შსს: თორნიკე რიჟვაძე, გულმკერდის არეში ცეცხლნასროლი ჭრილობით „ჯეოჰოსპიტალსშია" მოთავსებული

© photo: Sputnikთორნიკე რიჟვაძე
თორნიკე რიჟვაძე - Sputnik საქართველო, 1920, 07.07.2025
გამოწერა
თბილისი, 7 ივლისი - Sputnik. საგარეჯოს მუნიციპალიტეტის კლინიკა „ჯეოჰოსპიტალსში“ შეყვანილი იქნა ა/რ მთავრობის ყოფილი თავმჯდომარე თორნიკე რიჟვაძე, რომელსაც გულმკერდის არეში ცეცხლნასროლი ჭრილობა აღენიშნებოდა, იუწყება შინაგან საქმეთა სამინისტრო.
უწყების ცნობით, რიჟვაძეს ჩაუტარდა გადაუდებელი სამედიცინო დახმარება. ექიმების განმარტებით, მას ფილტვი აქვს დაზიანებული და მისი ჯანმრთელობის მდგომარეობა სტაბილურად მძიმეა.
„შინაგან საქმეთა სამინისტროში გამოძიება სისხლის სამართლის კოდექსის 115-ე მუხლით არის დაწყებული, რაც თვითმკვლელობამდე მიყვანას გულისხმობს. ფაქტთან დაკავშირებით მიმდინარეობს ინტენსიური საგამოძიებო მოქმედებები", - ნათქვამია განცხადებაში.
უწყების ცნობით, ცეცხლსასროლი იარაღის დაუდევრად შენახვისთვის, საქართველოს სისხლის სამართლის კოდექსის 238-ე მუხლით, ბრალდებულის სახით დაკავებულია ერთი პირი.
ტელეკომპანია „მთავარი არხის" ინფორმაციით, შემთხვევა 7 ივლისის გვიან ღამით, საგარეჯოში მოხდა.
რიჟვაძე მძლეოსნობის ფედერაციის ყოფილი პრეზიდენტის და ამჟამად საზღვაო ტრანსპორტის სააგენტოს ხელმძღვანელის, ალექსი ახვლედიანის სახლში იმყოფებოდა და შემთხვევაც იქ მოხდა. მას ცეცხლნასროლი ჭრილობა გულის არეში აქვს მიყენებული.
ახვლედიანი ამჟამად საგარეჯოს პოლიციაში გამოკითხვაზე ჰყავთ გადაყვანილი.
თორნიკე რიჟვაძე აჭარის მთავრობის მეთაურის პოსტიდან მიმდინარე წლის 4 აპრილს გადადგა.
ყველა ახალი ამბავი
0