https://sputnik-georgia.com/20250404/furaska-timote-winka-policiam-qurdul-samyarostan-kavsiristvis-13-piri-daakava-292789462.html
„ფურაშკა", „ტიმოთე", „ჭინკა": პოლიციამ „ქურდულ სამყაროსთან" კავშირისთვის 13 პირი დააკავა
„ფურაშკა", „ტიმოთე", „ჭინკა": პოლიციამ „ქურდულ სამყაროსთან" კავშირისთვის 13 პირი დააკავა
Sputnik საქართველო
ბრალის დამტკიცების შემთხვევაში დაკავებულებს 15 წლამდე ვადით პატიმრობა ემუქრებათ. 04.04.2025-ს, Sputnik საქართველო
2025-04-04T15:27+0400
2025-04-04T15:27+0400
2025-04-04T15:27+0400
ახალი ამბები
საქართველო
შემთხვევები საქართველოში
შემთხვევები
საქართველოს შინაგან საქმეთა სამინისტრო
კრიმინალი საქართველოში
https://cdnn1.img.sputnik-georgia.com/img/07e5/02/08/250824990_0:132:2500:1538_1920x0_80_0_0_4f95e2bf09d4382618abed47867bfc4e.jpg
თბილისი, 4 აპრილი — Sputnik. სამართალდამცველებმა მოსამართლის განჩინების საფუძველზე თბილისში, ლანჩხუთსა და ბათუმში „ქურდულ სამყაროსთან" კავშირში მყოფი 13 პირი დააკავეს, 2 პირს კი ბრალი წარედგინა, მათ შორის ე.წ კანონიერ ქურდს, ნათქვამია შინაგან საქმეთა სამინისტროს მიერ გავრცელებულ განცხადებაში. დაკავებულთა შორის, რომელთა ასაკი 25-დან 71 წლამდეა, არიან წარსულში ნასამართლევი პირებიც. უწყების ცნობით, „ქურდული სამყაროს" წევრობის ბრალდებით დაკავებულია 5 პირი (მათ შორისაა მეტსახელად „ზალიკო", „ნური", „ფურაშკა" და „ტიმოთე"), ხოლო 3 ბრალდებულს საგამოძიებო უწყება „ქურდული სამყაროს საქმიანობის მხარდაჭერას" ედავება, „ქურდული სამყაროს წევრისთვის" მიმართვის ფაქტზე დაკავებულია 5 პირი, ასევე „ქურდული სამყაროს წევრისთვის მიმართვის" ფაქტზე მხილებულია 1 პირი. რაც შეეხება საზღვარგარეთ მცხოვრებ, წარსულში ნასამართლევ თენგიზ ხოფერიას, მეტსახელად „ჭინკას", „კანონიერი ქურდობისთვის" ბრალი დაუსწრებლად წარედგინა. გამოძიებით დადგინდა, რომ ბრალდებულები კავშირზე იყვნენ ე.წ. კანონიერ ქურდებთან, ასრულებდნენ მათ დავალებებს და აქტიურად მონაწილეობდნენ „ქურდული სამყაროს" საქმიანობაში. კერძოდ, დაკავებულები „ქურდული გარჩევებით", დაშინებით, მუქარით, საკუთარი კრიმინალური გავლენების გამოყენებითა და უკანონო ქმედებებით გურიის რეგიონში ახორციელებდნენ „ქურდული სამყაროს" საქმიანობას. პოლიციამ ბრალდებულების პირადი და საცხოვრებელი სახლების ჩხრეკის შედეგად ნივთმტკიცებად ამოიღო კომპიუტერული ტექნიკა და მობილური ტელეფონები, რომელთა საშუალებითაც ისინი ერთმანეთს და საზღვარგარეთ მყოფ „კანონიერ ქურდებს" უკავშირდებოდნენ, ასევე ამოიღეს ცეცხლსასროლი და ცივი იარაღები, ვაზნები, ასაფეთქებელი მოწყობილობები, ნარკოტიკული საშუალება „მარიხუანა" და ფული. გამოძიება საქართველოს სსკ-ის 223-ე პრიმა, 223-ე ტერცია და 223-ე კვარტა მუხლებით მიმდინარეობს.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, შემთხვევები საქართველოში, შემთხვევები, საქართველოს შინაგან საქმეთა სამინისტრო , კრიმინალი საქართველოში
ახალი ამბები, საქართველო, შემთხვევები საქართველოში, შემთხვევები, საქართველოს შინაგან საქმეთა სამინისტრო , კრიმინალი საქართველოში
„ფურაშკა", „ტიმოთე", „ჭინკა": პოლიციამ „ქურდულ სამყაროსთან" კავშირისთვის 13 პირი დააკავა
ბრალის დამტკიცების შემთხვევაში დაკავებულებს 15 წლამდე ვადით პატიმრობა ემუქრებათ.
თბილისი, 4 აპრილი — Sputnik. სამართალდამცველებმა მოსამართლის განჩინების საფუძველზე თბილისში, ლანჩხუთსა და ბათუმში „ქურდულ სამყაროსთან" კავშირში მყოფი 13 პირი დააკავეს, 2 პირს კი ბრალი წარედგინა, მათ შორის ე.წ კანონიერ ქურდს, ნათქვამია შინაგან საქმეთა სამინისტროს მიერ გავრცელებულ განცხადებაში.
დაკავებულთა შორის, რომელთა ასაკი 25-დან 71 წლამდეა, არიან წარსულში ნასამართლევი პირებიც.
უწყების ცნობით, „ქურდული სამყაროს" წევრობის ბრალდებით დაკავებულია 5 პირი (მათ შორისაა მეტსახელად „ზალიკო", „ნური", „ფურაშკა" და „ტიმოთე"), ხოლო 3 ბრალდებულს საგამოძიებო უწყება „ქურდული სამყაროს საქმიანობის მხარდაჭერას" ედავება, „ქურდული სამყაროს წევრისთვის" მიმართვის ფაქტზე დაკავებულია 5 პირი, ასევე „ქურდული სამყაროს წევრისთვის მიმართვის" ფაქტზე მხილებულია 1 პირი. რაც შეეხება საზღვარგარეთ მცხოვრებ, წარსულში ნასამართლევ თენგიზ ხოფერიას, მეტსახელად „ჭინკას", „კანონიერი ქურდობისთვის" ბრალი დაუსწრებლად წარედგინა.
გამოძიებით დადგინდა, რომ ბრალდებულები კავშირზე იყვნენ ე.წ. კანონიერ ქურდებთან, ასრულებდნენ მათ დავალებებს და აქტიურად მონაწილეობდნენ „ქურდული სამყაროს" საქმიანობაში.
კერძოდ, დაკავებულები „ქურდული გარჩევებით", დაშინებით, მუქარით, საკუთარი კრიმინალური გავლენების გამოყენებითა და უკანონო ქმედებებით გურიის რეგიონში ახორციელებდნენ „ქურდული სამყაროს" საქმიანობას.
პოლიციამ ბრალდებულების პირადი და საცხოვრებელი სახლების ჩხრეკის შედეგად ნივთმტკიცებად ამოიღო კომპიუტერული ტექნიკა და მობილური ტელეფონები, რომელთა საშუალებითაც ისინი ერთმანეთს და საზღვარგარეთ მყოფ „კანონიერ ქურდებს" უკავშირდებოდნენ, ასევე ამოიღეს ცეცხლსასროლი და ცივი იარაღები, ვაზნები, ასაფეთქებელი მოწყობილობები, ნარკოტიკული საშუალება „მარიხუანა" და ფული.
გამოძიება საქართველოს სსკ-ის 223-ე პრიმა, 223-ე ტერცია და 223-ე კვარტა მუხლებით მიმდინარეობს.
