https://sputnik-georgia.com/20241018/ramdenma-adamianma-airo-martvis-mowmoba-bolo-6-tvesi-bolo-monacemebi-290413478.html
რამდენმა ადამიანმა აიღო მართვის მოწმობა საქართველოში ბოლო 6 თვეში: ბოლო მონაცემები
რამდენმა ადამიანმა აიღო მართვის მოწმობა საქართველოში ბოლო 6 თვეში: ბოლო მონაცემები
Sputnik საქართველო
მართვის მოწმობა მიღებულთა შორის ძირითად ნაწილს ქალები შეადგენენ 18.10.2024-ს, Sputnik საქართველო
2024-10-18T12:26+0400
2024-10-18T12:26+0400
2024-10-18T12:26+0400
ახალი ამბები
საქართველო
საზოგადოება
საქართველოს შინაგან საქმეთა სამინისტრო
https://cdnn1.img.sputnik-georgia.com/img/24603/32/246033287_0:156:3001:1844_1920x0_80_0_0_353bb9070fdddeb74b484a869fdbf2de.jpg
თბილისი, 18 ოქტომბერი – Sputnik. საქართველოში 1 იანვრიდან 30 ივნისის ჩათვლით პერიოდში მართვის მოწმობა 3.461-მა ადამიანმა აიღო, საიდანაც 2966 - საქართველოს მოქალაქეა, დანარჩენები კი უცხოელები და პირები, რომლებსაც მოქალაქეობა არ მიუთითებიათ, ნათქვამია საქართველოს შსს-ს განცხადებაში.საქართველოში ავტომობილის მართვის მოწმობა გაიცემა 16 წლიდან, ამასთან 16 წლის ასაკში შესაძლებელია მოპედის, კვადროციკლის და ტრიციკლის მართვის მოწმობის აღება. 17 წლის ასაკიდან შესაძლებელია 125 კ3 სმ ნაკლები მოცულობის ძრავის მოტოციკლის, მსუბუქი ავტომობილის (მგზავრთა გადაყვანის და ტაქსის მძღოლად მუშაობის უფლების გარეშე) და ტრაქტორის მართვის მოწმობის აღება.16 წლის ასაკში 2024 წლის პირველ ექვს თვეში თავისი პირველი მართვის მოწმობა მიიღო 19-მა არასრულწლოვანმა, ხოლო 17 წლის ასაკში - 132-მა ადამიანმა.მართვის მოწმობა მიღებულთა შორის ძირითად ნაწილს ქალები შეადგენენ, ექვს თვეში მართვის მოწმობა 2229 ქალმა მიიღო, მათგან ყველაზე უმცროსია 17 წლის, ხოლო ყველაზე უფროსი - 70 წლის.რაც შეეხება მამაკაცებს, ყველაზე უმცროსი არის 16 წლის, ყველაზე უფროსი - 70 წლის.უცხოელებს შორის მართვის მოწმობები მიიღეს რუსეთის, ბელორუსის, ირანის, აზერბაიჯანის, აშშ-ს, ეგვიპტის, ინდოეთის, იორდანიის, ერაყის, ნეპალის, პაკისტანის, ზიმბაბვეს, უკრაინის, ბანგლადეშის, სომხეთის, ლატვიის, ლიბანის, ბრაზილიის, შვეიცარიის, თურქეთისა და გერმანიის მოქალაქეებმა.მართვის მოწმობის მიღება სამი საგამოცდო ეტაპის წარმატებით გავლის შემდეგ არის შესაძლებელი. პირველი ეტაპი გულისხმობს თეორიულ გამოცდას, მეორე - სპეციალური მანევრების წარმატებით შესრულებას დახურულ მოედანზე. ამის შემდეგ მძღოლობის კანდიდატი გადადის მესამე ეტაპზე – მისი გამოცდა რეალურ საგზაო პირობებში ეწყობა. მართვის მოწმობის მიღება სამივე ეტაპის წარმატებით გავლის შემდეგ არის შესაძლებელი.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საზოგადოება, საქართველოს შინაგან საქმეთა სამინისტრო
ახალი ამბები, საქართველო, საზოგადოება, საქართველოს შინაგან საქმეთა სამინისტრო
რამდენმა ადამიანმა აიღო მართვის მოწმობა საქართველოში ბოლო 6 თვეში: ბოლო მონაცემები
მართვის მოწმობა მიღებულთა შორის ძირითად ნაწილს ქალები შეადგენენ
თბილისი, 18 ოქტომბერი – Sputnik. საქართველოში 1 იანვრიდან 30 ივნისის ჩათვლით პერიოდში მართვის მოწმობა 3.461-მა ადამიანმა აიღო, საიდანაც 2966 - საქართველოს მოქალაქეა, დანარჩენები კი უცხოელები და პირები, რომლებსაც მოქალაქეობა არ მიუთითებიათ, ნათქვამია საქართველოს შსს-ს განცხადებაში.
საქართველოში ავტომობილის მართვის მოწმობა გაიცემა 16 წლიდან, ამასთან 16 წლის ასაკში შესაძლებელია მოპედის, კვადროციკლის და ტრიციკლის მართვის მოწმობის აღება. 17 წლის ასაკიდან შესაძლებელია 125 კ3 სმ ნაკლები მოცულობის ძრავის მოტოციკლის, მსუბუქი ავტომობილის (მგზავრთა გადაყვანის და ტაქსის მძღოლად მუშაობის უფლების გარეშე) და ტრაქტორის მართვის მოწმობის აღება.
16 წლის ასაკში 2024 წლის პირველ ექვს თვეში თავისი პირველი მართვის მოწმობა მიიღო 19-მა არასრულწლოვანმა, ხოლო 17 წლის ასაკში - 132-მა ადამიანმა.
მართვის მოწმობა მიღებულთა შორის ძირითად ნაწილს ქალები შეადგენენ, ექვს თვეში მართვის მოწმობა 2229 ქალმა მიიღო, მათგან ყველაზე უმცროსია 17 წლის, ხოლო ყველაზე უფროსი - 70 წლის.
რაც შეეხება მამაკაცებს, ყველაზე უმცროსი არის 16 წლის, ყველაზე უფროსი - 70 წლის.
უცხოელებს შორის მართვის მოწმობები მიიღეს რუსეთის, ბელორუსის, ირანის, აზერბაიჯანის, აშშ-ს, ეგვიპტის, ინდოეთის, იორდანიის, ერაყის, ნეპალის, პაკისტანის, ზიმბაბვეს, უკრაინის, ბანგლადეშის, სომხეთის, ლატვიის, ლიბანის, ბრაზილიის, შვეიცარიის, თურქეთისა და გერმანიის მოქალაქეებმა.
მართვის მოწმობის მიღება სამი საგამოცდო ეტაპის წარმატებით გავლის შემდეგ არის შესაძლებელი. პირველი ეტაპი გულისხმობს თეორიულ გამოცდას, მეორე - სპეციალური მანევრების წარმატებით შესრულებას დახურულ მოედანზე. ამის შემდეგ მძღოლობის კანდიდატი გადადის მესამე ეტაპზე – მისი გამოცდა რეალურ საგზაო პირობებში ეწყობა. მართვის მოწმობის მიღება სამივე ეტაპის წარმატებით გავლის შემდეგ არის შესაძლებელი.
