https://sputnik-georgia.com/20240528/chinetidan-saqartveloshi-avtogadazidva-ganxorcielda-288137122.html
ჩინეთიდან საქართველოში საპილოტე ავტოგადაზიდვა განხორციელდა
ჩინეთიდან საქართველოში საპილოტე ავტოგადაზიდვა განხორციელდა
Sputnik საქართველო
ივლისში დაგეგმილია საქართველოს გავლით ანალოგიური მარშრუტით სატრანზიტო გადაზიდვა თურქეთში. 28.05.2024-ს, Sputnik საქართველო
2024-05-28T17:00+0400
2024-05-28T17:00+0400
2024-05-28T17:00+0400
საქართველო
საქართველოს ეკონომიკისა და მდგრადი განვითარების სამინისტრო
საქართველოს ეკონომიკა
ჩინეთი
ახალი ამბები
https://cdnn1.img.sputnik-georgia.com/img/07e8/05/1c/288135662_0:151:1600:1051_1920x0_80_0_0_fe06a729f3eb0e084e9afba68f0c0958.jpg
თბილისი, 28 მაისი— Sputnik. „შუა დერეფნის" ისტორიაში პირველად, ჩინეთიდან საქართველოში ორგანიზებული საპილოტე ავტოგადაზიდვა განხორციელდა - ჩინეთის ქალაქ ურუმჩიში დატვირთული ავტომობილები ყაზახეთის, კასპიის ზღვისა და აზერბაიჯანის გავლით საქართველოში 26 მაისს შემოვიდნენ, განაცხადა ეკონომიკის მინისტრის მოადგილე გურამ გურამიშვილმა.შუა დერეფანი - არის მარშრუტი, რომელიც ჩინეთის, ყაზახეთის, კასპიის ზღვის აკვატორიის, აზერბაიჯანის, საქართველოს, თურქეთის გავლით გადის ევროპის ქვეყნებში. საქართველოს მთავრობის განცხადებით, დღეს „შუა დერეფანი" არის ყველაზე მიმზიდველი და საიმედო სატრანსპორტო რგოლი აღმოსავლეთსა და დასავლეთს, ევროპასა და აზიას შორის.„ჩინეთიდან საქართველოში საპილოტე გადაზიდვა განხორციელდა. შესაბამისად, საქართველო გლობალური მიწოდების ჯაჭვში „შუა დერეფნის" სახით მნიშვნელოვანი მოთამაშე ხდება", - განაცხადა გურამიშვილმა.ამჯერად, ტვირთის საბოლოო დანიშნულების ადგილი გახდა საქართველო, თუმცა, სამომავლოდ შესაძლებელია „შუა დერეფნის" მარშრუტით ავტოგადაზიდვები ჩინეთიდან ევროპაში განხორციელდეს. ივლისში დაგეგმილია საქართველოს გავლით ანალოგიური მარშრუტით სატრანზიტო გადაზიდვა თურქეთში.ჩინეთიდან ევროპაში საზღვაო გზით ტვირთის გადაზიდვას 52 დღე სჭირდება, მაშინ, როცა „შუა დერეფნის" გავლით საქართველოს პორტებამდე საკონტეინერო გადაზიდვა12 დღეშია შესაძლებელი. გურამიშვილის შეფასებით, გადამზიდავი კომპანიებისთვის ეს პროექტი და მარშრუტი უაღრესად მიმზიდველია.ზემოაღნიშნული მარშრუტით სარკინიგზო გადაზიდვები 2017 წლიდან ხორციელდება და წელს პირველად მოხდა ქვეყნებს შორის საგზაო ტრანსპორტის ორმხრივი და მრავალჯერადი ნებართვების გაცვლა.როგორც მინისტრის მოადგილემ განმარტა, ასეთი სახის გადაზიდვების რაოდენობის ზრდის შესაბამისად საქართველოში განვითარდება სხვადასხვა სახის ლოჯისტიკური სერვისები.„რაც მთავარია, ჩვენი ინფრასტრუქტურა ინტენსიურად ვითარდება და აღმოსავლეთ-დასავლეთის ჩქაროსნული საავტომობილო მაგისტრალი ამის პირველი დადასტურებაა. ქვეყანაში ასევე არაერთი გლობალური სატრანსპორტო პროექტი ხორციელდება - ბაქო-თბილისი-ყარსის სარკინიგზო და რკინიგზის მოდერნიზაციის პროექტები, აქტიურ ფაზაში შევიდა ანაკლიის პორტის მშენებლობისთვის საჭირო პროცედურები", - განაცხადა გურამიშვილმა.საქართველომ და ჩინეთმა დიპლომატიური ურთიერთობები1992 წლის 9 ივნისს დაამყარეს. მას შემდეგ ორმხრივი ურთიერთობები ეტაპობრივად ვითარდებოდა და ძირითადად მიმართული იყო ეკონომიკურ თანამშრომლობაზე.2017 წელს საქართველომ და ჩინეთმა ხელი მოაწერეს თავისუფალი ვაჭრობის შესახებ შეთანხმებას, რომელიც ძალაში 2018 წლის იანვარში შევიდა. შეთანხმება ითვალისწინებს ჩინეთში ქართული პროდუქციის დაახლოებით94%-ის საბაჟო გადასახადისგან გათავისუფლებას.ჩინეთი საქართველოს ხუთი ძირითადი სავაჭრო პარტნიორიდან ერთ-ერთია.
საქართველო
ჩინეთი
Sputnik საქართველო
media@sputniknews.com
+74956456601
MIA „Rossiya Segodnya“
2024
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს ეკონომიკისა და მდგრადი განვითარების სამინისტრო, საქართველოს ეკონომიკა, ჩინეთი, ახალი ამბები
საქართველო, საქართველოს ეკონომიკისა და მდგრადი განვითარების სამინისტრო, საქართველოს ეკონომიკა, ჩინეთი, ახალი ამბები
ჩინეთიდან საქართველოში საპილოტე ავტოგადაზიდვა განხორციელდა
ივლისში დაგეგმილია საქართველოს გავლით ანალოგიური მარშრუტით სატრანზიტო გადაზიდვა თურქეთში.
თბილისი, 28 მაისი— Sputnik. „შუა დერეფნის" ისტორიაში პირველად, ჩინეთიდან საქართველოში ორგანიზებული საპილოტე ავტოგადაზიდვა განხორციელდა - ჩინეთის ქალაქ ურუმჩიში დატვირთული ავტომობილები ყაზახეთის, კასპიის ზღვისა და აზერბაიჯანის გავლით საქართველოში 26 მაისს შემოვიდნენ, განაცხადა ეკონომიკის მინისტრის მოადგილე გურამ გურამიშვილმა.
შუა დერეფანი - არის მარშრუტი, რომელიც ჩინეთის, ყაზახეთის, კასპიის ზღვის აკვატორიის, აზერბაიჯანის, საქართველოს, თურქეთის გავლით გადის ევროპის ქვეყნებში. საქართველოს მთავრობის განცხადებით, დღეს „შუა დერეფანი" არის ყველაზე მიმზიდველი და საიმედო სატრანსპორტო რგოლი აღმოსავლეთსა და დასავლეთს, ევროპასა და აზიას შორის.
„ჩინეთიდან საქართველოში საპილოტე გადაზიდვა განხორციელდა. შესაბამისად, საქართველო გლობალური მიწოდების ჯაჭვში „შუა დერეფნის" სახით მნიშვნელოვანი მოთამაშე ხდება", - განაცხადა გურამიშვილმა.
ამჯერად, ტვირთის საბოლოო დანიშნულების ადგილი გახდა საქართველო, თუმცა, სამომავლოდ შესაძლებელია „შუა დერეფნის" მარშრუტით ავტოგადაზიდვები ჩინეთიდან ევროპაში განხორციელდეს. ივლისში დაგეგმილია საქართველოს გავლით ანალოგიური მარშრუტით სატრანზიტო გადაზიდვა თურქეთში.
„ჩინეთიდან საქართველოში ორგანიზებული ავტოგადაზიდვა მნიშვნელოვანი შესაძლებლობაა იმ იმპორტიორებისა და მეწარმეებისთვის, რომელთაც ჩინეთთან სავაჭრო-ეკონომიკური კავშირები აქვთ. ამ ტიპის საავტომობილო გადაზიდვების შესაძლებლობა მათ მობილობას ბევრად გააადვილებს და ზოგადად, მიწოდების ჯაჭვში ტვირთების საქართველოში შემოსვლას გაცილებით ოპერატიულს გახდის“, - განაცხადა გურამიშვილმა.
ჩინეთიდან ევროპაში საზღვაო გზით ტვირთის გადაზიდვას 52 დღე სჭირდება, მაშინ, როცა „შუა დერეფნის" გავლით საქართველოს პორტებამდე საკონტეინერო გადაზიდვა12 დღეშია შესაძლებელი. გურამიშვილის შეფასებით, გადამზიდავი კომპანიებისთვის ეს პროექტი და მარშრუტი უაღრესად მიმზიდველია.
ზემოაღნიშნული მარშრუტით სარკინიგზო გადაზიდვები 2017 წლიდან ხორციელდება და წელს პირველად მოხდა ქვეყნებს შორის საგზაო ტრანსპორტის ორმხრივი და მრავალჯერადი ნებართვების გაცვლა.
როგორც მინისტრის მოადგილემ განმარტა, ასეთი სახის გადაზიდვების რაოდენობის ზრდის შესაბამისად საქართველოში განვითარდება სხვადასხვა სახის ლოჯისტიკური სერვისები.
„რაც მთავარია, ჩვენი ინფრასტრუქტურა ინტენსიურად ვითარდება და აღმოსავლეთ-დასავლეთის ჩქაროსნული საავტომობილო მაგისტრალი ამის პირველი დადასტურებაა. ქვეყანაში ასევე არაერთი გლობალური სატრანსპორტო პროექტი ხორციელდება - ბაქო-თბილისი-ყარსის სარკინიგზო და რკინიგზის მოდერნიზაციის პროექტები, აქტიურ ფაზაში შევიდა ანაკლიის პორტის მშენებლობისთვის საჭირო პროცედურები", - განაცხადა გურამიშვილმა.
საქართველომ და ჩინეთმა დიპლომატიური ურთიერთობები1992 წლის 9 ივნისს დაამყარეს. მას შემდეგ ორმხრივი ურთიერთობები ეტაპობრივად ვითარდებოდა და ძირითადად მიმართული იყო ეკონომიკურ თანამშრომლობაზე.
2017 წელს საქართველომ და ჩინეთმა ხელი მოაწერეს თავისუფალი ვაჭრობის შესახებ შეთანხმებას, რომელიც ძალაში 2018 წლის იანვარში შევიდა. შეთანხმება ითვალისწინებს ჩინეთში ქართული პროდუქციის დაახლოებით94%-ის საბაჟო გადასახადისგან გათავისუფლებას.
ჩინეთი საქართველოს ხუთი ძირითადი სავაჭრო პარტნიორიდან ერთ-ერთია.
