საქართველო ისრაელის საერთაშორისო ტურისტულ გამოფენაში მონაწილეობს

© photo: Sputnik / Alexander Imedashviliსაქართველო ტურისტულ გამოფენაზე
საქართველო ტურისტულ გამოფენაზე - Sputnik საქართველო, 1920, 05.02.2026
გამოწერა
ისრაელის ტურისტული გამოფენა IMTM 2026 ახლო აღმოსავლეთში ერთ-ერთი უდიდესია. მასზე 50-ზე მეტი ქვეყნის ტურისტული ორგანიზაცია და კომპანიაა წარდგენილი.
თბილისი, 5 თებერვალი — Sputnik. საქართველო ისრაელში, თელ-ავივში საერთაშორისო ტურისტულ გამოფენაში IMTM 2026 მონაწილეობს, ნათქვამია ტურიზმის ეროვნული ადმინისტრაციის მიერ გავრცელებულ ინფორმაციაში.
IMTM 2026-ზე ტურიზმის ეროვნული ადმინისტრაციასთან ერთად 30-ზე მეტი ტურისტული კომპანია და სასტუმროა წარდგენილი, გამოფენაში ჩართულები არიან სხვადასხვა სახელმწიფო ორგანიზაციებიც.
"IMTM 2026-ის ფარგლებში, ტურიზმის ეროვნული ადმინისტრაციის სტენდთან, ვიზიტორებს საშუალება აქვთ დააგემოვნონ ქართული პროდუქტები, ინფორმაცია მიიღონ საქართველოს კურორტებისა და ტურისტულად საინტერესო ადგილების შესახებ", - აღნიშულია ინფორმაციაში.
ისრაელის ტურისტული გამოფენა ახლო აღმოსავლეთში ერთ-ერთი უდიდესია. IMTM 2026-ზე ვიზიტორთა რაოდენობა 20 ათასს აჭარბებს, გამოფენაზე 50-ზე მეტი ქვეყნის ტურისტული ორგანიზაცია და კომპანიაა წარდგენილი.
ყველა ახალი ამბავი
0