https://sputnik-georgia.com/20241112/papuashvili-evrodeputatebze-iudas-kocna-290850708.html
„იუდას კოცნა" ქართველი ხალხის სიყვარულად წარმოაჩინეს: პაპუაშვილი ევროპელ დეპუტატებზე
„იუდას კოცნა" ქართველი ხალხის სიყვარულად წარმოაჩინეს: პაპუაშვილი ევროპელ დეპუტატებზე
Sputnik საქართველო
ორშაბათს, ევროპელმა დეპუტატებმა შეხვედრა გამართეს ყველასთან, ვინც საქართველოს ხელისუფლებას არჩევნების გაყალბებაში ადანაშაულებს 12.11.2024-ს, Sputnik საქართველო
2024-11-12T16:33+0400
2024-11-12T16:33+0400
2024-11-12T16:33+0400
საქართველო
საპარლამენტო არჩევნები საქართველოში
პოლიტიკა საქართველოში
საქართველოს პარლამენტის თავმჯდომარე
საქართველო-ევროკავშირის ურთიერთობები
ევროკავშირი
ახალი ამბები
https://cdnn1.img.sputnik-georgia.com/img/07e8/0b/0c/290844484_0:2:1670:941_1920x0_80_0_0_15f32f096e80e44912f549e1cd81048f.jpg
თბილისი, 12 ნოემბერი — Sputnik. საქართველომ მთელი სისავსით დაინახა სიცრუე, დამორჩილების სურვილი, არეულობისკენ მოწოდებები, ქართველი ხალხის სიყვარულად წარმოჩენილი ღალატი და ეს ყველაფერი ევროპის სახელით, დაწერა პარლამენტის თავმჯდომარე შალვა პაპუაშვილმა სოციალურ ქსელში საქართველოში ევროკავშირის რვა ქვეყნის პარლამენტების წარმომადგენელთა ვიზიტთან დაკავშირებით.ორშაბათს, პარლამენტების ვიცე-სპიკერებმა და საგარეო ურთიერთობათა კომიტეტების თავმჯდომარეებმა შეხვედრა გამართეს ყველასთან, ვინც საქართველოს ხელისუფლებას არჩევნების გაყალბებაში ადანაშაულებს - პრეზიდენტ სალომე ზურაბიშვილთან, ოპოზიციასთან და არასამთავრობო ორგანიზაციების წარმომადგენლებთან. საღამოს კი ისინი თბილისის ცენტრში, პარლამენტის შენობის წინ გამართულ საპროტესტო აქციაზეც მივიდნენ.პარლამენტის სპიკერის თქმით, ყოველივე ეს ნათლად ჩანდა ორშაბათს გამართულ აქციაზე.„გუშინ მთელი სისავსით ვიხილეთ სიცრუეც, დამორჩილების სურვილიც, არეულობისკენ მოწოდებაც, განსაკუთრებით უხვად კი – ქართველების სიყვარულად შემოსაღებული „იუდას ამბორი". და ეს ყველაფერი – ევროპის სახელით“, - დაწერა პაპუაშვილმა.საპარლამენტო არჩევნებში ზედიზედ მეოთხედ გამარჯვებული პარტია „ქართული ოცნების“ წარმომადგენლებმა, დელეგაციის ზოგიერთი წევრის ინიციატივის მიუხედავად, ევროპელ დეპუტატებთან შეხვედრა არ ისურვეს. ორშაბათს დილით პაპუაშვილმა ღია წერილი გამოაქვეყნა, სადაც საუბარია ამ პოლიტიკოსების საქართველოს მიმართ არამეგობრულ დამოკიდებულებაზე.უცხოურ დელეგაციაში არიან გერმანიის, ლიეტუვის, ლატვიის, ესტონეთის, პოლონეთის, შვედეთის, ფინეთის და საფრანგეთის პარლამენტების წარმომადგენლები. მათგან ყველაზე მკაცრი რიტორიკით გამოირჩევა გერმანიის ბუნდესტაგის საგარეო ურთიერთობათა კომიტეტის თავმჯდომარე მიხაელ როთი, რომელიც საქართველოს მმართველ პარტიას „ქართულ კოშმარს“ უწოდებს.ორშაბათს დილით ისინი ჯერ პრეზიდენტის სასახლეში მივიდნენ, სადაც პრესკონფერენციაზე გააკრიტიკეს საქართველოში 26 ოქტომბერს ჩატარებული საპარლამენტო არჩევნები და მიმდინარე წელს მიღებული „უცხოური გავლენის გამჭვირვალობის შესახებ“ და „ოჯახური ღირებულებებისა და არასრულწლოვანთა დაცვის შესახებ“ კანონები.როთმა განაცხადა, რომ ევროკავშირს არ შეუძლია აღიაროს 26 ოქტომბრის საპარლამენტო არჩევნების ლეგიტიმურობა, ვიდრე ყველა საეჭვო ფაქტს ნათელი არ მოეფინება. მისი თქმით, ბრალდებები არჩევნებით მანიპულირებასთან დაკავშირებით, მათ შორის, ხმის მიცემის ფარულობის პრინციპის დარღვევასა და ამომრჩეველთა დაშინებასთან დაკავშირებით, დამოუკიდებელ გამოძიებას მოითხოვს.საღამოს, ოპოზიციასთან და არასამთავრობო ორგანიზაციების წარმომადგენლებთან შეხვედრის შემდეგ, ისინი საქართველოს პარლამენტის წინ საპროტესტო აქციაზე მივიდნენ, რომლის ორგანიზატორებიც ახალი არჩევნების ჩატარებას მოითხოვენ.საპარლამენტო არჩევნები - 2024საქართველოში საპარლამენტო არჩევნები პირველად ჩატარდა მხოლოდ პროპორციული სისტემით (პარტიული სიებით) და ფართო მასშტაბით ელექტრონული ტექნოლოგიების - ვერიფიკაციის და ხმის მთვლელი აპარატების გამოყენებით. კენჭისყრა 26 ოქტომბერს ჩატარდა.არჩევნებში გაიმარჯვა მმართველმა პარტია „ქართულმა ოცნებამ“ (53,93%). პარლამენტში შესულმა სამმა ოპოზიციურმა გაერთიანებამ და ერთმა პარტიამ, ცესკოს შედეგების აღიარებაზე უარი თქვეს და განაცხადეს, რომ არჩევნებულ ტოტალურად გაყალბდა. არჩევნებში სულ 18 საარჩევნო სუბიექტი მონაწილეობდა.ხელისუფლება გაყალბებასთან დაკავშირებულ ყველა ბრალდებას დეზინფორმაციას უწოდებს. „ქართული ოცნების“ ლიდერები ყოველდღიურად მართავენ ბრიფინგებს და კომენტარს აკეთებენ თითოეულ ბრალდებაზე. პარლამენტის თავმჯდომარის, შალვა პაპუაშვილის განცხადებით, ადგილი აქვს არჩევნების გაყალბების ფსევდომტკიცებულებების გაყალბებას.ამ დროისთვის საქართველოს პროკურატურა, შსს და სპეციალური საგამოძიებო სამსახური წინასაარჩევნო პერიოდში და კენჭისყრის დღეს ჩადენილ სავარაუდო დანაშაულზე 47 სისხლის სამართლის საქმეს იძიებენ.
საქართველო
ევროკავშირი
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საპარლამენტო არჩევნები საქართველოში, პოლიტიკა საქართველოში, საქართველოს პარლამენტის თავმჯდომარე , საქართველო-ევროკავშირის ურთიერთობები, ევროკავშირი , ახალი ამბები
საქართველო, საპარლამენტო არჩევნები საქართველოში, პოლიტიკა საქართველოში, საქართველოს პარლამენტის თავმჯდომარე , საქართველო-ევროკავშირის ურთიერთობები, ევროკავშირი , ახალი ამბები
„იუდას კოცნა" ქართველი ხალხის სიყვარულად წარმოაჩინეს: პაპუაშვილი ევროპელ დეპუტატებზე
ორშაბათს, ევროპელმა დეპუტატებმა შეხვედრა გამართეს ყველასთან, ვინც საქართველოს ხელისუფლებას არჩევნების გაყალბებაში ადანაშაულებს
თბილისი, 12 ნოემბერი — Sputnik. საქართველომ მთელი სისავსით დაინახა სიცრუე, დამორჩილების სურვილი, არეულობისკენ მოწოდებები, ქართველი ხალხის სიყვარულად წარმოჩენილი ღალატი და ეს ყველაფერი ევროპის სახელით, დაწერა პარლამენტის თავმჯდომარე შალვა პაპუაშვილმა სოციალურ ქსელში საქართველოში ევროკავშირის რვა ქვეყნის პარლამენტების წარმომადგენელთა ვიზიტთან დაკავშირებით.
ორშაბათს, პარლამენტების ვიცე-სპიკერებმა და საგარეო ურთიერთობათა კომიტეტების თავმჯდომარეებმა შეხვედრა გამართეს ყველასთან, ვინც საქართველოს ხელისუფლებას არჩევნების გაყალბებაში ადანაშაულებს - პრეზიდენტ სალომე ზურაბიშვილთან, ოპოზიციასთან და არასამთავრობო ორგანიზაციების წარმომადგენლებთან. საღამოს კი ისინი თბილისის ცენტრში, პარლამენტის შენობის წინ გამართულ საპროტესტო აქციაზეც მივიდნენ.
„ქუთაისის წინასაარჩევნო ღონისძიებაზე ვთქვი, თუ როგორ წარმოგვიჩენენ ომს მშვიდობად, ცალ ფეხზე დგომას – თავისუფლებად, სიცრუეს – ჭეშმარიტებად, იუდას ამბორს – ქართველი ხალხის სიყვარულად", - დაწერა პაპუაშვილმა.
პარლამენტის სპიკერის თქმით, ყოველივე ეს ნათლად ჩანდა ორშაბათს გამართულ აქციაზე.
„გუშინ მთელი სისავსით ვიხილეთ სიცრუეც, დამორჩილების სურვილიც, არეულობისკენ მოწოდებაც, განსაკუთრებით უხვად კი – ქართველების სიყვარულად შემოსაღებული „იუდას ამბორი". და ეს ყველაფერი – ევროპის სახელით“, - დაწერა პაპუაშვილმა.
საპარლამენტო არჩევნებში ზედიზედ მეოთხედ გამარჯვებული პარტია „ქართული ოცნების“ წარმომადგენლებმა, დელეგაციის ზოგიერთი წევრის ინიციატივის მიუხედავად, ევროპელ დეპუტატებთან შეხვედრა არ ისურვეს. ორშაბათს დილით პაპუაშვილმა ღია წერილი გამოაქვეყნა, სადაც საუბარია ამ პოლიტიკოსების საქართველოს მიმართ არამეგობრულ დამოკიდებულებაზე.
უცხოურ დელეგაციაში არიან გერმანიის, ლიეტუვის, ლატვიის, ესტონეთის, პოლონეთის, შვედეთის, ფინეთის და საფრანგეთის პარლამენტების წარმომადგენლები. მათგან ყველაზე მკაცრი რიტორიკით გამოირჩევა გერმანიის ბუნდესტაგის საგარეო ურთიერთობათა კომიტეტის თავმჯდომარე მიხაელ როთი, რომელიც საქართველოს მმართველ პარტიას „ქართულ კოშმარს“ უწოდებს.
ორშაბათს დილით ისინი ჯერ პრეზიდენტის სასახლეში მივიდნენ, სადაც პრესკონფერენციაზე გააკრიტიკეს საქართველოში 26 ოქტომბერს ჩატარებული საპარლამენტო არჩევნები და მიმდინარე წელს მიღებული „უცხოური გავლენის გამჭვირვალობის შესახებ“ და „ოჯახური ღირებულებებისა და არასრულწლოვანთა დაცვის შესახებ“ კანონები.
როთმა განაცხადა, რომ ევროკავშირს არ შეუძლია აღიაროს 26 ოქტომბრის საპარლამენტო არჩევნების ლეგიტიმურობა, ვიდრე ყველა საეჭვო ფაქტს ნათელი არ მოეფინება. მისი თქმით, ბრალდებები არჩევნებით მანიპულირებასთან დაკავშირებით, მათ შორის, ხმის მიცემის ფარულობის პრინციპის დარღვევასა და ამომრჩეველთა დაშინებასთან დაკავშირებით, დამოუკიდებელ გამოძიებას მოითხოვს.
საღამოს, ოპოზიციასთან და არასამთავრობო ორგანიზაციების წარმომადგენლებთან შეხვედრის შემდეგ, ისინი საქართველოს პარლამენტის წინ საპროტესტო აქციაზე მივიდნენ, რომლის ორგანიზატორებიც ახალი არჩევნების ჩატარებას მოითხოვენ.
საპარლამენტო არჩევნები - 2024
საქართველოში საპარლამენტო არჩევნები პირველად ჩატარდა მხოლოდ პროპორციული სისტემით (პარტიული სიებით) და ფართო მასშტაბით ელექტრონული ტექნოლოგიების - ვერიფიკაციის და ხმის მთვლელი აპარატების გამოყენებით. კენჭისყრა 26 ოქტომბერს ჩატარდა.
არჩევნებში გაიმარჯვა მმართველმა პარტია „ქართულმა ოცნებამ“ (53,93%). პარლამენტში შესულმა სამმა ოპოზიციურმა გაერთიანებამ და ერთმა პარტიამ, ცესკოს შედეგების აღიარებაზე უარი თქვეს და განაცხადეს, რომ არჩევნებულ ტოტალურად გაყალბდა. არჩევნებში სულ 18 საარჩევნო სუბიექტი მონაწილეობდა.
ხელისუფლება გაყალბებასთან დაკავშირებულ ყველა ბრალდებას დეზინფორმაციას უწოდებს. „ქართული ოცნების“ ლიდერები ყოველდღიურად მართავენ ბრიფინგებს და კომენტარს აკეთებენ თითოეულ ბრალდებაზე. პარლამენტის თავმჯდომარის, შალვა პაპუაშვილის განცხადებით, ადგილი აქვს არჩევნების გაყალბების ფსევდომტკიცებულებების გაყალბებას.
ამ დროისთვის საქართველოს პროკურატურა, შსს და სპეციალური საგამოძიებო სამსახური წინასაარჩევნო პერიოდში და კენჭისყრის დღეს ჩადენილ სავარაუდო დანაშაულზე 47 სისხლის სამართლის საქმეს იძიებენ.
