გორში მომხდარი დაჭრის საქმეზე პოლიციამ 17 და 18 წლის ბიჭები დააკავა

© photo: Sputnik / Stringerსაპატრულო პოლიცია
საპატრულო პოლიცია - Sputnik საქართველო, 1920, 24.02.2025
გამოწერა
ბრალის დამტკიცების შემთხვევაში დაკავებულებს 20-წლამდე ან უვადო პატიმრობა ემუქრებათ.
თბილისი, 24 თებერვალი — Sputnik. სამართალდამცველებმა გორში ორი ახალგაზრდის დაჭრის ფაქტზე 18 და 17 წლის ბიჭები დააკავეს, ნათქვამი შინაგან საქმეთა სამინისტროს გვერდზე გავრცელებულ ინფორმაციაში.
გამოძიებით დადგინდა, რომ ბრალდებულებმა გორში, წყალწმინდის დასახლებაში ურთიერთშელაპარაკების ნიადაგზე, 19 და 18 წლის მამაკაცებს დანით სხეულის სხვადასხვა არეში დაზიანებები მიაყენეს, რის შემდეგაც შემთხვევის ადგილიდან მიიმალნენ.
დაშავებულები სამედიცინო დაწესებულებაში არიან მოთავსებული.
სამართალდამცველებმა ბრალდებულები ცხელ კვალზე დააკავეს.
გამოძიება სსკ-ის 19-109-ე მუხლის „ლ“ ქვეპუნქტით მიმდინარეობს, რაც ორი ან მეტი პირის მიმართ დამამძიმებელ გარემოებაში ჩადენილ განზრახ მკვლელობის მცდელობას გულისხმობს.
ბრალის დამტკიცების შემთხვევაში დაკავებულებს 20-წლამდე ან უვადო პატიმრობა ემუქრებათ.
ყველა ახალი ამბავი
0