https://sputnik-georgia.com/20250321/saakasvilis-droindel-maralcinosnebs-saparlamento-komisiastan-tanamsromlobisken-mouwodes-292622156.html
სააკაშვილის დროინდელ მაღალჩინოსნებს საპარლამენტო კომისიასთან თანამშრომლობისკენ მოუწოდეს
სააკაშვილის დროინდელ მაღალჩინოსნებს საპარლამენტო კომისიასთან თანამშრომლობისკენ მოუწოდეს
Sputnik საქართველო
პარლამენტის საგამოძიებო კომისიის სხდომაზე გამოუცხადებლობა სისხლის სამართლის პასუხისმგებლობას იწვევს, განაცხადა წულუკიანმა 21.03.2025-ს, Sputnik საქართველო
2025-03-21T23:08+0400
2025-03-21T23:08+0400
2025-03-21T23:08+0400
საქართველო
პოლიტიკა საქართველოში
პოლიტიკა
ქართული ოცნება
ქართული ოპოზიცია
გახმაურებული სასამართლო პროცესები
საქართველოს პარლამენტი
https://cdnn1.img.sputnik-georgia.com/img/07e6/06/15/267693553_0:132:1280:853_1920x0_80_0_0_681d5c5a8a3c827e8ef3c90a2addef94.jpg
თბილისი, 21 მარტი — Sputnik. წინა ხელისუფლების ყველა წარმომადგენელმა უნდა გაითვალისწინოს, რომ ხელისუფლებაში „ერთიანი ნაციონალური მოძრაობის“ ყოფნის პერიოდში თანამდებობის პირთა დანაშაულების შემსწავლელი საპარლამენტო კომისიის სხდომაზე გამოუცხადებლობის შემთხვევაში საკმაოდ მკაცრი სასჯელია გათვალისწინებული, განაცხადა კომისიის თავმჯდომარემ, მმართველი პარტია „ქართული ოცნება - დემოკრატიული საქართველოს“ დეპუტატმა თეა წულუკიანმა.იმის შესახებ, რომ საპარლამენტო საგამოძიებო კომისიასთან თანამშრომლობაზე უარის თქმა დასჯადი იქნება, მანამდე პრემიერ-მინისტრმა ირაკლი კობახიძემაც განაცხადა. დროებითი საგამოძიებო კომისია, რომელიც 2003-2012 წლებში მოქმედი „ერთიანი ნაციონალური მოძრაობის" რეჟიმისა და პოლიტიკური თანამდებობის პირების საქმიანობას შეისწავლის, პარლამენტში 5 თებერვალს შეიქმნა და სამი თვე იმუშავებს, შემდეგ კი ანგარიშს წარადგენს.„ჩვენ ხუმრობას არ ვაპირებთ! - ყველა პირი, ვინც წინა ხელისუფლებას წარმოადგენდა, კეთილს ინებებს და კომისიის წინაშე მობრძანდება და შემდეგ არ იტყვის, რომ არ იცოდა, რომ გამოუცხადებლობის შემთხვევაში საკმაოდ მკაცრი სასჯელი არსებობდა!“ - განაცხადა წულუკიანმა კომისიის სხდომის დაწყებისას.მან კიდევ ერთხელ აღნიშნა, რომ პარლამენტის საგამოძიებო კომისიის სხდომაზე გამოუცხადებლობა სისხლის სამართლის პასუხისმგებლობას იწვევს.„ყველა პირს, ვისაც ჩვენ დავუკავშირდებით, მინდა ეს ჰქონდეს გათვალისწინებული, რომ რაიმე პრობლემა არ შეუქმნას საკუთარ თავს“, - აღნიშნა თეა წულუკიანმა.დღევანდელ სხდომაზე კომისია იხილავდა ბიზნესმენ, „კუს ტბის“ კომპლექსის ყოფილი მფლობელის, ბედო ხარძიანის საქმეს. კომისიამ მოუსმინა ბიზნესმენის ვაჟს, ბესო ხარძიანს.ხარძიანი 2015 წლის 28 მარტს საკუთარი სახლის სადარბაზოში სასიკვდილოდ დაჭრეს. მოგვიანებით, სასამართლომ დაადგინა, რომ ხარძიანი აზერბაიჯანის მოქალაქე ფარიდ გურბანოვმა მოკლა, თუმცა, იგი მარტო არ მოქმედებდა და ამაში მას რუსეთის მოქალაქე ოლეგ დოევი ეხმარებოდა.2017 წლის სექტემბერში თბილისის საქალაქო სასამართლომ მათ 19 წლის ვადით თავისუფლების აღკვეთა მიუსაჯა, თუმცა პროკურატურამ განაჩენი სააპელაციო სასამართლოში გაასაჩივრა. 2018 წლის მარტში გურბანოვს დაუსწრებლად უვადო პატიმრობა შეუფარდა, დოევის განაჩენი კი უცვლელი დატოვა.მკვლელობამდე ოთხი წლით ადრე ხარძიანი ნარკოდანაშაულისთვის დააკავეს. ბიზნესმენი ამტკიცებდა, რომ ის დააპატიმრეს „ბიზნეს ინტერესების გამო“. იქ წამების შედეგად „კუს ტბის“ აქციები დაათმობინეს.ბიზნესმენის მკვლელობის შემდეგ პროკურატურამ ბესიკ ხარძიანის წამებისა და ქონების უკანონო ჩამორთმევის საქმეზე ბრალი ორ პირს წაუყენა.კომისიის მუშაობის წესისაქართველოს პარლამენტის რეგლამენტის თანახმად, დროებით საგამოძიებო კომისიას უფლება აქვს შესასწავლ საკითხთან დაკავშირებით გარკვეული გარემოებების გამო დაიბაროს ნებისმიერი პირის ან მიიღოს მისგან წერილობითი ახსნა-განმარტება. ჩვენების მიცემაზე უარი სისხლის სამართლის დანაშაულია.დროებითი საგამოძიებო კომისიის სხდომების ადგილსა და სიხშირეს ადგენს კომისია, მაგრამ თვეში უნდა გაიმართოს სულ მცირე ორი სხდომა.კომისია მუშაობის შედეგების საფუძველზე მოამზადებს ანგარიშს, რომელსაც განიხილავს და დაამტკიცებს საქართველოს პარლამენტი, სავარაუდოდ, სექტემბრის დასაწყისში. კომისიის დასკვნაში იქნება რეკომენდაციები დამნაშავეების მიმართ კონსტიტუციით გათვალისწინებული პოლიტიკური და სამართლებრივი ზომების შესახებ.პარლამენტის მიერ დამტკიცებული ანგარიში საქართველოს კანონმდებლობის შესაბამისად გადაეგზავნება პროკურატურას და სხვა შესაბამის ორგანოებს შემდგომი რეაგირებისა და დამნაშავეთა დასჯის უზრუნველსაყოფად.
საქართველო
2025
ახალი ამბები
ka_KA
https://cdnn1.img.sputnik-georgia.com/img/07e6/06/15/267693553_209:171:1118:853_1920x0_80_0_0_f398036afdc4e530d5e36df3b86cb863.jpg
Sputnik საქართველო
საქართველო, პოლიტიკა საქართველოში, პოლიტიკა, ქართული ოცნება , ქართული ოპოზიცია, გახმაურებული სასამართლო პროცესები, საქართველოს პარლამენტი
საქართველო, პოლიტიკა საქართველოში, პოლიტიკა, ქართული ოცნება , ქართული ოპოზიცია, გახმაურებული სასამართლო პროცესები, საქართველოს პარლამენტი
სააკაშვილის დროინდელ მაღალჩინოსნებს საპარლამენტო კომისიასთან თანამშრომლობისკენ მოუწოდეს
