https://sputnik-georgia.com/20250319/deputati-chexetis-saelcho-warmoadgens-qvekanas-da-ara-uwyebas-292576991.html
დეპუტატი: ჩეხეთის საელჩო წარმოადგენს ქვეყანას და არა უწყებას
დეპუტატი: ჩეხეთის საელჩო წარმოადგენს ქვეყანას და არა უწყებას
Sputnik საქართველო
ჩეხეთის საელჩომ საქართველოსთან მიმართებით ჩეხეთის სენატის ერთ-ერთი კომიტეტის მიერ მიღებულ რეზოლუციასთან დაკავშირებით კომენტარზე უარი განაცხადა 19.03.2025-ს, Sputnik საქართველო
2025-03-19T17:46+0400
2025-03-19T17:46+0400
2025-03-19T17:46+0400
საქართველო
საქართველოს პარლამენტი
პოლიტიკა საქართველოში
საქართველოს საგარეო პოლიტიკა
ჩეხეთი
ახალი ამბები
https://cdnn1.img.sputnik-georgia.com/img/07e9/01/1e/291937081_0:71:2048:1223_1920x0_80_0_0_f850d56ecc158a691fecf025e7413d68.jpg.webp
თბილისი, 19 მარტი — Sputnik. საქართველოში ჩეხეთის დიპლომატიური მისიის პასუხი ღიმილს იწვევს, რადგანაც ყველამ იცის, რომ საელჩო წარმოადგენს მთელ ქვეყანას და არა რომელიმე კონკრეტულ უწყებას, განაცხადა საპარლამენტო უმრავლესობის წევრმა დავით მათიკაშვილმა.საქართველოში ჩეხეთის საელჩო ჩეხეთის სენატის საგარეო საქმეთა, თავდაცვისა და უსაფრთხოების კომიტეტის მიერ მიღებულ რეზოლუცუაზე კომენტარისგან თავს იკავებს. დოკუმენტი რეკომენდაციას უწევს ჩეხეთის მთავრობას, მოითხოვოს ახალი საპარლამენტო არჩევნების ჩატარება საქართველოში. ქვეყნის შიდა საქმეებში შესაძლო ჩარევის შესახებ ტელეკომპანია „იმედის“ მიერ დასმულ კითხვაზე დიპლომატიურმა მისიამ განაცხადა, რომ საელჩო წარმოადგენს აღმასრულებელ ხელისუფლებას და არ აქვს უფლებამოსილება კომენტარი გააკეთოს ჩეხეთის პარლამენტის გადაწყვეტილებებზე.რეზოლუციაში არჩევნების გამართვის საკითხთან ერთად, ასევე საუბარია პოლიტპატიმრების გათავისუფლებასა და ანტიდემოკრატიული კანონების გაუქმებაზე, რომლებიც ეხება მედიასა და სამოქალაქო საზოგადოებას.როგორც ადრე საქართველოს პარლამენტის თავმჯდომარე შალვა პაპუაშვილმა განაცხადა, რომ საქართველოს ხელისუფლება ვერ მიიღებს შენიშვნებს ჩეხი პოლიტიკოსებისგან, რომლებიც ითხოვენ ქვეყანაში ახალი საპარლამენტო არჩევნების ჩატარებას და ამასთან ყოფილ პრეზიდენტ მიხეილ სააკაშვილს უჭერენ მხარს.ერთადერთი, რასაც სააკაშვილის მეგობრებისგან ველით, არის ბოდიშის მოხდა ქართველი ხალხის წინაშე, განაცხადა პარლამენტის სპიკერმა.მისი თქმით, ჩეხეთის ხელისუფლების წარმომადგენლებმა მხარი დაუჭირეს სააკაშვილის შესახებ ევროპარლამენტის რეზოლუციას, სადაც ისინი ყოფილი პრეზიდენტის გათავისუფლებას ითხოვდნენ.2022 წლიდან ევროპარლამენტი საქართველოს შესახებ კრიტიკულ რეზოლუციებს იღებს, რომელთაგან თითოეულში არის მოწოდება 2021 წლის 29 ოქტომბრიდან ციხეში მყოფი საქართველოს ყოფილი პრეზიდენტ მიხეილ სააკაშვილის გათავისუფლების შესახებ.აქციები თბილისშისაქართველოში საპროტესტო აქციები 28 ნოემბერს, მას შემდეგ დაიწყო, რაც საქართველოს ხელისუფლებამ მიიღო გადაწყვეტილება, ქვეყნის ევროკავშირში გაწევრიანების შესახებ მოლაპარაკებები 2028 წლამდე დღის წესრიგიდან მოხსნას. თუმცა ხელისუფლება ყოველდღიურად განმარტავს, რომ ეს არ ნიშნავს ევროინტეგრაციის შეჩერებას, მიუხედავად ამისა პროტესტის ტალღა არ წყდება.4 დეკემბრამდე აქციის მონაწილეები პარლამენტის შენობას და პოლიციას პიროტექნიკას, ქვებს და „მოლოტოვის კოქტეილებს" ესროდნენ, რასაც აქციის მონაწილეთა დაკავებები მოჰყვა. შედეგად, დემონსტრანტებმა ასევე მოითხოვეს ვადამდელი საპარლამენტო არჩევნების გამართვა და აქციის დროს დაკავებულთა გათავისუფლება.საქართველოს ხელისუფლებამ უარი განაცხადა მოთხოვნების შესრულებაზე და საპასუხოდ გადაწყვიტა საპროტესტო აქციების გამართვის წესების გამკაცრება, რომელთა შორისაა სტრატეგიული ობიექტების მიზანმიმართული პიკეტირების აკრძალვა, საავტომობილო გზების უსაფუძვლო გადაკეტვა და ამ წესების დარღვევისთვის ჯარიმებისა და პატიმრობის ვადის გაზრდა.ხელისუფლებამ აქციის მონაწილეები ქვეყნის სახელმწიფოებრიობის შელახვის მცდელობასა და გარე ძალების ფინანსური და ლოგისტიკური მხარდაჭერით ე.წ. „ევრომაიდანის" რევოლუციური სცენარის გამეორებაში დაადანაშაულა.„ქართული ოცნების“ ოპონენტები პარლამენტის შენობის წინ საპროტესტო აქციას ყოველ საღამოს მართავენ და გზას კეტავენ. აქციის მონაწილეთა განცხადებით, მათი პროტესტი გაგრძელდება იმ დრომდე, ვიდრე ხელისუფლება მათ მოთხოვნებს არ შეასრულებს.
საქართველო
ჩეხეთი
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს პარლამენტი, პოლიტიკა საქართველოში, საქართველოს საგარეო პოლიტიკა, ჩეხეთი , ახალი ამბები
საქართველო, საქართველოს პარლამენტი, პოლიტიკა საქართველოში, საქართველოს საგარეო პოლიტიკა, ჩეხეთი , ახალი ამბები
დეპუტატი: ჩეხეთის საელჩო წარმოადგენს ქვეყანას და არა უწყებას
ჩეხეთის საელჩომ საქართველოსთან მიმართებით ჩეხეთის სენატის ერთ-ერთი კომიტეტის მიერ მიღებულ რეზოლუციასთან დაკავშირებით კომენტარზე უარი განაცხადა
თბილისი, 19 მარტი — Sputnik. საქართველოში ჩეხეთის დიპლომატიური მისიის პასუხი ღიმილს იწვევს, რადგანაც ყველამ იცის, რომ საელჩო წარმოადგენს მთელ ქვეყანას და არა რომელიმე კონკრეტულ უწყებას, განაცხადა საპარლამენტო უმრავლესობის წევრმა დავით მათიკაშვილმა.
საქართველოში ჩეხეთის საელჩო ჩეხეთის სენატის საგარეო საქმეთა, თავდაცვისა და უსაფრთხოების კომიტეტის მიერ მიღებულ რეზოლუცუაზე კომენტარისგან თავს იკავებს. დოკუმენტი რეკომენდაციას უწევს ჩეხეთის მთავრობას, მოითხოვოს ახალი საპარლამენტო არჩევნების ჩატარება საქართველოში. ქვეყნის შიდა საქმეებში შესაძლო ჩარევის შესახებ ტელეკომპანია „იმედის“ მიერ დასმულ კითხვაზე დიპლომატიურმა მისიამ განაცხადა, რომ საელჩო წარმოადგენს აღმასრულებელ ხელისუფლებას და არ აქვს უფლებამოსილება კომენტარი გააკეთოს ჩეხეთის პარლამენტის გადაწყვეტილებებზე.
„საელჩო წარმოადგენს მთელს ქვეყანას და არა რომელიღაც უწყებას, ეს კარგად იცის მთელმა მსოფლიომ. კარგი იქნება თუკი ჩეხებიც კარგად გაერკვევიან ამ საკითხებში. ბოლოს და ბოლოს თუკი პასუხი არა აქვთ, ისეთს მაინც მოიწერებიან, რომ რაღაც ღიმილისმომგვრელი არ იყოს“, - განაცხადა მათიკაშვილმა.
რეზოლუციაში არჩევნების გამართვის საკითხთან ერთად, ასევე საუბარია პოლიტპატიმრების გათავისუფლებასა და ანტიდემოკრატიული კანონების გაუქმებაზე, რომლებიც ეხება მედიასა და სამოქალაქო საზოგადოებას.
როგორც ადრე საქართველოს პარლამენტის თავმჯდომარე შალვა პაპუაშვილმა განაცხადა, რომ საქართველოს ხელისუფლება ვერ მიიღებს შენიშვნებს ჩეხი პოლიტიკოსებისგან, რომლებიც ითხოვენ ქვეყანაში ახალი საპარლამენტო არჩევნების ჩატარებას და ამასთან ყოფილ პრეზიდენტ მიხეილ სააკაშვილს უჭერენ მხარს.
ერთადერთი, რასაც სააკაშვილის მეგობრებისგან ველით, არის ბოდიშის მოხდა ქართველი ხალხის წინაშე, განაცხადა პარლამენტის სპიკერმა.
მისი თქმით, ჩეხეთის ხელისუფლების წარმომადგენლებმა მხარი დაუჭირეს სააკაშვილის შესახებ ევროპარლამენტის რეზოლუციას, სადაც ისინი ყოფილი პრეზიდენტის გათავისუფლებას ითხოვდნენ.
2022 წლიდან ევროპარლამენტი საქართველოს შესახებ კრიტიკულ რეზოლუციებს იღებს, რომელთაგან თითოეულში არის მოწოდება 2021 წლის 29 ოქტომბრიდან ციხეში მყოფი საქართველოს ყოფილი პრეზიდენტ მიხეილ სააკაშვილის გათავისუფლების შესახებ.
საქართველოში საპროტესტო აქციები 28 ნოემბერს, მას შემდეგ დაიწყო, რაც საქართველოს ხელისუფლებამ მიიღო გადაწყვეტილება, ქვეყნის ევროკავშირში გაწევრიანების შესახებ მოლაპარაკებები 2028 წლამდე დღის წესრიგიდან მოხსნას. თუმცა ხელისუფლება ყოველდღიურად განმარტავს, რომ ეს არ ნიშნავს ევროინტეგრაციის შეჩერებას, მიუხედავად ამისა პროტესტის ტალღა არ წყდება.
4 დეკემბრამდე აქციის მონაწილეები პარლამენტის შენობას და პოლიციას პიროტექნიკას, ქვებს და „მოლოტოვის კოქტეილებს" ესროდნენ, რასაც აქციის მონაწილეთა დაკავებები მოჰყვა. შედეგად, დემონსტრანტებმა ასევე მოითხოვეს ვადამდელი საპარლამენტო არჩევნების გამართვა და აქციის დროს დაკავებულთა გათავისუფლება.
საქართველოს ხელისუფლებამ უარი განაცხადა მოთხოვნების შესრულებაზე და საპასუხოდ გადაწყვიტა საპროტესტო აქციების გამართვის წესების გამკაცრება, რომელთა შორისაა სტრატეგიული ობიექტების მიზანმიმართული პიკეტირების აკრძალვა, საავტომობილო გზების უსაფუძვლო გადაკეტვა და ამ წესების დარღვევისთვის ჯარიმებისა და პატიმრობის ვადის გაზრდა.
ხელისუფლებამ აქციის მონაწილეები ქვეყნის სახელმწიფოებრიობის შელახვის მცდელობასა და გარე ძალების ფინანსური და ლოგისტიკური მხარდაჭერით ე.წ. „ევრომაიდანის" რევოლუციური სცენარის გამეორებაში დაადანაშაულა.
„ქართული ოცნების“ ოპონენტები პარლამენტის შენობის წინ საპროტესტო აქციას ყოველ საღამოს მართავენ და გზას კეტავენ. აქციის მონაწილეთა განცხადებით, მათი პროტესტი გაგრძელდება იმ დრომდე, ვიდრე ხელისუფლება მათ მოთხოვნებს არ შეასრულებს.
