https://sputnik-georgia.com/20241111/papuashvilma-evrokavshiris-delegaciastan-dakavshireit-gancxadeba-gamoaqveyna-290829486.html
მმართველი ძალა ევროკავშირის 8 ქვეყნის პარლამენტის კომიტეტების ხელმძღვანელებს არ ხვდება
მმართველი ძალა ევროკავშირის 8 ქვეყნის პარლამენტის კომიტეტების ხელმძღვანელებს არ ხვდება
Sputnik საქართველო
აშკარაა, რომ მათი ვიზიტის მთავარი მიზეზი პოლიტიკური მიკერძოებულობაა, განაცხადა პაპუაშვილმა 11.11.2024-ს, Sputnik საქართველო
2024-11-11T15:01+0400
2024-11-11T15:01+0400
2024-11-11T15:01+0400
საქართველო
საპარლამენტო არჩევნები საქართველოში
საქართველოს პარლამენტის თავმჯდომარე
პოლიტიკა საქართველოში
საქართველო-ევროკავშირის ურთიერთობები
ევროკავშირი
ახალი ამბები
https://cdnn1.img.sputnik-georgia.com/img/07e8/0a/1c/290626359_0:107:2048:1259_1920x0_80_0_0_cea59c10fe60920275fd7dc2426f4e07.jpg
თბილისი, 11 ნოემბერი — Sputnik. შეუძლებელია, ევროპას მშვიდობის პროექტად წარმოაჩენდე და ამავდროულად, ევროპის სახელით, ქვეყანაში არეულობას თესავდე, ნათქვამია საქართველოს პარლამენტის თავმჯდომარე შალვა პაპუაშვილის საპასუხო წერილში, რომელშიც მან უარი განაცხადა ევროკავშირის წევრი რიგი ქვეყნების პარლამენტების დელეგაციასთან შეხვედრაზე და უარის მთავარ მიზეზად თბილისში მათი ვიზიტის პოლიტიკური მიკერძოებულობა დაასახელა.11 ნოემბერს დელეგაციის ვიზიტი გერმანიის ბუნდესტაგის საგარეო ურთიერთობათა კომიტეტის თავმჯდომარე მიხაელ როთმა დააანონსა, რომელიც მმართველ პარტია „ქართულ ოცნებას“ „ქართულ კოშმარს“ უწოდებს და აქტიურად უჭერს მხარს ოპოზიციას. „გაყალბებული არჩევნების შემდეგ, ჩვენ შეშფოთებული ვართ მოვლენების ამჟამინდელი განვითარებით”, - დაწერა როთმა ადრე სოციალურ ქსელ Х-ზე.საქართველოს საკანონმდებლო ორგანოს ხელმძღვანელმა საპასუხო წერილი გამოაქვეყნა, სადაც ნათქვამია, რომ მას არ გაჰკვირვებია ევროკავშირის რამდენიმე ქვეყნის პარლამენტის წევრისგან შემდგარი დელეგაციის საქართველოში ჩამოსვლა.თუმცა, მისივე სიტყვებით იგი ნამდვილად გააკვირვა დელეგაციის ზოგიერთი წევრის განზრახვამ, შეხვდნენ საქართველოს პოლიტიკურ და საპარლამენტო ხელმძღვანელობას, მიუხედავად მათ მიერ საქართველოს ხელისუფლების და ქართული საზოგადოების მიმართ მრავალჯერ გამოვლენილი პირადი არამეგობრული დამოკიდებულებისა.„მიუხედავად იმისა, რომ საქართველოს ხელისუფლება რჩება ევროკავშირის ყველა რელევანტურ და დაინტერესებულ მხარესთან დიალოგის ხელშეწყობის ერთგული, შეხვედრების გამართვის ამ განზრახვას დადებითად ვერ ვუპასუხებ“, -ნათქვამია წერილში.როგორც პაპუაშვილმა აღნიშნა, საქართველოსადმი მრავალჯერ გამოვლენილი არამეგობრული დამოკიდებულებიდან გამომდინარე, დელეგაციის ზოგიერთ წევრს სხვა მოლოდინი არც უნდა ჰქონოდა.„აშკარაა, რომ ვიზიტის მთავარი საფუძველი პოლიტიკური მიკერძოებულობაა და ამას ყველა ხედავს“, -აღნიშნულია წერილში.პარლამენტის თავმჯდომარემ შეახსენა ყველას, რომ წინასაარჩევნო კამპანიის დროს დელეგაციის ზოგიერთი წევრი და სხვა უცხოელი პოლიტიკოსები მუდმივად და მიზანმიმართულად არღვევდნენ ქართულ კანონმდებლობას საქართველოს მმართველი პარტიის წინააღმდეგ მიმართული საჯარო კამპანიის წარმართვისა და ოპოზიციის მხარდაჭერის გზით, რითიც მოქალაქეების ნებაზე უკანონო ზემოქმედებას ცდილობდნენ.„საქართველოს კონსტიტუცია და საარჩევნო კანონმდებლობა კრძალავს არჩევნებში უცხოურ ჩარევას, რაც უხეშად იყო უგულებელყოფილი“, -ათნიშნა პაპუაშვილმა.მიხაელ როთი და ჟიგიმანტას პავილიონისი იმ უცხოელ პოლიტიკოსებს შორის არიან, რომლებიც ამ გაზაფხულზე „უცხოური გავლენის გამჭვირვალობის შესახებ“ კანონპროექტის წინააღმდეგ გამართულ საპროტესტო აქციებს შეუერთდნენ.სექტემბრის შუა რიცხვებში, აქტიური წინასაარჩევნო კამპანიის დროს როთი ისევ ჩამოვიდა თბილისში. ბუნდესტაგის წარმომადგენელი თბილისში შეხვდა ოპოზიციონერებს, არასამთავრობო ორგანიზაციების წარმომადგენლებს და საქართველოს პრეზიდენტ სალომე ზურაბიშვილს, რომელსაც გაცხადებული კონფლიქტი აქვს ქვეყნის მმართველ პარტიასთან.ოქტომბრის დასაწყისში კი „ქართულმა ოცნებამ“ როთი საარჩევნო პროცესში ჩარევაში დაადანაშაულა. 1-ელ ოქტომბერს როთმა სოციალურ ქსელ X-ზე გამოაქვეყნა პოსტი იმ ადამიანების საკონტაქტო მონაცემებით, რომლებსაც, მისი თქმით, შეუძლიათ დაეხმარონ კენჭისყრაში მონაწილეობისთვის რეგისტრაციის გავლაში საზღვარგარეთ მცხოვრებ საქართველოს იმ მოქალაქეებს, რომლებმაც არ იციან როგორ გააკეთონ ეს.არჩევნებთან დაკავშირებულ პროცესებში, განსაკუთრებით კი ხელისუფლების საწინააღმდეგო აქციებში უშუალო მონაწილეობით, ამ პოლიტიკოსებმა უხეშად დაარღვიეს ჩაურევლობის პრინციპი, რაც გაეროს წესდებით განმტკიცებული საერთაშორისო სამართლის ფუნდამენტური ნორმაა და ეჭვქვეშ დააყენეს წესებზე დაფუძნებული საერთაშორისო წესრიგის არსი, რომლისადმი პატივისცემას, როგორც სჩანს, მხოლოდ სიტყვიერად გამოხატავენ, აღნიშნულია წერილში.თუმცა, პარლამენტის თავმჯდომარის თქმით, ეს არ არის პირველი შემთხვევა, როდესაც ამ დელეგაციის ზოგიერთი წევრი ქართველი ხალხის წინააღმდეგ მიმართული დეზინფორმაციის გავრცელებით არის დაკავებული.ასეთი იყო, მაგალითად, ექს-პრეზიდენტ მიხეილ სააკაშვილის პატიმრობის პირობების შესახებ წარმოებული კამპანიაც, რომლის სიცრუეც ადამიანის უფლებათა ევროპულმა სასამართლომ დაადასტურა, აღნიშნა მან.ეს ქმედებები და არამეგობრული რიტორიკა ხელს უწყობს ევროკავშირის გაფართოების პროცესის იარაღად გამოყენების მცდელობას, რათა კიდევ უფრო წაახალისოს ოპოზიცია, შეარყიოს არჩევნების შედეგების მიმართ ნდობა და არჩევნების ლეგიტიმურობას ძირი გამოუთხაროს.საქართველოსა და მისი ხელისუფლების მიმართ დელეგაციის ზოგიერთი წევრის არამეგობრული რიტორიკა და ქმედებები, რომელთა მომსწრენი ვართ უკანასკნელი ორწელიწად-ნახევრის განმავლობაში, აგრეთვე, ხელს უშლის საქართველოში მშვიდობისა და დემოკრატიული სტაბილურობის შენარჩუნებაზე მიმართულ ჩვენს ძალისხმევას, აღნიშნა პაპუაშვილმა.„შეუძლებელია, ევროპას მშვიდობის პროექტად წარმოაჩენდე და ამავდროულად, ევროპის სახელით, ქვეყანაში არეულობას თესდე“, - აღნიშნულია წერილში.პაპუაშვილის თქმით, 26 ოქტომბრის არჩევნებში უცხოურ ჩარევას ქართულმა საზოგადოებამ მკაფიოდ უპასუხა, როდესაც „ქართულმა ოცნებამ" მორიგი დამაჯერებელი გამარჯვება მოიპოვა.„არჩევნების უარყოფა და ამომრჩეველთა ასეთი ძლიერი ხმის იგნორირება ის გზაა, რომელსაც ოპოზიცია წლების განმავლობაში მიჰყვება და რასაც ქართული საზოგადოება უკვე შეეჩვია. თუმცა, როდესაც ქართული საზოგადოება ხედავს ევროპელი პოლიტიკოსების მიერ დემოკრატიის უარყოფას, ეს ევროკავშირისადმი ნდობას აზიანებს“, -ნათქვამია წერილში.აღნიშნულის გათვალისწინებით, საქართველოს პარლამენტიოს თავმჯდომარეს შეუძლებლად მიაჩნია მიღებულ თხოვნაზე დათანხმება. ამავდროულად, პაპუაშვილს სურს გამოხატოს პატივისცემა დელეგაციის სხვა წევრების მიმართ და დაუდასტუროს დიალოგის გაგრძელების მზაობა საპარლამენტო დიპლომატიის ფუნდამენტური პრინციპებისა და ნორმების ფარგლებში, თანასწორობისა და სუვერენიტეტის პატივისცემის საფუძველზე.ჟიგიმანტას პავილლიონისთან და მიხაელ როთთან ერთად საქართველოში ჩამოვიდნენ ესტონეთის პარლამენტის საერთაშორისო ურთიერთობების კომიტეტის თავმჯდომარე მარკო მიხელსონი, ლატვიის პარლამენტის საერთაშორისო ურთიერთობების კომიტეტის თავმჯდომარე ინაარა მურნიეცე, ფინეთის პარლამენტის თავდაცვის კომიტეტის თავმჯდომარე იუკა კოპრა, საფრანგეთის ეროვნული ასამბლეის ევროპულ საქმეთა კომიტეტის ვიცე-პრეზიდენტი ფრედერიკ პეტი, შვედეთის პარლამენტის ევროკავშირის საკითხთა კომიტეტის თავმჯდომარე ერიკ ოტოსონი და პოლონეთის პარლამენტის საგარეო ურთიერთობათა და ევროკავშირის საკითხთა კომიტეტის წევრი მიჰაუ კამინსკი.დელეგაციის წარმომადგენლებს საქართველოს პრეზიდენტი სალომე ზურაბიშვილი შეხვდა.ცენტრალური საარჩევნო კომისიის შედეგები, რომლის მიხედვითაც მმართველმა პარტია „ქართულმა ოცნებამ“ ხმების 53,93% მიიღო, პარლამენტში შესულმა ოთხივე ოპოზიციურმა ძალამ, მათმა მხარდამჭერმა არასამთავრობო ორგანიზაციებმა და საქართველოს პრეზიდენტმა სალომე ზურაბიშვილმა არ აღიარეს.მათი მტკიცებით, არჩევნები ტოტალურად გაყალბდა და ახალი არჩევნების ჩატარებას ითხოვენ.საპარლამენტო არჩევნების შემდეგ, ოპოზიციამ თბილისის ცენტრში ორი მასშტაბური საპროტესტო აქცია კი გამართა, მაგრამ დიდი საპროტესტო ტალღის აგორება ვერ მოახერხა. . ბოლო დღეებში გამოცხადებული ყველა აქცია მცირერიცხოვანი იყო.ოპოზიციიდან პარლამენტში შევიდნენ კოალიციები: „ერთიანობა - ნაციონალური მოძრაობა“ („ერთიანი ნაციონალური მოძრაობა“, „სტრატეგია აღმაშენებელი“, „ევროპული საქართველო“), „ძლიერი საქართველო“ („ლელო საქართველოსთვის“, „ხალხისთვის“, „თავისუფლების მოედანი", „მოქალაქეები"), „კოალიცია ცვლილებისთვის" („ახალი", „გირჩი - მეტი თავისუფლება", „დროა") და პარტია „საქართველოსთვის".ხელისუფლება გაყალბებასთან დაკავშირებულ ყველა ბრალდებას დეზინფორმაციას უწოდებს. „ქართული ოცნების“ ლიდერები ყოველდღიურად მართავენ ბრიფინგებს და კომენტარს აკეთებენ თითოეულ ბრალდებაზე. პარლამენტის თავმჯდომარის, შალვა პაპუაშვილის განცხადებით, ადგილი აქვს არჩევნების გაყალბების ფსევდომტკიცებულებების გაყალბებას.ამერიკული კომპანია Pro V&V-ის მიერ არჩევნებში გამოყენებული ელექტრონული მოწყობილობების მონაცემების შესაბამისობაზე ჩატარებულმა აუდიტმა გამორიცხა ფალსიფიკაციის მეთოდის, ე.წ. „კარუსელების“ გამოყენების შესაძლებლობა, როდესაც ერთი ამომრჩეველი ერთდროულად რამდენიმე უბანზე აძლევს ხმას.
საქართველო
ევროკავშირი
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საპარლამენტო არჩევნები საქართველოში, საქართველოს პარლამენტის თავმჯდომარე , პოლიტიკა საქართველოში, საქართველო-ევროკავშირის ურთიერთობები, ევროკავშირი , ახალი ამბები
საქართველო, საპარლამენტო არჩევნები საქართველოში, საქართველოს პარლამენტის თავმჯდომარე , პოლიტიკა საქართველოში, საქართველო-ევროკავშირის ურთიერთობები, ევროკავშირი , ახალი ამბები
მმართველი ძალა ევროკავშირის 8 ქვეყნის პარლამენტის კომიტეტების ხელმძღვანელებს არ ხვდება
აშკარაა, რომ მათი ვიზიტის მთავარი მიზეზი პოლიტიკური მიკერძოებულობაა, განაცხადა პაპუაშვილმა
თბილისი, 11 ნოემბერი — Sputnik. შეუძლებელია, ევროპას მშვიდობის პროექტად წარმოაჩენდე და ამავდროულად, ევროპის სახელით, ქვეყანაში არეულობას თესავდე, ნათქვამია საქართველოს პარლამენტის თავმჯდომარე შალვა პაპუაშვილის საპასუხო წერილში, რომელშიც მან უარი განაცხადა ევროკავშირის წევრი რიგი ქვეყნების პარლამენტების დელეგაციასთან შეხვედრაზე და უარის მთავარ მიზეზად თბილისში მათი ვიზიტის პოლიტიკური მიკერძოებულობა დაასახელა.
11 ნოემბერს დელეგაციის ვიზიტი გერმანიის ბუნდესტაგის საგარეო ურთიერთობათა კომიტეტის თავმჯდომარე მიხაელ როთმა დააანონსა, რომელიც მმართველ პარტია „ქართულ ოცნებას“ „ქართულ კოშმარს“ უწოდებს და აქტიურად უჭერს მხარს ოპოზიციას. „გაყალბებული არჩევნების შემდეგ, ჩვენ შეშფოთებული ვართ მოვლენების ამჟამინდელი განვითარებით”, - დაწერა როთმა ადრე სოციალურ ქსელ Х-ზე.
„როგორც საჯაროდ დაანონსდა, ამ დღეებში საქართველოში რამდენიმე ქვეყნის პარლამენტის წევრისგან შემდგარი ჯგუფი ჩამოდის, რომელსაც ლიეტუვის პარლამენტის წევრმა, ჟიგიმანტას პავილიონისმა მოუყარა თავი. ამ ჯგუფმა ჩემთან და პარლამენტის ზოგიერთი კომიტეტის თავმჯდომარესთან შეხვედრაც ითხოვა, რაზეც უარი ვუთხარი და წერილობითაც განვუმარტე უარის მიზეზი“, - დაწერა პაპუაშვილმა სოციალურ ქსელში.
საქართველოს საკანონმდებლო ორგანოს ხელმძღვანელმა საპასუხო წერილი გამოაქვეყნა, სადაც ნათქვამია, რომ მას არ გაჰკვირვებია ევროკავშირის რამდენიმე ქვეყნის პარლამენტის წევრისგან შემდგარი დელეგაციის საქართველოში ჩამოსვლა.
თუმცა, მისივე სიტყვებით იგი ნამდვილად გააკვირვა დელეგაციის ზოგიერთი წევრის განზრახვამ, შეხვდნენ საქართველოს პოლიტიკურ და საპარლამენტო ხელმძღვანელობას, მიუხედავად მათ მიერ საქართველოს ხელისუფლების და ქართული საზოგადოების მიმართ მრავალჯერ გამოვლენილი პირადი არამეგობრული დამოკიდებულებისა.
„მიუხედავად იმისა, რომ საქართველოს ხელისუფლება რჩება ევროკავშირის ყველა რელევანტურ და დაინტერესებულ მხარესთან დიალოგის ხელშეწყობის ერთგული, შეხვედრების გამართვის ამ განზრახვას დადებითად ვერ ვუპასუხებ“, -ნათქვამია წერილში.
როგორც პაპუაშვილმა აღნიშნა, საქართველოსადმი მრავალჯერ გამოვლენილი არამეგობრული დამოკიდებულებიდან გამომდინარე, დელეგაციის ზოგიერთ წევრს სხვა მოლოდინი არც უნდა ჰქონოდა.
„აშკარაა, რომ ვიზიტის მთავარი საფუძველი პოლიტიკური მიკერძოებულობაა და ამას ყველა ხედავს“, -აღნიშნულია წერილში.
პარლამენტის თავმჯდომარემ შეახსენა ყველას, რომ წინასაარჩევნო კამპანიის დროს დელეგაციის ზოგიერთი წევრი და სხვა უცხოელი პოლიტიკოსები მუდმივად და მიზანმიმართულად არღვევდნენ ქართულ კანონმდებლობას საქართველოს მმართველი პარტიის წინააღმდეგ მიმართული საჯარო კამპანიის წარმართვისა და ოპოზიციის მხარდაჭერის გზით, რითიც მოქალაქეების ნებაზე უკანონო ზემოქმედებას ცდილობდნენ.
„საქართველოს კონსტიტუცია და საარჩევნო კანონმდებლობა კრძალავს არჩევნებში უცხოურ ჩარევას, რაც უხეშად იყო უგულებელყოფილი“, -ათნიშნა პაპუაშვილმა.
მიხაელ როთი და ჟიგიმანტას პავილიონისი იმ უცხოელ პოლიტიკოსებს შორის არიან, რომლებიც ამ გაზაფხულზე „უცხოური გავლენის გამჭვირვალობის შესახებ“ კანონპროექტის წინააღმდეგ გამართულ საპროტესტო აქციებს შეუერთდნენ.
სექტემბრის შუა რიცხვებში, აქტიური წინასაარჩევნო კამპანიის დროს როთი ისევ ჩამოვიდა თბილისში. ბუნდესტაგის წარმომადგენელი თბილისში შეხვდა ოპოზიციონერებს, არასამთავრობო ორგანიზაციების წარმომადგენლებს და საქართველოს პრეზიდენტ სალომე ზურაბიშვილს, რომელსაც გაცხადებული კონფლიქტი აქვს ქვეყნის მმართველ პარტიასთან.
ოქტომბრის დასაწყისში კი „ქართულმა ოცნებამ“ როთი საარჩევნო პროცესში ჩარევაში დაადანაშაულა. 1-ელ ოქტომბერს როთმა სოციალურ ქსელ X-ზე გამოაქვეყნა პოსტი იმ ადამიანების საკონტაქტო მონაცემებით, რომლებსაც, მისი თქმით, შეუძლიათ დაეხმარონ კენჭისყრაში მონაწილეობისთვის რეგისტრაციის გავლაში საზღვარგარეთ მცხოვრებ საქართველოს იმ მოქალაქეებს, რომლებმაც არ იციან როგორ გააკეთონ ეს.
არჩევნებთან დაკავშირებულ პროცესებში, განსაკუთრებით კი ხელისუფლების საწინააღმდეგო აქციებში უშუალო მონაწილეობით, ამ პოლიტიკოსებმა უხეშად დაარღვიეს ჩაურევლობის პრინციპი, რაც გაეროს წესდებით განმტკიცებული საერთაშორისო სამართლის ფუნდამენტური ნორმაა და ეჭვქვეშ დააყენეს წესებზე დაფუძნებული საერთაშორისო წესრიგის არსი, რომლისადმი პატივისცემას, როგორც სჩანს, მხოლოდ სიტყვიერად გამოხატავენ, აღნიშნულია წერილში.
„აღნიშნულმა ხელი შეუწყო ოპოზიციის რადიკალურ ნაწილს პოლიტიკური პოლარიზაციის გაღრმავებაში, რამაც გააუარესა წინასაარჩევნო გარემო და არჩევნების გარშემო დაძაბულობის აღქმა შექმნა“, -აღნიშნა პაპუაშვილმა.
თუმცა, პარლამენტის თავმჯდომარის თქმით, ეს არ არის პირველი შემთხვევა, როდესაც ამ დელეგაციის ზოგიერთი წევრი ქართველი ხალხის წინააღმდეგ მიმართული დეზინფორმაციის გავრცელებით არის დაკავებული.
ასეთი იყო, მაგალითად, ექს-პრეზიდენტ მიხეილ სააკაშვილის პატიმრობის პირობების შესახებ წარმოებული კამპანიაც, რომლის სიცრუეც ადამიანის უფლებათა ევროპულმა სასამართლომ დაადასტურა, აღნიშნა მან.
„რადიკალური პოლიტიკური პარტიების მიერ გავრცელებული ასეთი ცრუ ნარატივებისა და დეზინფორმაციის მხარდაჭერამ, საზღვარგარეთ საქართველოს იმიჯი შელახა, და ამასთან შეარყია ჩვენი მოსახლეობის ნდობა ჩვენი დასავლელი პარტნიორების კეთილმოსურნეობის მიმართ“, - აღნიშნა პაპუაშვილმა.
ეს ქმედებები და არამეგობრული რიტორიკა ხელს უწყობს ევროკავშირის გაფართოების პროცესის იარაღად გამოყენების მცდელობას, რათა კიდევ უფრო წაახალისოს ოპოზიცია, შეარყიოს არჩევნების შედეგების მიმართ ნდობა და არჩევნების ლეგიტიმურობას ძირი გამოუთხაროს.
საქართველოსა და მისი ხელისუფლების მიმართ დელეგაციის ზოგიერთი წევრის არამეგობრული რიტორიკა და ქმედებები, რომელთა მომსწრენი ვართ უკანასკნელი ორწელიწად-ნახევრის განმავლობაში, აგრეთვე, ხელს უშლის საქართველოში მშვიდობისა და დემოკრატიული სტაბილურობის შენარჩუნებაზე მიმართულ ჩვენს ძალისხმევას, აღნიშნა პაპუაშვილმა.
„შეუძლებელია, ევროპას მშვიდობის პროექტად წარმოაჩენდე და ამავდროულად, ევროპის სახელით, ქვეყანაში არეულობას თესდე“, - აღნიშნულია წერილში.
პაპუაშვილის თქმით, 26 ოქტომბრის არჩევნებში უცხოურ ჩარევას ქართულმა საზოგადოებამ მკაფიოდ უპასუხა, როდესაც „ქართულმა ოცნებამ" მორიგი დამაჯერებელი გამარჯვება მოიპოვა.
„არჩევნების უარყოფა და ამომრჩეველთა ასეთი ძლიერი ხმის იგნორირება ის გზაა, რომელსაც ოპოზიცია წლების განმავლობაში მიჰყვება და რასაც ქართული საზოგადოება უკვე შეეჩვია. თუმცა, როდესაც ქართული საზოგადოება ხედავს ევროპელი პოლიტიკოსების მიერ დემოკრატიის უარყოფას, ეს ევროკავშირისადმი ნდობას აზიანებს“, -ნათქვამია წერილში.
აღნიშნულის გათვალისწინებით, საქართველოს პარლამენტიოს თავმჯდომარეს შეუძლებლად მიაჩნია მიღებულ თხოვნაზე დათანხმება. ამავდროულად, პაპუაშვილს სურს გამოხატოს პატივისცემა დელეგაციის სხვა წევრების მიმართ და დაუდასტუროს დიალოგის გაგრძელების მზაობა საპარლამენტო დიპლომატიის ფუნდამენტური პრინციპებისა და ნორმების ფარგლებში, თანასწორობისა და სუვერენიტეტის პატივისცემის საფუძველზე.
ჟიგიმანტას პავილლიონისთან და მიხაელ როთთან ერთად საქართველოში ჩამოვიდნენ ესტონეთის პარლამენტის საერთაშორისო ურთიერთობების კომიტეტის თავმჯდომარე მარკო მიხელსონი, ლატვიის პარლამენტის საერთაშორისო ურთიერთობების კომიტეტის თავმჯდომარე ინაარა მურნიეცე, ფინეთის პარლამენტის თავდაცვის კომიტეტის თავმჯდომარე იუკა კოპრა, საფრანგეთის ეროვნული ასამბლეის ევროპულ საქმეთა კომიტეტის ვიცე-პრეზიდენტი ფრედერიკ პეტი, შვედეთის პარლამენტის ევროკავშირის საკითხთა კომიტეტის თავმჯდომარე ერიკ ოტოსონი და პოლონეთის პარლამენტის საგარეო ურთიერთობათა და ევროკავშირის საკითხთა კომიტეტის წევრი მიჰაუ კამინსკი.
დელეგაციის წარმომადგენლებს საქართველოს პრეზიდენტი სალომე ზურაბიშვილი შეხვდა.
ცენტრალური საარჩევნო კომისიის შედეგები, რომლის მიხედვითაც მმართველმა პარტია „ქართულმა ოცნებამ“ ხმების 53,93% მიიღო, პარლამენტში შესულმა ოთხივე ოპოზიციურმა ძალამ, მათმა მხარდამჭერმა არასამთავრობო ორგანიზაციებმა და საქართველოს პრეზიდენტმა სალომე ზურაბიშვილმა არ აღიარეს.
მათი მტკიცებით, არჩევნები ტოტალურად გაყალბდა და ახალი არჩევნების ჩატარებას ითხოვენ.
საპარლამენტო არჩევნების შემდეგ, ოპოზიციამ თბილისის ცენტრში ორი მასშტაბური საპროტესტო აქცია კი გამართა, მაგრამ დიდი საპროტესტო ტალღის აგორება ვერ მოახერხა. . ბოლო დღეებში გამოცხადებული ყველა აქცია მცირერიცხოვანი იყო.
ოპოზიციიდან პარლამენტში შევიდნენ კოალიციები: „ერთიანობა - ნაციონალური მოძრაობა“ („ერთიანი ნაციონალური მოძრაობა“, „სტრატეგია აღმაშენებელი“, „ევროპული საქართველო“), „ძლიერი საქართველო“ („ლელო საქართველოსთვის“, „ხალხისთვის“, „თავისუფლების მოედანი", „მოქალაქეები"), „კოალიცია ცვლილებისთვის" („ახალი", „გირჩი - მეტი თავისუფლება", „დროა") და პარტია „საქართველოსთვის".
ხელისუფლება გაყალბებასთან დაკავშირებულ ყველა ბრალდებას დეზინფორმაციას უწოდებს. „ქართული ოცნების“ ლიდერები ყოველდღიურად მართავენ ბრიფინგებს და კომენტარს აკეთებენ თითოეულ ბრალდებაზე. პარლამენტის თავმჯდომარის, შალვა პაპუაშვილის განცხადებით, ადგილი აქვს არჩევნების გაყალბების ფსევდომტკიცებულებების გაყალბებას.
ამერიკული კომპანია Pro V&V-ის მიერ არჩევნებში გამოყენებული ელექტრონული მოწყობილობების მონაცემების შესაბამისობაზე ჩატარებულმა აუდიტმა გამორიცხა ფალსიფიკაციის მეთოდის, ე.წ. „კარუსელების“ გამოყენების შესაძლებლობა, როდესაც ერთი ამომრჩეველი ერთდროულად რამდენიმე უბანზე აძლევს ხმას.
