https://sputnik-georgia.com/20251130/sagzao-mozraobis-wesebis-dargvevistvis-jarimebi-izrdeba-296007283.html
მძღოლების საყურადღებოდ: საგზაო მოძრაობის წესების დარღვევისთვის ჯარიმები იზრდება
მძღოლების საყურადღებოდ: საგზაო მოძრაობის წესების დარღვევისთვის ჯარიმები იზრდება
Sputnik საქართველო
ცვლილებების თანახმად, ახალ სამართალდარღვევად განისაზღვრება სატრანსპორტო საშუალების ტროტუარზე ან ქვეითთა გადასასვლელზე დგომა-გაჩერება, რაც გამოიწვევს... 30.11.2025-ს, Sputnik საქართველო
2025-11-30T17:46+0400
2025-11-30T17:46+0400
2025-11-30T17:46+0400
საქართველო
საქართველოს შინაგან საქმეთა სამინისტრო
კანონმდებლობა
ახალი ამბები
https://cdnn1.img.sputnik-georgia.com/img/07e7/09/1e/282821752_0:159:3078:1890_1920x0_80_0_0_6b594fef96d8f7f6d4de6cc99e697c27.jpg
თბილისი, 30 ნოემბერი — Sputnik. საქართველოს პარლამენტი ადმინისტრაციულ სამართალდარღვევათა კოდექსში ცვლილებებს განიხილავს, რომლის თანახმად საგზაო მოძრაობის წესების რიგი დარღვევებისთვის ჯარიმები იზრდება და ახალი სანქციები წესდება.ცვლილებების თანახმად, ახალ სამართალდარღვევად განისაზღვრება სატრანსპორტო საშუალების ტროტუარზე ან ქვეითთა გადასასვლელზე დგომა-გაჩერება, რაც გამოიწვევს დაჯარიმებას 100 ლარის ოდენობით. თუ მძღოლი ადგილზე არ იქნება ან უარს იტყვის თავისი სატრანსპორტო საშუალების აღნიშნული ადგილიდან გაყვანაზე, მერიას ან მერიის შესაბამის სამსახურს უფლება ექნება, სატრანსპორტო საშუალება სპეციალურ დაცულ სადგომზე გადაიყვანოს და ამის შესახებ მფლობელს აცნობოს.ამ შემთხვევაში, ავტომობილის ევაკუაციისა და საჯარიმოზე გადაყვანის ღირებულებას მერია განსაზღვრავს. გარდა ამისა, მერიას გადაეცემა აკრძალულ ადგილზე პარკირებისთვის ჯარიმის გამოწერის კომპეტენცია და აღნიშნული სატრანსპორტო საშუალებების ევაკუაცია.თბილისში, ბათუმში, გორში, მცხეთაში, რუსთავში, თელავში, ფოთსა და ზუგდიდში, ასევე საქართველოს კურორტებზე აკრძალულ ადგილებში პარკირებისთვის ჯარიმა 10 ლარიდან 50 ლარამდე გაიზრდება. დანარჩენ რაიონებში ჯარიმის ოდენობა უცვლელი დარჩება - 10 ლარი.გარდა ამისა, დამატებით პასუხისმგებლობა დგინდება BUS LINE-ზე სამარშრუტო სატრანსპორტო საშუალების გარდა, სხვა სატრანსპორტო საშუალების მოძრაობის საპირისპირო მიმართულებით მოძრაობისთვის, რაც გამოიწვევს დაჯარიმებას 200 ლარის ოდენობით.კიდევ რომელი ჯარიმები გაიზრდებაახალი ჯარიმების გარდა, კანონპროექტი ითვალისწინებს არსებული ჯარიმების გაზრდას შემდეგი დარღვევებისთვის:სიახლე საპროტესტო აქციებისთვისკანონპროექტი ასევე ახლებურად განსაზღვრავს სატრანსპორტო საშუალებებით გზების ორგანიზებული გადაკეტვის სამართალდარღვევას.კერძოდ, დასჯადი იქნება არა გზის ორგანიზებული ან ჯგუფური გადაკეტვა, არამედ გზის განზრახ გადაკეტვა ან ჯგუფურ მოძრაობაში მონაწილეობა, როდესაც გზის სავალი ნაწილი მთლიანად დაკავებულია, ან ჯგუფურ მოძრაობაში მონაწილეობა ისეთი სატრანსპორტო საშუალებით, რომელიც აფერხებს მოძრაობას ან საფრთხეს უქმნის საგზაო უსაფრთხოებას.უფრო მეტიც, აღნიშნული ქმედება დანაშაულად ჩაითვლება არა მხოლოდ იმ შემთხვევაში, თუ ის ჩადენილია ქალაქში ან სხვა დასახლებულ პუნქტში, არამედ ნებისმიერ გზაზე.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს შინაგან საქმეთა სამინისტრო , კანონმდებლობა, ახალი ამბები
საქართველო, საქართველოს შინაგან საქმეთა სამინისტრო , კანონმდებლობა, ახალი ამბები
მძღოლების საყურადღებოდ: საგზაო მოძრაობის წესების დარღვევისთვის ჯარიმები იზრდება
ცვლილებების თანახმად, ახალ სამართალდარღვევად განისაზღვრება სატრანსპორტო საშუალების ტროტუარზე ან ქვეითთა გადასასვლელზე დგომა-გაჩერება, რაც გამოიწვევს დაჯარიმებას 100 ლარის ოდენობით.
თბილისი, 30 ნოემბერი — Sputnik. საქართველოს პარლამენტი ადმინისტრაციულ სამართალდარღვევათა კოდექსში ცვლილებებს განიხილავს, რომლის თანახმად საგზაო მოძრაობის წესების რიგი დარღვევებისთვის ჯარიმები იზრდება და ახალი სანქციები წესდება.
ცვლილებების თანახმად, ახალ სამართალდარღვევად განისაზღვრება სატრანსპორტო საშუალების ტროტუარზე ან ქვეითთა გადასასვლელზე დგომა-გაჩერება, რაც გამოიწვევს დაჯარიმებას 100 ლარის ოდენობით. თუ მძღოლი ადგილზე არ იქნება ან უარს იტყვის თავისი სატრანსპორტო საშუალების აღნიშნული ადგილიდან გაყვანაზე, მერიას ან მერიის შესაბამის სამსახურს უფლება ექნება, სატრანსპორტო საშუალება სპეციალურ დაცულ სადგომზე გადაიყვანოს და ამის შესახებ მფლობელს აცნობოს.
ამ შემთხვევაში, ავტომობილის ევაკუაციისა და საჯარიმოზე გადაყვანის ღირებულებას მერია განსაზღვრავს. გარდა ამისა, მერიას გადაეცემა აკრძალულ ადგილზე პარკირებისთვის ჯარიმის გამოწერის კომპეტენცია და აღნიშნული სატრანსპორტო საშუალებების ევაკუაცია.
თბილისში, ბათუმში, გორში, მცხეთაში, რუსთავში, თელავში, ფოთსა და ზუგდიდში, ასევე საქართველოს კურორტებზე აკრძალულ ადგილებში პარკირებისთვის ჯარიმა 10 ლარიდან 50 ლარამდე გაიზრდება. დანარჩენ რაიონებში ჯარიმის ოდენობა უცვლელი დარჩება - 10 ლარი.
გარდა ამისა, დამატებით პასუხისმგებლობა დგინდება BUS LINE-ზე სამარშრუტო სატრანსპორტო საშუალების გარდა, სხვა სატრანსპორტო საშუალების მოძრაობის საპირისპირო მიმართულებით მოძრაობისთვის, რაც გამოიწვევს დაჯარიმებას 200 ლარის ოდენობით.
კიდევ რომელი ჯარიმები გაიზრდება
ახალი ჯარიმების გარდა, კანონპროექტი ითვალისწინებს არსებული ჯარიმების გაზრდას შემდეგი დარღვევებისთვის:
ავტომობილით მოძრაობისას მძღოლის ან მგზავრის მიერ უსაფრთხოების ღვედის გამოუყენებლობა - 50 ლარი 40-ის ნაცვლად;
ავტომობილის მართვის დროს მძღოლის მიერ მობილურით სარგებლობა - 50 ლარი 30-ის ნაცვლად;
სატრანსპორტო საშუალების მართვის მოწმობის ან ავტომობილის ტექპასპორტის გარეშე მართვა - 100 ლარი 10 ლარის ნაცვლად;
გაუმართავი სატრანსპორტო საშუალების მართვა - 50 ლარი 15 ლარის ნაცვლად;
სიჩქარის გადაჭარბება 15 კმ/სთ-ზე მეტით, მაგრამ არაუმეტეს 40 კმ/საათისა – 50-ის ნაცვლად 100 ლარი;
საგზაო ნიშნების, გზის მონიშვნის, ბუქსირების წესების, გარე განათების მოწყობილობების გამოყენების, სიგნალის ან ავარიული სიგნალიზაციის, საცხოვრებელ ზონაში მოძრაობის წესების ან მოძრაობის წესების იგნორირება - 50 ლარი 20 ლარის ნაცვლად;
სატრანსპორტო საშუალების მანევრირების წესების დარღვევა – 100 ლარი 50-ის ნაცვლად;
სიახლე საპროტესტო აქციებისთვის
კანონპროექტი ასევე ახლებურად განსაზღვრავს სატრანსპორტო საშუალებებით გზების ორგანიზებული გადაკეტვის სამართალდარღვევას.
კერძოდ, დასჯადი იქნება არა გზის ორგანიზებული ან ჯგუფური გადაკეტვა, არამედ გზის განზრახ გადაკეტვა ან ჯგუფურ მოძრაობაში მონაწილეობა, როდესაც გზის სავალი ნაწილი მთლიანად დაკავებულია, ან ჯგუფურ მოძრაობაში მონაწილეობა ისეთი სატრანსპორტო საშუალებით, რომელიც აფერხებს მოძრაობას ან საფრთხეს უქმნის საგზაო უსაფრთხოებას.
უფრო მეტიც, აღნიშნული ქმედება დანაშაულად ჩაითვლება არა მხოლოდ იმ შემთხვევაში, თუ ის ჩადენილია ქალაქში ან სხვა დასახლებულ პუნქტში, არამედ ნებისმიერ გზაზე.
