მდინარე იორდანზე ქართული კულტურული ცენტრის მშენებლობა გაგრძელდება

© photo: Sputnik / Yuri Kaver  / გადასვლა მედიაბანკშიმომლოცველები იორდანეზე
მომლოცველები იორდანეზე - Sputnik საქართველო, 1920, 31.07.2025
გამოწერა
მდინარე იორდანესთან 15-20 მეტრში, მაცხოვრის ნათლობის ადგილზე საქართველოსთვის 4 ათასი კვადრატული მეტრი ფართობის მიწის ნაკვეთი საქართველოს ოფიციალურად 2022 წლის ზაფხულში გადაეცა.
თბილისი, 31 ივლისი — Sputnik. საქართველოს პრემიერ-მინისტრმა ირაკლი კობახიძემ დაამტკიცა იმ კომისიის განახლებული შემადგენლობა, რომელიც მდინარე იორდანეზე ქართული კულტურის ცენტრის მშენებლობას ახორციელებს.
იორდანიის მეფე აბდალა მეორის და პრინც ღაზის გადაწყვეტილებით, 2022 წელს საქართველოს გადაეცა მიწა მდინარე იორდანესთან, მაცხოვრის ნათლობის ადგილზე. საქართველოს კათოლიკოს-პატრიარქ ილია მეორის კურთხევით, ამ ადგილზე აშენდება ქართული კულტურის ცენტრი, რომლის მშენებლობას სამთავრობო კომისია კურირებს.
14 ივლისის განკარგულების თანახმად, კომისიის შემადგენლობაში შევიდნენ საგარეო საქმეთა მინისტრი მაკა ბოჭორიშვილი, ეკონომიკის მინისტრი მარიამ ქვრივიშვილი და კულტურის მინისტრი თინათინ რუხაძე.
© Government of Georgiaმდინარე იორდანეზე ქართული კულტურის ცენტრის მშენებლობის პროექტი დამტკიცდა
Утвержден проект строительства Грузинского культурного центра на реке Иордан
 - Sputnik საქართველო, 1920, 31.07.2025
მდინარე იორდანეზე ქართული კულტურის ცენტრის მშენებლობის პროექტი დამტკიცდა
კომისიის შემადგენლობაში ასევე არიან კათოლიკოს-პატრიარქის თანამოსაყდრე შიო, ალავერდელი მიტროპოლიტი დავითი (მახარაძე), ზუგდიდისა და ცაიშის მიტროპოლიტი გერასიმე (შარაშენიძე) და საპატრიარქოს საზოგადოებასთან ურთიერთობის სამსახურის უფროსი, დეკანოზი ანდრია ჯაღმაიძე.
კულტურის ცენტრის პროექტზე არქიტექტურულ-კონსალტინგური ფირმა Yousef Madanat Architeqture Studio მუშაობს.
მდინარე იორდანესთან 15-20 მეტრში, მაცხოვრის ნათლობის ადგილზე საქართველოსთვის 4 ათასი კვადრატული მეტრი ფართობის მიწის ნაკვეთი საქართველოს ოფიციალურად 2022 წლის ზაფხულში გადაეცა.
საქართველომ და იორდანიამ დიპლომატიური ურთიერთობა 1994 წლის 6 აპრილს დაამყარეს. საქართველოს საელჩო სამეფოში 2004 წელს გაიხსნა. ქვეყნები აქტიურად თანამშრომლობენ ეკონომიკის, კულტურის, განათლებისა და ტურიზმის სფეროებში.
ყველა ახალი ამბავი
0