https://sputnik-georgia.com/20250218/saudis-arabetshi-saqartvelos-turistul-potencials-gaecnen-292160399.html
სათავგადასავლო ტურიზმი: საუდის არაბეთში საქართველოს ტურისტულ პოტენციალს გაეცნენ
სათავგადასავლო ტურიზმი: საუდის არაბეთში საქართველოს ტურისტულ პოტენციალს გაეცნენ
Sputnik საქართველო
გამოფენა Saudi Travel Market-ი მსოფლიოს მასშტაბით ტურიზმის სფეროს წამყვან საერთაშორისო და ადგილობრივ ორგანიზაციებს, ბუნების მოყვარულებსა და მოგზაურებს... 18.02.2025-ს, Sputnik საქართველო
2025-02-18T14:13+0400
2025-02-18T14:13+0400
2025-02-18T14:13+0400
საქართველო
საუდის არაბეთი
ტურიზმი
დაცული ტერიტორიების სააგენტო
საზოგადოება
ახალი ამბები
https://cdnn1.img.sputnik-georgia.com/img/23202/11/232021172_0:0:2730:1537_1920x0_80_0_0_5e9fca0bbe3dbb21ed13edd6643cc081.jpg
თბილისი, 18 თებერვალი — Sputnik. საქართველოს დაცული ტერიტორიების სააგენტომ საერთაშორისო გამოფენა Saudi Travel Market 2025-ში მიიღო მონაწილეობა, რომელიც საუდის არაბეთის დედაქალაქ ერ-რიადში გაიმართა, ნათქვამია უწყების გვერდზე გავრცელებულ ინფორმაციაში. გამოფენის მონაწილეები და დამთვალიერებლები საქართველოს დაცული ტერიტორიების ეკოტურისტულ და სათავგადასავლო მიმართულებებს გაეცნენ. უწყების ცნობით, დაინტერესებულ პირებს შესაძლებლობა ჰქონდათ ამომწურავი ინფორმაცია მიეღოთ საქართველოს დაცული ტერიტორიების შესახებ.ღონისძიების ფარგლებში ასევე გაიმართა პრეზენტაციები, პანელური დისკუსიები და B2B შეხვედრები, რაც ხელს შეუწყობს საერთაშორისო პარტნიორობის გაღრმავებას და ტურისტული პოტენციალის პოპულარიზაციას. გამოფენის გახსნას გარემოს დაცვის და სოფლის მეურნეობის მინისტრის მოადგილე იური ნოზაძე დაესწრო. მისი განცხადებით, მსგავსი მასშტაბის ღონისძიებებსა და გამოფენებში მონაწილეობა არის მნიშვნელოვანი შესაძლებლობა როგორც საქართველოს და მისი უნიკალური ბუნების პოპულარიზაციისთვის, ასევე, ქვეყანაში საერთაშორისო ვიზიტორების მოზიდვის ხელშეწყობისთვის. გამოფენა Saudi Travel Market მსოფლიოს მასშტაბით ტურიზმის სფეროს წამყვან საერთაშორისო და ადგილობრივ ორგანიზაციებს, ბუნების მოყვარულებსა და მოგზაურებს აერთიანებს, რათა მოხდეს გამოცდილების გაზიარება და ტურისტული სერვისების განვითარების ახალი შესაძლებლობების აღმოჩენა. გამოფენას ყოველწლიურად 40 ათასზე მეტი ვიზიტორი სტუმრობს, რაც მას ტურისტული ინდუსტრიის ტენდენციების გაცვლის მნიშვნელოვან პლატფორმად აქცევს.საქართველოს დაცული ტერიტორიები ტურისტებში პოპულარობით სარგებლობს. მათგან ყველაზე მაღალი მოთხოვნაა სათაფლიაზე, ოკაცეს კანიონზე, მარტვილის კანიონზე და პრომეთეს მღვიმეზე.საქართველოს ფაუნა წარმოდგენილია 100-ზე მეტი სახეობის ძუძუმწოვრით, 330 სახეობის ფრინველით და 160 სახეობის თევზით. დაცულ ტერიტორიებზე იშვიათი და გადაშენების საფრთხის ქვეშ მყოფი 90 სახეობის ცხოველი ბინადრობს, რაც „საქართველოს წითელ ნუსხაში“ შეტანილი ცხოველთა სახეობების 67%-ს შეადგენს.
საქართველო
საუდის არაბეთი
Sputnik საქართველო
media@sputniknews.com
+74956456601
MIA „Rossiya Segodnya“
2025
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საუდის არაბეთი , ტურიზმი, დაცული ტერიტორიების სააგენტო, საზოგადოება, ახალი ამბები
საქართველო, საუდის არაბეთი , ტურიზმი, დაცული ტერიტორიების სააგენტო, საზოგადოება, ახალი ამბები
სათავგადასავლო ტურიზმი: საუდის არაბეთში საქართველოს ტურისტულ პოტენციალს გაეცნენ
გამოფენა Saudi Travel Market-ი მსოფლიოს მასშტაბით ტურიზმის სფეროს წამყვან საერთაშორისო და ადგილობრივ ორგანიზაციებს, ბუნების მოყვარულებსა და მოგზაურებს აერთიანებს
თბილისი, 18 თებერვალი — Sputnik. საქართველოს დაცული ტერიტორიების სააგენტომ საერთაშორისო გამოფენა Saudi Travel Market 2025-ში მიიღო მონაწილეობა, რომელიც საუდის არაბეთის დედაქალაქ ერ-რიადში გაიმართა, ნათქვამია უწყების გვერდზე გავრცელებულ ინფორმაციაში.
გამოფენის მონაწილეები და დამთვალიერებლები საქართველოს დაცული ტერიტორიების ეკოტურისტულ და სათავგადასავლო მიმართულებებს გაეცნენ. უწყების ცნობით, დაინტერესებულ პირებს შესაძლებლობა ჰქონდათ ამომწურავი ინფორმაცია მიეღოთ საქართველოს დაცული ტერიტორიების შესახებ.
ღონისძიების ფარგლებში ასევე გაიმართა პრეზენტაციები, პანელური დისკუსიები და B2B შეხვედრები, რაც ხელს შეუწყობს საერთაშორისო პარტნიორობის გაღრმავებას და ტურისტული პოტენციალის პოპულარიზაციას.
გამოფენის გახსნას გარემოს დაცვის და სოფლის მეურნეობის მინისტრის მოადგილე იური ნოზაძე დაესწრო.
მისი განცხადებით, მსგავსი მასშტაბის ღონისძიებებსა და გამოფენებში მონაწილეობა არის მნიშვნელოვანი შესაძლებლობა როგორც საქართველოს და მისი უნიკალური ბუნების პოპულარიზაციისთვის, ასევე, ქვეყანაში საერთაშორისო ვიზიტორების მოზიდვის ხელშეწყობისთვის.
„ბოლო წლებში საუდის არაბეთიდან საქართველოს დაცულ ტერიტორიებზე ვიზიტორთა რაოდენობა მზარდია. შესაბამისად, ამ მიმართულებით აქტიური მუშაობა კიდევ უფრო შეუწყობს ხელს ცნობადობის ამაღლებას, ვიზიტორთა ნაკადების ზრდას და ეკონომიკის განვითარებას", - აღნიშნა ნოზაძემ.
გამოფენა Saudi Travel Market მსოფლიოს მასშტაბით ტურიზმის სფეროს წამყვან საერთაშორისო და ადგილობრივ ორგანიზაციებს, ბუნების მოყვარულებსა და მოგზაურებს აერთიანებს, რათა მოხდეს გამოცდილების გაზიარება და ტურისტული სერვისების განვითარების ახალი შესაძლებლობების აღმოჩენა.
გამოფენას ყოველწლიურად 40 ათასზე მეტი ვიზიტორი სტუმრობს, რაც მას ტურისტული ინდუსტრიის ტენდენციების გაცვლის მნიშვნელოვან პლატფორმად აქცევს.
საქართველოს დაცული ტერიტორიები ტურისტებში პოპულარობით სარგებლობს. მათგან ყველაზე მაღალი მოთხოვნაა სათაფლიაზე, ოკაცეს კანიონზე, მარტვილის კანიონზე და პრომეთეს მღვიმეზე.
საქართველოს ფაუნა წარმოდგენილია 100-ზე მეტი სახეობის ძუძუმწოვრით, 330 სახეობის ფრინველით და 160 სახეობის თევზით. დაცულ ტერიტორიებზე იშვიათი და გადაშენების საფრთხის ქვეშ მყოფი 90 სახეობის ცხოველი ბინადრობს, რაც „საქართველოს წითელ ნუსხაში“ შეტანილი ცხოველთა სახეობების 67%-ს შეადგენს.
