თბილისსა და რეგიონებში იარაღის არსენალი ამოიღეს: დაკავებულია 21 პირი

© photo: Sputnik / Stringer / გადასვლა მედიაბანკშიამოღებული იარაღი
ამოღებული იარაღი - Sputnik საქართველო, 1920, 17.02.2025
გამოწერა
დანაშაული შვიდ წლამდე ვადით პატიმრობას ითვალისწინებს
თბილისი, 17 თებერვალი – Sputnik. პოლიციამ თბილისსა და რეგიონებში ცეცხლსასროლი იარაღისა და საბრძოლო მასალის უკანონო შეძენა-შენახვა-ტარების ფაქტებზე 8 პირი დააკავა, ნათქვამია შინაგან საქმეთა სამინისტროს მიერ გავრცელებულ ინფორმაციაში.
სავარაუდო დამნაშავეთა დაკავების ოპერაცია თბილისში, კახეთში, აჭარაში, სამეგრელოში, ქვემო ქართლში, შიდა ქართლში, იმერეთსა და რაჭა-ლეჩხუმში რეგიონებში ჩატარდა.
დაკავებულთა შორის, რომელთა ასაკი 23-დან 77 წლამდეა, წარსულში სხვადასხვა დანაშაულისთვის ნასამართლევი და ამჟამად პირობითი მსჯავრის ქვეშ მყოფი პირებიც არიან.
დაკავებულთა პირადი, საცხოვრებელი სახლებისა და ავტომანქანების ჩხრეკის შედეგად ამოღებულია: სხვადასხვა ტიპის ცეცხლსასროლი იარაღი, საბრძოლო მასალა, ტყვიამფრქვევი, სანადირო თოფები, გადაჭრილი სანადირო თოფები, ხელყუმბარები, ამფეთქი ფალია, ვაზნები, მჭიდები და ჯავშანჟილეტები, ასევე ნარკოტიკული საშუალება მარიხუანა.
გამოძიება საქართველოს სსკ-ის 236-ე (ცეცხლსასროლი იარაღისა და საბრძოლო მასალის უკანონო შეძენა-შენახვა და ტარება) და 273-ე (მცენარე კანაფის ან მარიხუანის უკანონო შეძენა, შენახვა, გადაზიდვა, გადაგზავნა ან/და გასაღება) პრიმა მუხლებით მიმდინარეობს.
დანაშაული 7 წლამდე ვადით თავისუფლების აღკვეთას ითვალისწინებს.
წყარო - შსს
ყველა ახალი ამბავი
0