https://sputnik-georgia.com/20250305/shss-bachiashvilma-saqartvelo-or-marts-datova-292374204.html
სომხეთში რუსული პასპორტით: შსს ივანიშვილის ყოფილი პარტნიორის გაქცევის სქემის შესახებ
სომხეთში რუსული პასპორტით: შსს ივანიშვილის ყოფილი პარტნიორის გაქცევის სქემის შესახებ
Sputnik საქართველო
გუშინ ცნობილი გახდა, რომ თანაინვესტირების ფონდის ყოფილმა გენდირექტორმა გიორგი ბაჩიაშვილმა საქართველო დატოვა 05.03.2025-ს, Sputnik საქართველო
2025-03-05T17:08+0400
2025-03-05T17:08+0400
2025-03-05T19:17+0400
საქართველო
საქართველოს შინაგან საქმეთა სამინისტრო
პოლიტიკა საქართველოში
ახალი ამბები
https://cdnn1.img.sputnik-georgia.com/img/07e4/09/10/249458138_0:66:1280:786_1920x0_80_0_0_74b73a95dc7b74b4853cf59e1134b988.jpg
თბილისი, 5 მარტი — Sputnik. გიორგი ბაჩიაშვილმა საქართველოს სახელმწიფო საზღვარი ავტომობილში მოწყობილი სპეციალური სამალავის საშუალებით სომხეთის მიმართულებით ფარულად გადაკვეთა, ნათქვამია საქართველოს შინაგან საქმეთა სამინისტროს მიერ გავრცელებულ განცხადებაში. 4 მარტს თანაინვესტირების ფონდის ყოფილმა გენერალურმა დირექტორმა გიორგი ბაჩიაშვილმა, რომელსაც საქართველოში ორ სისხლის სამართლის საქმეზე ბრალი აქვს წაყენებული და გირაოს სანაცვლოდ თავისუფლებაზე იმყოფება, ქვეყნის დატოვების შესახებ განცხადება სოციალურ ქსელში გაავრცელა. აღნიშნულ ფაქტთან დაკავშირებით მას საზღვრის უკანონო კვეთის ფაქტზე ბრალდება წარედგინა. უწყების ცნობით, ამ დროისთვის აქტიურად გრძელდება ყველა შესაბამისი საგამოძიებო მოქმედება აღნიშნული დანაშაულის ჩადენაში თანამონაწილე პირების დადგენა - დაკავების მიზნით. თავად ბაჩიაშვილს კი საზღვრის უკანონო კვეთის ფაქტზე აღკვეთის ღონისძიების სახით პატიმრობა დაუსწრებლად უკვე შეეფარდა.ცენტრალური კრიმინალური პოლიციის დეპარტამენტში გამოძიება სსკ-ის 344-ე მუხლის 1-ლი ნაწილით მიმდინარეობს, რაც საქართველოს სახელმწიფო საზღვრის უკანონოდ გადაკვეთას გულისხმობს. როგორც ბაჩიაშვილმა სოციალურ ქსელში დაწერა, მისი ქვეყნიდან წასვლა არა დანებება, არამედ გააზრებული და სტრატეგიული ნაბიჯია. მისი თქმით, ქვეყნის დატოვების მიზეზი გახდა „შეთითხნილი ბრალდებები". ამასთან, როგორც ბაჩიაშვილმა აღნიშნა, მან მიიღო „სანდო ინფორმაცია მის უსაფრთხოებაზე რეალური საფრთხეების შესახებ". გიორგი ბაჩიაშვილის წინააღმდეგ პირველი საქმე ბიძინა ივანიშვილის განცხადების საფუძველზე 2023 წელს აღიძრა. მას ივანიშვილის კრიპტოვალუტის გაფლანგვასა და 39,2 მლნ დოლარის უკანონო შემოსავლის ლეგალიზაციაში ედება ბრალი. გამოძიების ვერსიით, ბაჩიაშვილმა დაარწმუნა ივანიშვილი ბიტკოინის მაინინგში თანხა ჩაედო, შემდეგ კი შემოსავალი თავადვე მიითვისა. ივანიშვილის ყოფილ პატრნიორს აღნიშნულ საქმეზე აღკვეთის ღონისძიების სახით 2,5 მლნ ლარის ოდენობით გირაო აქვს შეფარდებული, ასევე დაწესებული აქვს დამატებითი შემზღუდავი ღონისძიებები. აღნიშნული ქმედება 9-დან 12-წლამდე თავისუფლების აღკვეთას ითვალისწინებს. „მტკვარი ჰესის“ საქმეზე მეორე ბრალდება ბიზნესმენს მიმდინარე წლის 25 თებერვალს წაუყენეს და ამ შემთხვევაშიც მას გირაო შეუფარდეს - ამჯერად 50 ათასი ლარი. გამოძიების ვერსიით ბაჩიაშვილმა, როგორც ფონდის გენდირექტორმა, არაჯეროვნად შეასრულა თავისი მოვალეობა „მტკვარი ჰესის" მშენებლობის პროექტში ინვესტირების საკითხში. აღნიშნული ბრალდება 2-დან 5 წლამდე ვადით თავისუფლების აღკვეთას ითვალისწინებს. ბაჩიაშვილს თანაინვესტირების ფონდის გენერალური დირექტორის პოსტი 2013 წლიდან 2019 წლის მაისამდე პერიოდში ეკავა, შემდეგ კი 2023 წლამდე იყო ამავე ფონდის მრჩეველთა საბჭოს თავმჯდომარე.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს შინაგან საქმეთა სამინისტრო , პოლიტიკა საქართველოში, ახალი ამბები
საქართველო, საქართველოს შინაგან საქმეთა სამინისტრო , პოლიტიკა საქართველოში, ახალი ამბები
სომხეთში რუსული პასპორტით: შსს ივანიშვილის ყოფილი პარტნიორის გაქცევის სქემის შესახებ
17:08 05.03.2025 (განახლებულია: 19:17 05.03.2025) გუშინ ცნობილი გახდა, რომ თანაინვესტირების ფონდის ყოფილმა გენდირექტორმა გიორგი ბაჩიაშვილმა საქართველო დატოვა
თბილისი, 5 მარტი — Sputnik. გიორგი ბაჩიაშვილმა საქართველოს სახელმწიფო საზღვარი ავტომობილში მოწყობილი სპეციალური სამალავის საშუალებით სომხეთის მიმართულებით ფარულად გადაკვეთა, ნათქვამია საქართველოს შინაგან საქმეთა სამინისტროს მიერ გავრცელებულ განცხადებაში.
4 მარტს თანაინვესტირების ფონდის ყოფილმა გენერალურმა დირექტორმა გიორგი ბაჩიაშვილმა, რომელსაც საქართველოში ორ სისხლის სამართლის საქმეზე ბრალი აქვს წაყენებული და გირაოს სანაცვლოდ თავისუფლებაზე იმყოფება, ქვეყნის დატოვების შესახებ განცხადება სოციალურ ქსელში გაავრცელა. აღნიშნულ ფაქტთან დაკავშირებით მას საზღვრის უკანონო კვეთის ფაქტზე ბრალდება წარედგინა.
„მიმდინარე სისხლის სამართლის საქმის გამოძიების ფარგლებში, ამ ეტაპზე დადგენილია, რომ გ.ბ.-მ საქართველოს სახელმწიფო საზღვარი 2 მარტს, სასაზღვრო-გამტარი პუნქტის გვერდის ავლით, ავტომობილში მოწყობილი სპეციალური სამალავის საშუალებით, სომხეთის მიმართულებით ფარულად გადაკვეთა, სომხეთის სასაზღვრო-გამშვებ პუნქტში კი წარადგინა მის სახელზე გაცემული რუსეთის ფედერაციის მოქალაქეობის დამადასტურებელი სხვა პასპორტი და გაიარა საზღვარი", - ნათქვამია განცხადებაში.
უწყების ცნობით, ამ დროისთვის აქტიურად გრძელდება ყველა შესაბამისი საგამოძიებო მოქმედება აღნიშნული დანაშაულის ჩადენაში თანამონაწილე პირების დადგენა - დაკავების მიზნით. თავად ბაჩიაშვილს კი საზღვრის უკანონო კვეთის ფაქტზე აღკვეთის ღონისძიების სახით პატიმრობა დაუსწრებლად უკვე შეეფარდა.
ცენტრალური კრიმინალური პოლიციის დეპარტამენტში გამოძიება სსკ-ის 344-ე მუხლის 1-ლი ნაწილით მიმდინარეობს, რაც საქართველოს სახელმწიფო საზღვრის უკანონოდ გადაკვეთას გულისხმობს.
როგორც ბაჩიაშვილმა სოციალურ ქსელში დაწერა, მისი ქვეყნიდან წასვლა არა დანებება, არამედ გააზრებული და სტრატეგიული ნაბიჯია. მისი თქმით, ქვეყნის დატოვების მიზეზი გახდა „შეთითხნილი ბრალდებები". ამასთან, როგორც ბაჩიაშვილმა აღნიშნა, მან მიიღო „სანდო ინფორმაცია მის უსაფრთხოებაზე რეალური საფრთხეების შესახებ".
გიორგი ბაჩიაშვილის წინააღმდეგ პირველი საქმე ბიძინა ივანიშვილის განცხადების საფუძველზე 2023 წელს აღიძრა. მას ივანიშვილის კრიპტოვალუტის გაფლანგვასა და 39,2 მლნ დოლარის უკანონო შემოსავლის ლეგალიზაციაში ედება ბრალი. გამოძიების ვერსიით, ბაჩიაშვილმა დაარწმუნა ივანიშვილი ბიტკოინის მაინინგში თანხა ჩაედო, შემდეგ კი შემოსავალი თავადვე მიითვისა. ივანიშვილის ყოფილ პატრნიორს აღნიშნულ საქმეზე აღკვეთის ღონისძიების სახით 2,5 მლნ ლარის ოდენობით გირაო აქვს შეფარდებული, ასევე დაწესებული აქვს დამატებითი შემზღუდავი ღონისძიებები. აღნიშნული ქმედება 9-დან 12-წლამდე თავისუფლების აღკვეთას ითვალისწინებს.
„მტკვარი ჰესის“ საქმეზე მეორე ბრალდება ბიზნესმენს მიმდინარე წლის 25 თებერვალს წაუყენეს და ამ შემთხვევაშიც მას გირაო შეუფარდეს - ამჯერად 50 ათასი ლარი. გამოძიების ვერსიით ბაჩიაშვილმა, როგორც ფონდის გენდირექტორმა, არაჯეროვნად შეასრულა თავისი მოვალეობა „მტკვარი ჰესის" მშენებლობის პროექტში ინვესტირების საკითხში. აღნიშნული ბრალდება 2-დან 5 წლამდე ვადით თავისუფლების აღკვეთას ითვალისწინებს.
ბაჩიაშვილს თანაინვესტირების ფონდის გენერალური დირექტორის პოსტი 2013 წლიდან 2019 წლის მაისამდე პერიოდში ეკავა, შემდეგ კი 2023 წლამდე იყო ამავე ფონდის მრჩეველთა საბჭოს თავმჯდომარე.
