https://sputnik-georgia.com/20260213/miunxenis-usafrtxoebis-konferenciasi-maka-boworisvili-miirebs-monawileobas-297120889.html
მიუნხენის უსაფრთხოების კონფერენციაში მაკა ბოჭორიშვილი მიიღებს მონაწილეობას
მიუნხენის უსაფრთხოების კონფერენციაში მაკა ბოჭორიშვილი მიიღებს მონაწილეობას
Sputnik საქართველო
ბოჭორიშვილი შეხვედრებს გამართავს კოლეგა მინისტრებთან და მონაწილეობას მიიღებს პანელურ დისკუსიაში. 13.02.2026-ს, Sputnik საქართველო
2026-02-13T13:25+0400
2026-02-13T13:25+0400
2026-02-13T13:25+0400
ახალი ამბები
საქართველო
გიორგი გახარია
გერმანია
საქართველოს საგარეო პოლიტიკა
საქართველოს საგარეო საქმეთა სამინისტრო
https://cdnn1.img.sputnik-georgia.com/img/24774/77/247747770_0:253:2739:1794_1920x0_80_0_0_8727dd426a648f46616bbf8ddec1dfcc.jpg
თბილისი, 13 თებერვალი — Sputnik. გერმანიაში, მიუნხენის უსაფრთხოების რიგით 62-ე კონფერენციაში (MSC) საქართველოს საგარეო საქმეთა მინისტრი მაკა ბოჭორიშვილი მიიღებს მონაწილეობას. ამის შესახებ ინფორმაციას საგარეო საქმეთა სამინისტრო ავრცელებს. მანამდე ცნობილი გახდა, რომ საქართველოს მთავრობამ მიიღო მოწვევა მიუნხენის უსაფრთხოების კონფერენციაზე და მას პრემიერ-მინისტრი ირაკლი კობახიძე არ დაესწრებოდა. საგარეო უწყების ცნობით, კონფერენციის ფარგლებში ბოჭორიშვილი შეხვედრებს გამართავს კოლეგა მინისტრებთან, საერთაშორისო ორგანიზაციების წარმომადგენლებთან და მონაწილეობას მიიღებს პანელურ დისკუსიაში. გავრცელებული ინფორმაციით, მიუნხენის უსაფრთხოების კონფერენციაში მონაწილეობას მიიღებს ასევე ყოფილი პრემიერ-მინისტრი, პარტია "გახარია საქართველოსთვის" თავმჯდომარე გიორგი გახარიაც. ის ამერიკის შეერთებული შტატებისა და ევროკავშირის წევრი სახელმწიფოების უმაღლეს პოლიტიკური თანამდებობის პირებთან გამართავს შეხვედრებს. მიუნხენის უსაფრთხოების კონფერენცია მსოფლიოში ერთ-ერთი წამყვანი ფორუმია საერთაშორისო უსაფრთხოების საკითხების განსახილველად. 2026 წელს მიუნხენის 62-ე უსაფრთხოების კონფერენცია 13-დან 15 თებერვლის პერიოდში გაიმართება. კონფერენციის დღეებში მიუნხენში გაიმართება 21 დემონსტრაცია, მათ შორის ირანის ოპოზიციის სხვადასხვა ჯგუფების წარმომადგენლებისა. ღონისძიების დროს მიუნხენის საჰაერო სივრცე დაიხურება თვითმფრინავებისთვის, მათ შორის დრონებისთვის.გიორგი გახარია 2025 წლის ივნისიდან გერმანიაში იმყოფება, სადაც მან ბინადრობის ნებართვაც მიიღო. მას საქართველოში დაუსწრებლად პატიმრობა აქვს შეფარდებული. გიორგი გახარიას ბრალდება სსკ-ის 25, 117-ე მუხლის მე-3 ნაწილის "მ" ქვეპუნქტით და 333-ე მუხლის მე-2 ნაწილით წარედგინა, რაც სასჯელის სახედ და ზომად 13 წლამდე თავისუფლების აღკვეთას ითვალისწინებს.აღსანიშნავია, რომ ე.წ. ჩორჩანას ეპიზოდის გარდა, ექს-პრემიერის წინააღმდეგ სისხლის სამართლებრივი დევნა მეორე საქმეზეც - 20 ივნისის აქციის დარბევის ეპიზოდზეც მიმდინარეობს.ოპოზიციაში წასვლის შემდეგ, მმართველმა პარტიამ მას მოღალატე უწოდა. გარდა ამისა, "ოცნებაში" აცხადებენ, რომ ხელისუფლებაში ყოფნისას ის გარედან მიღებული ინსტრუქციებით მოქმედებდა და სახელმწიფოს რეპუტაციას შეგნებულად ძირს უთხრიდა.
საქართველო
გერმანია
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, გიორგი გახარია , გერმანია , საქართველოს საგარეო პოლიტიკა, საქართველოს საგარეო საქმეთა სამინისტრო
ახალი ამბები, საქართველო, გიორგი გახარია , გერმანია , საქართველოს საგარეო პოლიტიკა, საქართველოს საგარეო საქმეთა სამინისტრო
მიუნხენის უსაფრთხოების კონფერენციაში მაკა ბოჭორიშვილი მიიღებს მონაწილეობას
ბოჭორიშვილი შეხვედრებს გამართავს კოლეგა მინისტრებთან და მონაწილეობას მიიღებს პანელურ დისკუსიაში.
თბილისი, 13 თებერვალი — Sputnik. გერმანიაში, მიუნხენის უსაფრთხოების რიგით 62-ე კონფერენციაში (MSC) საქართველოს საგარეო საქმეთა მინისტრი მაკა ბოჭორიშვილი მიიღებს მონაწილეობას. ამის შესახებ ინფორმაციას საგარეო საქმეთა სამინისტრო ავრცელებს.
მანამდე ცნობილი გახდა, რომ საქართველოს მთავრობამ მიიღო მოწვევა მიუნხენის უსაფრთხოების კონფერენციაზე და მას პრემიერ-მინისტრი ირაკლი კობახიძე არ დაესწრებოდა.
საგარეო უწყების ცნობით, კონფერენციის ფარგლებში ბოჭორიშვილი შეხვედრებს გამართავს კოლეგა მინისტრებთან, საერთაშორისო ორგანიზაციების წარმომადგენლებთან და მონაწილეობას მიიღებს პანელურ დისკუსიაში.
გავრცელებული ინფორმაციით, მიუნხენის უსაფრთხოების კონფერენციაში მონაწილეობას მიიღებს ასევე ყოფილი პრემიერ-მინისტრი, პარტია "გახარია საქართველოსთვის" თავმჯდომარე გიორგი გახარიაც. ის ამერიკის შეერთებული შტატებისა და ევროკავშირის წევრი სახელმწიფოების უმაღლეს პოლიტიკური თანამდებობის პირებთან გამართავს შეხვედრებს.
მიუნხენის უსაფრთხოების კონფერენცია მსოფლიოში ერთ-ერთი წამყვანი ფორუმია საერთაშორისო უსაფრთხოების საკითხების განსახილველად. 2026 წელს მიუნხენის 62-ე უსაფრთხოების კონფერენცია 13-დან 15 თებერვლის პერიოდში გაიმართება.
კონფერენციის დღეებში მიუნხენში გაიმართება 21 დემონსტრაცია, მათ შორის ირანის ოპოზიციის სხვადასხვა ჯგუფების წარმომადგენლებისა.
ღონისძიების დროს მიუნხენის საჰაერო სივრცე დაიხურება თვითმფრინავებისთვის, მათ შორის დრონებისთვის.
გიორგი გახარია 2025 წლის ივნისიდან გერმანიაში იმყოფება, სადაც მან ბინადრობის ნებართვაც მიიღო. მას საქართველოში დაუსწრებლად პატიმრობა აქვს შეფარდებული. გიორგი გახარიას ბრალდება სსკ-ის 25, 117-ე მუხლის მე-3 ნაწილის "მ" ქვეპუნქტით და 333-ე მუხლის მე-2 ნაწილით წარედგინა, რაც სასჯელის სახედ და ზომად 13 წლამდე თავისუფლების აღკვეთას ითვალისწინებს.
აღსანიშნავია, რომ ე.წ. ჩორჩანას ეპიზოდის გარდა, ექს-პრემიერის წინააღმდეგ სისხლის სამართლებრივი დევნა მეორე საქმეზეც - 20 ივნისის აქციის დარბევის ეპიზოდზეც მიმდინარეობს.
ოპოზიციაში წასვლის შემდეგ, მმართველმა პარტიამ მას მოღალატე უწოდა. გარდა ამისა, "ოცნებაში" აცხადებენ, რომ ხელისუფლებაში ყოფნისას ის გარედან მიღებული ინსტრუქციებით მოქმედებდა და სახელმწიფოს რეპუტაციას შეგნებულად ძირს უთხრიდა.
