კრიმინალი საქართველოში: დანაშაულების ტოპ-5

© Ministry of Internal Affairs of Georgiaდაკავება
დაკავება - Sputnik საქართველო, 1920, 05.05.2025
გამოწერა
სისხლის სამართლის საქმეების გახსნის ყველაზე მაღალი მაჩვენებელი დაფიქსირდა ისეთ დანაშაულებთან მიმართებით, როგორიცაა მკვლელობა, მძევლად აყვანა, იძულება, მუქარა, კრიმინალური სამყაროს წევრობა
თბილისი, 5 მაისი – Sputnik. 2025 წლის პირველ კვარტალში საქართველოში დანაშაულის მაჩვენებელი 2024 წლის ანალოგიურ პერიოდთან შედარებით 9,33%-ით შემცირდა, დანაშაულების საერთო რაოდენობამ კი დაახლოებით 12,6 ათასი შეადგინა, ნათქვამია შინაგან საქმეთა სამინისტროს მიე გავრცელებულ განცხადებაში.
2025 წლის 1-ელი იანვრიდან 31 მარტის ჩათვლით პერიოდში ჩადენილი 12.362 დანაშაულიდან გახსნილია საქმეების 61,48%. გასულ წელს გახსნილი საქმეების მაჩვენებელმა 58,7% შეადგინა.
სისხლის სამართლის საქმეების გახსნის ყველაზე მაღალი მაჩვენებელი დაფიქსირდა ისეთ დანაშაულებთან მიმართებით, როგორიცაა მკვლელობა, მძევლად აყვანა, იძულება, მუქარა, კრიმინალური სამყაროს წევრობა, მისი მხარდაჭერა და დაფინანსება, ასევე ნარკოტიკებთან დაკავშირებული დანაშაულები.
შსს-ს მასალების თანახმად, 2025 წლის პირველ კვარტალში, გასული წლის ანალოგიურ პერიოდთან შედარებით, საქართველოში მნიშვნელოვნად გაიზარდა ისეთი დანაშაულები, როგორიცაა საფრთხეში მიტოვება, ქურდობა, ყაჩაღობა, აქციზური საქონლის რეალიზაციისა და დამზადების წესების დარღვევა.
მიმდინარე წლის პირველ კვარტალში ყველაზე გავრცელებული დანაშაული იყო:
ქურდობა – 3 698
ნარკოტიკებთან დაკავშირებული დანაშაულები – 1 738
ოჯახური ძალადობა – 978
მუქარა – 929
სატრანსპორტო საშუალებებთან დაკავშირებული დანაშაულები – 867.
გარდა ამისა, 2025 წლის პირველ კვარტალში აღიძრა 16 სისხლის სამართლის საქმე „განზრახ მკვლელობის“ და „დამამძიმებელ გარემოებებში ჩადენილი განზრახ მკვლელობის“ მუხლებით, 19 - „გაუპატიურების“, 402 - „თვითმკვლელობამდე მიყვანის“, 2 - „ადამიანებით ვაჭრობის“, 38 - „თავისუფლების უკანონო აღკვეთის“, 4 - „არაადამიანური მოპყრობის“ და 24 ს - „პირადი ცხოვრების ხელშეუხებლობის ხელყოფის“ მუხლით.
ყველა ახალი ამბავი
0