფრთხოების სფეროში არსებული მდგომარეობის, შიდა და საგარეო საფრთხეებისა და გამოწვევების იდენტიფიცირების, შეფასების, ანალიზისა და პროგნოზირების მიზნით.
გარდა ამისა, სახელმწიფო მინისტრი მხარს უჭერს საქართველოს პრემიერ-მინისტრის მიერ ეროვნული ინტერესებისთვის საფრთხის შემცველი კრიზისული ვითარების პოლიტიკურ დონეზე მართვას, აგრეთვე კომპეტენციის ფარგლებში, საკუთარი უფლებამოსილებების განსახორციელებლად, შესაბამისი სახელმწიფო უწყებებისგან გამოითხოვს ინფორმაციას.
სამართალდამცავი ორგანოების კოორდინაციის საკითხებში საქართველოს სახელმწიფო მინისტრი საქართველოს პირველი სახელმწიფო მინისტრია, რომელსაც არ გააჩნია საკუთარი აპარატი და მის მატერიალურ და ორგანიზაციულ უზრუნველყოფას საკუთარ თავზე მთავრობა აიღებს.
