https://sputnik-georgia.com/20251028/geladze-ungrel-kolegas-shexvda-ra-ganixiles-mxareebma-295565238.html
გელა გელაძე უნგრელ კოლეგას შეხვდა: რა განიხილეს მხარეებმა
გელა გელაძე უნგრელ კოლეგას შეხვდა: რა განიხილეს მხარეებმა
Sputnik საქართველო
ორი ქვეყნის შინაგან საქმეთა მინისტრებმა უწყებებს შორის თანამშრომლობის გაძლიერების მზაობა გამოხატეს. 28.10.2025-ს, Sputnik საქართველო
2025-10-28T17:29+0400
2025-10-28T17:29+0400
2025-10-28T17:29+0400
საქართველო
უნგრეთი
საქართველოს შინაგან საქმეთა სამინისტრო
საზოგადოება
ახალი ამბები
https://cdnn1.img.sputnik-georgia.com/img/07e9/0a/1c/295563290_0:80:2049:1232_1920x0_80_0_0_520a79e9d3b84d1c828266e95f10ce12.jpg
თბილისი, 28 ოქტომბერი — Sputnik. სპეციალური სამუშაო ჯგუფი, რომელიც უზრუნველყოფს საქართველოსა და უნგრეთს შორის საპოლიციო თანამშრომლობის გაღრმავებას, კერძოდ, მიგრაციის, ნარკოდანაშაულთან ბრძოლისა და პოლიციის აკადემიის საგანმანათლებლო პროგრამების მიმართულებით, უახლოეს პერიოდში შეიქმნება, ნათქვამია საქართველოს შინაგან საქმეთა სამინისტროს განცხადებაში.უწყების ცნობით, შესაბამისი შეთანხმება მიღწეული იქნა საქართველოს შინაგან საქმეთა მინისტრ გელა გელაძესა და მის უნგრელ კოლეგა შანდორ პინტერს შორის ბუდაპეშტში გამართული შეხვედრის დროს.ორმხრივ ფორმატში გამართულ შეხვედრაზე მხარეებმა სამართალდაცვით სფეროში არსებული თანამშრომლობის პრიორიტეტული მიმართულებები განიხილეს. შეხვედრაზე ხაზი გაესვა საქართველოსა და უნგრეთს შორის არსებული მტკიცე მეგობრული ურთიერთობების მნიშვნელობასაც. ორი ქვეყნის შინაგან საქმეთა მინისტრებმა კიდევ ერთხელ გამოხატეს უწყებებს შორის თანამშრომლობის გაძლიერების შესახებ მზაობა. შეხვედრის დასასრულს, გელაძემ მადლობა გადაუხადა შანდორ პინტერს თბილი მიღებისთვის და იგი საქართველოში საპასუხო ვიზიტით მოიწვია. საქართველო და უნგრეთი საქართველომ და უნგრეთმა დიპლომატიური ურთიერთობები 1992 წლის 14 მაისს დაამყარეს. ქვეყნები თანამშრომლობენ ეკონომიკის, ვაჭრობის, ტრანსპორტის, ტურიზმის, განათლებისა და მეცნიერების სფეროებში. უკვე 2013 წელს შეიქმნა ეკონომიკური თანამშრომლობის სახელმწიფოთაშორისი კომისია, 2022 წელს კი ხელი მოეწერა დეკლარაციას სახელმწიფოებს შორის სტრატეგიული პარტნიორობის დამყარების შესახებ. პარტნიორობის ფარგლებში უნგრეთის მთავრობამ პოლიტიკური მხარდაჭერა გაუწია საქართველოს, მათ შორის ევროკავშირის საბჭოში, როგორც ევროკავშირის წევრმა ქვეყანამ. გარდა ამისა, უნგრეთის პრემიერ-მინისტრი ვიქტორ ორბანი და მისი მთავრობის წევრები აქტიურად უჭერენ მხარს საქართველოს მთავრობის პოზიციას უკრაინისა და რუსეთის მიმართ. პრემიერ-მინისტრი ორბანი საჯაროდ ეწვია თბილისს 2024 წლის 26 ოქტომბერს საპარლამენტო არჩევნების შემდეგ, რათა კიდევ ერთხელ ეთქვა ევროკავშირის სხვა ქვეყნებისა და "ქართული ოცნების" ოპონენტებისთვის, რომ ბუდაპეშტი სრულად აღიარებს არჩევნების შედეგებს და არ დაუშვებს, რომ ბრიუსელმა არამეგობრული ნაბიჯები გადადგას საქართველოს მთავრობის წინააღმდეგ.
საქართველო
უნგრეთი
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, უნგრეთი, საქართველოს შინაგან საქმეთა სამინისტრო , საზოგადოება, ახალი ამბები
საქართველო, უნგრეთი, საქართველოს შინაგან საქმეთა სამინისტრო , საზოგადოება, ახალი ამბები
გელა გელაძე უნგრელ კოლეგას შეხვდა: რა განიხილეს მხარეებმა
ორი ქვეყნის შინაგან საქმეთა მინისტრებმა უწყებებს შორის თანამშრომლობის გაძლიერების მზაობა გამოხატეს.
თბილისი, 28 ოქტომბერი — Sputnik. სპეციალური სამუშაო ჯგუფი, რომელიც უზრუნველყოფს საქართველოსა და უნგრეთს შორის საპოლიციო თანამშრომლობის გაღრმავებას, კერძოდ, მიგრაციის, ნარკოდანაშაულთან ბრძოლისა და პოლიციის აკადემიის საგანმანათლებლო პროგრამების მიმართულებით, უახლოეს პერიოდში შეიქმნება, ნათქვამია საქართველოს შინაგან საქმეთა სამინისტროს განცხადებაში.
უწყების ცნობით, შესაბამისი შეთანხმება მიღწეული იქნა საქართველოს შინაგან საქმეთა მინისტრ გელა გელაძესა და მის უნგრელ კოლეგა შანდორ პინტერს შორის ბუდაპეშტში გამართული შეხვედრის დროს.
ორმხრივ ფორმატში გამართულ შეხვედრაზე მხარეებმა სამართალდაცვით სფეროში არსებული თანამშრომლობის პრიორიტეტული მიმართულებები განიხილეს.
„განსაკუთრებული ყურადღება გამახვილდა მხარეთა შორის გამოცდილებისა და საუკეთესო პრაქტიკის გაზიარების კუთხით მიმდინარე და სამომავლო ღონისძიებებზე“, - აღნიშნულია განცხადებაში.
შეხვედრაზე ხაზი გაესვა საქართველოსა და უნგრეთს შორის არსებული მტკიცე მეგობრული ურთიერთობების მნიშვნელობასაც.
ორი ქვეყნის შინაგან საქმეთა მინისტრებმა კიდევ ერთხელ გამოხატეს უწყებებს შორის თანამშრომლობის გაძლიერების შესახებ მზაობა.
შეხვედრის დასასრულს, გელაძემ მადლობა გადაუხადა შანდორ პინტერს თბილი მიღებისთვის და იგი საქართველოში საპასუხო ვიზიტით მოიწვია.
საქართველომ და უნგრეთმა დიპლომატიური ურთიერთობები 1992 წლის 14 მაისს დაამყარეს. ქვეყნები თანამშრომლობენ ეკონომიკის, ვაჭრობის, ტრანსპორტის, ტურიზმის, განათლებისა და მეცნიერების სფეროებში.
უკვე 2013 წელს შეიქმნა ეკონომიკური თანამშრომლობის სახელმწიფოთაშორისი კომისია, 2022 წელს კი ხელი მოეწერა დეკლარაციას სახელმწიფოებს შორის სტრატეგიული პარტნიორობის დამყარების შესახებ.
პარტნიორობის ფარგლებში უნგრეთის მთავრობამ პოლიტიკური მხარდაჭერა გაუწია საქართველოს, მათ შორის ევროკავშირის საბჭოში, როგორც ევროკავშირის წევრმა ქვეყანამ. გარდა ამისა, უნგრეთის პრემიერ-მინისტრი ვიქტორ ორბანი და მისი მთავრობის წევრები აქტიურად უჭერენ მხარს საქართველოს მთავრობის პოზიციას უკრაინისა და რუსეთის მიმართ.
პრემიერ-მინისტრი ორბანი საჯაროდ ეწვია თბილისს 2024 წლის 26 ოქტომბერს საპარლამენტო არჩევნების შემდეგ, რათა კიდევ ერთხელ ეთქვა ევროკავშირის სხვა ქვეყნებისა და "ქართული ოცნების" ოპონენტებისთვის, რომ ბუდაპეშტი სრულად აღიარებს არჩევნების შედეგებს და არ დაუშვებს, რომ ბრიუსელმა არამეგობრული ნაბიჯები გადადგას საქართველოს მთავრობის წინააღმდეგ.
