https://sputnik-georgia.com/20250228/didtovlobis-salikvidacio-samusaoebsi-sasazrvro-policiis-vertmfreni-caerto-292303410.html
დიდთოვლობის სალიკვიდაციო სამუშაოებში სასაზღვრო პოლიციის ვერტმფრენი ჩაერთო
დიდთოვლობის სალიკვიდაციო სამუშაოებში სასაზღვრო პოლიციის ვერტმფრენი ჩაერთო
Sputnik საქართველო
დასავლეთ საქართველოს რეგიონებში ინტენსიური თოვა 22 თებერვალს დაიწყო, რამაც მოსახლეობას უამრავი პრობლემა შეუქმნა. 28.02.2025-ს, Sputnik საქართველო
2025-02-28T19:08+0400
2025-02-28T19:08+0400
2025-02-28T19:08+0400
ახალი ამბები
საქართველო
სტიქიური მოვლენები
საქართველოს შინაგან საქმეთა სამინისტრო
https://cdnn1.img.sputnik-georgia.com/img/24715/66/247156649_0:142:3000:1830_1920x0_80_0_0_5a6f0bb98a5a4c04920cfd26b3edc3f8.jpg
თბილისი, 28 თებერვალი — Sputnik. მეტეოროლოგიური პირობების გაუმჯობესებისთანავე დღეს დილიდან დასავლეთ საქართველოში დიდთოვლობის სალიკვიდაციო სამუშაოებში სასაზღვრო პოლიციის ვერტმფრენი ჩაერთო. ამის შესახებ ინფორმაციას შინაგან საქმეთა სამინისტრო ავრცელებს. უწყების ცნობით, ვერტმფრენი, საჭიროებისამებრ, სამაშველო ღონისძიებებში მიიღებს მონაწილეობას, მათ შორის უზრუნველყოფს მოსახლეობისთვის პირველადი საჭიროების ნივთებისა და საკვების მიწოდებას. შინაგან საქმეთა სამინისტროს დანაყოფები, თავდაცვის ძალებთან და სხვა უწყების წარმომადგენლებთან ერთად, ყველა შესაბამისი სპეცტექნიკით, უწყვეტ რეჟიმში აგრძელებენ მუშაობას და მოსახლეობის დახმარებას. შსს-ს ცნობით, შინაგან საქმეთა მინისტრმა ვახტანგ გომელაურმა, თავდაცვის მინისტრმა ირაკლი ჩიქოვანმა მთავრობის ადმინისტრაციის უფროსმა ლევან ჟორჟოლიანმა და ადგილობრივი ხელისუფლების სხვა წარმომადგენლებმა გურიის რეგიონის სამივე მუნიციპალიტეტის სოფლებში არსებული ვითარების მონიტორინგი ვერტმფრენიდან განახორციელეს. დასავლეთ საქართველოს რეგიონებში ინტენსიური თოვა 22 თებერვალს დაიწყო. დიდთოვლობამ დასავლეთ საქართველოს რამდენიმე რეგიონი - აჭარა, სამეგრელო, იმერეთი, გურია დააზარალა - მუშაობა შეწყვიტა მუნიციპალურმა ტრანსპორტმა, საბავშვო ბაღებსა და სკოლებში შეჩერდა სასწავლო-სააღმზრდელო პროცესი, ჩახერგილია ცენტრალური და შიდა სასოფლო გზები, ჩამოინგრა საცხოვრებელი სახლები, შეფერხდა ენერგო და გაზმომარაგება. დასავლეთ საქართველოში დიდთოვლობასთან დაკავშირებით რამდენიმე დღეა საგანგებო რეჟიმში მუშაობს შსს-ს ყველა შესაბამისი დანაყოფი. სალიკვიდაციო სამუშაოებში ჩართულია თავდაცვის სამინისტროს სამხედრო ძალები. ჯარისკაცები და სამხედრო ტექნიკა სხვადასხვა მუნიციპალიტეტებში არიან განაწილებულები.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, სტიქიური მოვლენები, საქართველოს შინაგან საქმეთა სამინისტრო
ახალი ამბები, საქართველო, სტიქიური მოვლენები, საქართველოს შინაგან საქმეთა სამინისტრო
დიდთოვლობის სალიკვიდაციო სამუშაოებში სასაზღვრო პოლიციის ვერტმფრენი ჩაერთო
დასავლეთ საქართველოს რეგიონებში ინტენსიური თოვა 22 თებერვალს დაიწყო, რამაც მოსახლეობას უამრავი პრობლემა შეუქმნა.
თბილისი, 28 თებერვალი — Sputnik. მეტეოროლოგიური პირობების გაუმჯობესებისთანავე დღეს დილიდან დასავლეთ საქართველოში დიდთოვლობის სალიკვიდაციო სამუშაოებში სასაზღვრო პოლიციის ვერტმფრენი ჩაერთო. ამის შესახებ ინფორმაციას შინაგან საქმეთა სამინისტრო ავრცელებს.
უწყების ცნობით, ვერტმფრენი, საჭიროებისამებრ, სამაშველო ღონისძიებებში მიიღებს მონაწილეობას, მათ შორის უზრუნველყოფს მოსახლეობისთვის პირველადი საჭიროების ნივთებისა და საკვების მიწოდებას.
შინაგან საქმეთა სამინისტროს დანაყოფები, თავდაცვის ძალებთან და სხვა უწყების წარმომადგენლებთან ერთად, ყველა შესაბამისი სპეცტექნიკით, უწყვეტ რეჟიმში აგრძელებენ მუშაობას და მოსახლეობის დახმარებას.
შსს-ს ცნობით, შინაგან საქმეთა მინისტრმა ვახტანგ გომელაურმა, თავდაცვის მინისტრმა ირაკლი ჩიქოვანმა მთავრობის ადმინისტრაციის უფროსმა ლევან ჟორჟოლიანმა და ადგილობრივი ხელისუფლების სხვა წარმომადგენლებმა გურიის რეგიონის სამივე მუნიციპალიტეტის სოფლებში არსებული ვითარების მონიტორინგი ვერტმფრენიდან განახორციელეს.
დასავლეთ საქართველოს რეგიონებში ინტენსიური თოვა 22 თებერვალს დაიწყო. დიდთოვლობამ დასავლეთ საქართველოს რამდენიმე რეგიონი - აჭარა, სამეგრელო, იმერეთი, გურია დააზარალა - მუშაობა შეწყვიტა მუნიციპალურმა ტრანსპორტმა, საბავშვო ბაღებსა და სკოლებში შეჩერდა სასწავლო-სააღმზრდელო პროცესი, ჩახერგილია ცენტრალური და შიდა სასოფლო გზები, ჩამოინგრა საცხოვრებელი სახლები, შეფერხდა ენერგო და გაზმომარაგება.
დასავლეთ საქართველოში დიდთოვლობასთან დაკავშირებით რამდენიმე დღეა საგანგებო რეჟიმში მუშაობს შსს-ს ყველა შესაბამისი დანაყოფი. სალიკვიდაციო სამუშაოებში ჩართულია თავდაცვის სამინისტროს სამხედრო ძალები. ჯარისკაცები და სამხედრო ტექნიკა სხვადასხვა მუნიციპალიტეტებში არიან განაწილებულები.
