https://sputnik-georgia.com/20260122/2025-wels-efeqtianobis-departamentma-biujets-67-4-mln-lari-dauzoga-296754502.html
2025 წელს მთავრობის ეფექტიანობის დეპარტამენტმა ბიუჯეტს 67,4 მლნ ლარი დაუზოგა
2025 წელს მთავრობის ეფექტიანობის დეპარტამენტმა ბიუჯეტს 67,4 მლნ ლარი დაუზოგა
Sputnik საქართველო
მთავრობის ეფექტურობის დეპარტამენტი აღმასრულებელი ხელისუფლების ყველა რგოლის გადაწყვეტილებების შესრულების კონტროლს უზრუნველყოფს. 22.01.2026-ს, Sputnik საქართველო
2026-01-22T15:58+0400
2026-01-22T15:58+0400
2026-01-22T15:58+0400
ახალი ამბები
საქართველო
საქართველოს მთავრობა
https://cdnn1.img.sputnik-georgia.com/img/07e7/0a/05/282980757_0:0:3078:1731_1920x0_80_0_0_a770bdd1673c3da8ce4955399783b961.jpg
თბილისი, 22 იანვარი - Sputnik. მთავრობის ეფექტიანობის დეპარტამენტის ჩართულობით, 2025 წელს სახელმწიფო ბიუჯეტის სასარგებლოდ დაიზოგა 67.413.621 ლარი, აღნიშნულია დეპარტამენტის საქმიანობის 2025 წლის ანგარიშში. მთავრობის ეფექტიანობის დეპარტამენტი 2025 წელს შეიქმნა. მთავრობის ადმინისტრაციის მიერ მიღებული 2025 წლის 27 მაისის დადგენილებით, ეფექტიანობის დეპარტამენტის ძირითადი ფუნქციები საკონსულტაციო მომსახურების გაწევით შემოიფარგლება. უწყების ცნობით, გასულ წელს ეფექტიანობის დეპარტამენტმა განიხილა 114.860.551 ლარის ღირებულების სახელმწიფო პროგრამები და შესყიდვები, საიდანაც სახელმწიფო ბიუჯეტის სასარგებლოდ დაზოგილი 67,4 მლნ ლარი დეპარტამენტის მიერ კანონმდებლობით მინიჭებული მანდატის ფარგლებში განხორციელებული საქმიანობის შედეგია. ანგარიშის მიხედვით, აღნიშნული საქმიანობა, სხვა აქტივობებთან ერთად, მოიცავდა სახელმწიფო უწყებების მიერ ინიცირებული პროექტების ბიუჯეტის, მათი საჭიროებებისა და შესაბამისობის შესწავლას, მათ კრიტიკულ ანალიზს, რისკების შეფასებას და შესაბამისი რეკომენდაციების გაცემას. "მიღებული ეკონომიის უდიდესი ნაწილი უკავშირდება სახელმწიფო შესყიდვების მართვის საკითხებს. კერძოდ, ყოველდღიური საქმიანობის ფარგლებში, მიმდინარეობს დაგეგმილი/მიმდინარე სახელმწიფო შესყიდვების მონიტორინგი და შესაძლო ნაკლოვანებების ანალიზი, რის საფუძველზეც, ხორციელდება პრევენციული ღონისძიებების გატარება და შესაბამისი რეკომენდაციების გაცემა", - აღნიშნულია განცხადებაში. დეპარტამენტი, მისთვის კანონმდებლობით მინიჭებული მანდატის ფარგლებში, მონიტორინგს უწევს დადგენილებას დაქვემდებარებულ სახელმწიფო შემსყიდველ ორგანიზაციებს, რაც მნიშვნელოვნად უწყობს ხელს კონკურენტული გარემოს შექმნას, სახელმწიფო შესყიდვებში მონაწილეთა ჩართულობის ზრდას და გამჭვირვალე გარემოს დამკვიდრებას.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2026
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საქართველოს მთავრობა
ახალი ამბები, საქართველო, საქართველოს მთავრობა
2025 წელს მთავრობის ეფექტიანობის დეპარტამენტმა ბიუჯეტს 67,4 მლნ ლარი დაუზოგა
მთავრობის ეფექტურობის დეპარტამენტი აღმასრულებელი ხელისუფლების ყველა რგოლის გადაწყვეტილებების შესრულების კონტროლს უზრუნველყოფს.
თბილისი, 22 იანვარი - Sputnik. მთავრობის ეფექტიანობის დეპარტამენტის ჩართულობით, 2025 წელს სახელმწიფო ბიუჯეტის სასარგებლოდ დაიზოგა 67.413.621 ლარი, აღნიშნულია დეპარტამენტის საქმიანობის 2025 წლის ანგარიშში.
მთავრობის ეფექტიანობის დეპარტამენტი 2025 წელს შეიქმნა. მთავრობის ადმინისტრაციის მიერ მიღებული 2025 წლის 27 მაისის დადგენილებით, ეფექტიანობის დეპარტამენტის ძირითადი ფუნქციები საკონსულტაციო მომსახურების გაწევით შემოიფარგლება.
უწყების ცნობით, გასულ წელს ეფექტიანობის დეპარტამენტმა განიხილა 114.860.551 ლარის ღირებულების სახელმწიფო პროგრამები და შესყიდვები, საიდანაც სახელმწიფო ბიუჯეტის სასარგებლოდ დაზოგილი 67,4 მლნ ლარი დეპარტამენტის მიერ კანონმდებლობით მინიჭებული მანდატის ფარგლებში განხორციელებული საქმიანობის შედეგია.
ანგარიშის მიხედვით, აღნიშნული საქმიანობა, სხვა აქტივობებთან ერთად, მოიცავდა სახელმწიფო უწყებების მიერ ინიცირებული პროექტების ბიუჯეტის, მათი საჭიროებებისა და შესაბამისობის შესწავლას, მათ კრიტიკულ ანალიზს, რისკების შეფასებას და შესაბამისი რეკომენდაციების გაცემას.
"მიღებული ეკონომიის უდიდესი ნაწილი უკავშირდება სახელმწიფო შესყიდვების მართვის საკითხებს. კერძოდ, ყოველდღიური საქმიანობის ფარგლებში, მიმდინარეობს დაგეგმილი/მიმდინარე სახელმწიფო შესყიდვების მონიტორინგი და შესაძლო ნაკლოვანებების ანალიზი, რის საფუძველზეც, ხორციელდება პრევენციული ღონისძიებების გატარება და შესაბამისი რეკომენდაციების გაცემა", - აღნიშნულია განცხადებაში.
დეპარტამენტი, მისთვის კანონმდებლობით მინიჭებული მანდატის ფარგლებში, მონიტორინგს უწევს დადგენილებას დაქვემდებარებულ სახელმწიფო შემსყიდველ ორგანიზაციებს, რაც მნიშვნელოვნად უწყობს ხელს კონკურენტული გარემოს შექმნას, სახელმწიფო შესყიდვებში მონაწილეთა ჩართულობის ზრდას და გამჭვირვალე გარემოს დამკვიდრებას.
