https://sputnik-georgia.com/20231226/ras-rodis-unda-moeyaros-marili-285229593.html
კერძების სწორად შენელების წესი, ანუ რას როდის უნდა მოეყაროს მარილი
კერძების სწორად შენელების წესი, ანუ რას როდის უნდა მოეყაროს მარილი
Sputnik საქართველო
მიუხედავად იმისა, რომ მარილი მავნე პროდუქტად მიიჩნევა, ის ნებისმიერ სამზარეულოში ყველაზე თვალსაჩინო ადგილზე დევს. 26.12.2023-ს, Sputnik საქართველო
2023-12-26T14:00+0400
2023-12-26T14:00+0400
2023-12-26T14:00+0400
სასარგებლო რჩევები
გემრიელი სამზარეულო
ლაიფჰაკები
https://cdnn1.img.sputnik-georgia.com/img/07e7/0c/1a/285229404_0:239:2048:1391_1920x0_80_0_0_dc80b2463409ae4fe1a213dda1f74b7c.jpg
არცერთი დიასახლისი არ აკეთებს კერძს უმარილოდ, ვინაიდან მის გარეშე ყველაფერი უგემურად გვეჩვენება. უბრალოდ საჭიროა ვიცოდეთ, როგორ და როდის უნდა მოვაყაროთ ამა თუ იმ პროდუქტს მომზადებისას მარილი, რათა ის გემრიელიც იყოს და ჯანსაღ საკვებადაც დარჩეს.რაღა თქმა უნდა, მარილის რაოდენობა კერძში ყველასთვის პირადი საქმეა, ანუ ინდივიდუალური გემოვნების საკითხია. მაგრამ მარილის ჭარბად გამოყენება არ ღირს, დროთა განმავლობაში ამან შეიძლება უარყოფითად იმოქმედოს ჯანმრთელობაზე.რას როდის მოვაყაროთ მარილი?ზოგ დიასახლისს მიაჩნია, რომ მარილი კერძს დასაწყისშივე უნდა მოეყაროს, ზოგს კი, პირიქით — ყველაზე ბოლოს.პრინციპში ამ კითხვაზე ზუსტი პასუხი არ არსებობს, ვინაიდან ეს ყველაფერი თავად კერძზეა დამოკიდებული.მაგალითად, თუ აპირებთ მოამზადოთ:შემწვარი თევზი — მარილი შეწვამდე 15-20 წუთით ადრე უნდა მოაყაროთ. თანაც ეს მსხვილი მარილი უნდა იყოს, რათა ის ზედაპირზე ნელ-ნელა გადნეს და თევზი თანაბრად დაამარილოს. რა თქმა უნდა, შეგიძლიათ წმინდად დაფქული მარილიც გამოიყენოთ, მაგრამ ამ შემთხვევაში პროდუქტის ტექსტურა სხვანაირი იქნება, იმიტომ რომ მარილი მალე შეიწოვება და „შეჭამს“ თევზს;ხორცი გრილზე — მარილი სულ ბოლოს უნდა მოაყაროთ, როცა ხორცი უკვე თითქმის მომზადებულია. საქმე ისაა, რომ მარილი ცილას კრავს და თუ მას წინასწარ დააყრით ხორცს, ის უხილავ ქერქს გაიკეთებს, რაც ხელს შეუშლის გემოს სრულად „გახსნას“. თუმცა თუ ხორცის დიდი ნაჭრის შეწვას აპირებთ ღუმელში, მაშინ, რაღა თქმა უნდა, ის წინასწარ უნდა შეაზავოთ მარილით. მაგალითად, დაახლოებით სამკილოგრამიანი ნაჭერი ჯობს ორი დღით ადრე დაამარილოთ.მოხარშული ბოსტნეული — მარილი მხოლოდ მას შემდეგ უნდა მოაყაროთ, რაც წამოდუღდება და ქაფს მოხდით;ჩაშუშული ბოსტნეული — მომზადების დაწყებისთანავე დაამარილეთ, რათა პროდუქტიდან მთელი სითხე გამოდევნოს, გემოებს შეერიოს და უფრო საინტერესო გახადოს;შემწვარი კარტოფილი — მოაყარეთ მარილი მხოლოდ მას შემდეგ, რაც ქერქს გაიკეთებს. თუ კარტოფილს წინასწარ დაამარილებთ, ის წვენს გაუშვებს და კარგად არ შეიწვება;სალათები — მოაყარეთ მარილი უშუალოდ სუფრაზე მიტანის წინ;ბოსტნეული გარნირისთვის — მოხარშეთ კარგად მარილიან წყალში, რათა ფერი და ვიტამინები არ დაკარგოს;ბადრიჯანი — მოხარშული, შემწვარი თუ სხვა სახისა წინასწარ უნდა დამარილდეს, რათა სახასიათო სიმწარე მოშორდეს;ბურღულეული — ნებისმიერი ფაფა წინასწარ უნდა დაამარილოთ. საქმე ისაა, რომ ბურღულეული ნელა იხარშება, ამიტომ საშუალება უნდა მივცეთ, რომ წყალში გახსნილი მარილი თანაბრად შეიწოვოს. თუ მარილს შუა მზადებაში ან ბოლოს დავაყრით, წყალი დამარილდება, თავად ბურღული — არა. ეს ფაფის ხარშვის ყველანაირ წესს ეხება.თუ წვნიანი კერძი დაგიმლაშდათ
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
სასარგებლო რჩევები , გემრიელი სამზარეულო, ლაიფჰაკები
სასარგებლო რჩევები , გემრიელი სამზარეულო, ლაიფჰაკები
კერძების სწორად შენელების წესი, ანუ რას როდის უნდა მოეყაროს მარილი
მიუხედავად იმისა, რომ მარილი მავნე პროდუქტად მიიჩნევა, ის ნებისმიერ სამზარეულოში ყველაზე თვალსაჩინო ადგილზე დევს.
არცერთი დიასახლისი არ აკეთებს კერძს უმარილოდ, ვინაიდან მის გარეშე ყველაფერი უგემურად გვეჩვენება. უბრალოდ საჭიროა ვიცოდეთ, როგორ და როდის უნდა მოვაყაროთ ამა თუ იმ პროდუქტს მომზადებისას მარილი, რათა ის გემრიელიც იყოს და ჯანსაღ საკვებადაც დარჩეს.
რაღა თქმა უნდა, მარილის რაოდენობა კერძში ყველასთვის პირადი საქმეა, ანუ ინდივიდუალური გემოვნების საკითხია. მაგრამ მარილის ჭარბად გამოყენება არ ღირს, დროთა განმავლობაში ამან შეიძლება უარყოფითად იმოქმედოს ჯანმრთელობაზე.
რას როდის მოვაყაროთ მარილი?
ზოგ დიასახლისს მიაჩნია, რომ მარილი კერძს დასაწყისშივე უნდა მოეყაროს, ზოგს კი, პირიქით — ყველაზე ბოლოს.
პრინციპში ამ კითხვაზე ზუსტი პასუხი არ არსებობს, ვინაიდან ეს ყველაფერი თავად კერძზეა დამოკიდებული.
მაგალითად, თუ აპირებთ მოამზადოთ:
შემწვარი თევზი — მარილი შეწვამდე 15-20 წუთით ადრე უნდა მოაყაროთ. თანაც ეს მსხვილი მარილი უნდა იყოს, რათა ის ზედაპირზე ნელ-ნელა გადნეს და თევზი თანაბრად დაამარილოს. რა თქმა უნდა, შეგიძლიათ წმინდად დაფქული მარილიც გამოიყენოთ, მაგრამ ამ შემთხვევაში პროდუქტის ტექსტურა სხვანაირი იქნება, იმიტომ რომ მარილი მალე შეიწოვება და „შეჭამს“ თევზს;
ხორცი გრილზე — მარილი სულ ბოლოს უნდა მოაყაროთ, როცა ხორცი უკვე თითქმის მომზადებულია. საქმე ისაა, რომ მარილი ცილას კრავს და თუ მას წინასწარ დააყრით ხორცს, ის უხილავ ქერქს გაიკეთებს, რაც ხელს შეუშლის გემოს სრულად „გახსნას“. თუმცა თუ ხორცის დიდი ნაჭრის შეწვას აპირებთ ღუმელში, მაშინ, რაღა თქმა უნდა, ის წინასწარ უნდა შეაზავოთ მარილით. მაგალითად, დაახლოებით სამკილოგრამიანი ნაჭერი ჯობს ორი დღით ადრე დაამარილოთ.
მოხარშული ბოსტნეული — მარილი მხოლოდ მას შემდეგ უნდა მოაყაროთ, რაც წამოდუღდება და ქაფს მოხდით;
ჩაშუშული ბოსტნეული — მომზადების დაწყებისთანავე დაამარილეთ, რათა პროდუქტიდან მთელი სითხე გამოდევნოს, გემოებს შეერიოს და უფრო საინტერესო გახადოს;
შემწვარი კარტოფილი — მოაყარეთ მარილი მხოლოდ მას შემდეგ, რაც ქერქს გაიკეთებს. თუ კარტოფილს წინასწარ დაამარილებთ, ის წვენს გაუშვებს და კარგად არ შეიწვება;
სალათები — მოაყარეთ მარილი უშუალოდ სუფრაზე მიტანის წინ;
ბოსტნეული გარნირისთვის — მოხარშეთ კარგად მარილიან წყალში, რათა ფერი და ვიტამინები არ დაკარგოს;
ბადრიჯანი — მოხარშული, შემწვარი თუ სხვა სახისა წინასწარ უნდა დამარილდეს, რათა სახასიათო სიმწარე მოშორდეს;
ბურღულეული — ნებისმიერი ფაფა წინასწარ უნდა დაამარილოთ. საქმე ისაა, რომ ბურღულეული ნელა იხარშება, ამიტომ საშუალება უნდა მივცეთ, რომ წყალში გახსნილი მარილი თანაბრად შეიწოვოს. თუ მარილს შუა მზადებაში ან ბოლოს დავაყრით, წყალი დამარილდება, თავად ბურღული — არა. ეს ფაფის ხარშვის ყველანაირ წესს ეხება.
იმისთვის, რომ კერძი არ დაამლაშოთ: მოაყარეთ მარილი კერძს არა კოვზით ან სამარილიდან, არამედ ხელით, თითებით. ასე ზუსტად შეიგრძნობთ და დაიმახსოვრებთ კიდეც საჭირო რაოდენობას.
თუ წვნიანი კერძი დაგიმლაშდათ
ჩაუშვით შიგ მარლის ტოპრაკში გამოკრული ბრინჯი და წამოადუღეთ. ბრინჯი ხარშვის პროცესში ზედმეტ მარილს შეიწოვს;
ისეთი წვნიანებიდან, როგორებიცაა ბორშჩი, „სალიანკა“, აზიური სუპები, მარილის განეიტრალება ლიმონითაც შეიძლება. ოღონდ ეს წესი მხოლოდ ისეთ კერძებში გამოდგება, რომლებსაც სიმჟავე გემოს არ წაუხდენს;
დაამატეთ კერძს უმარილო ბულიონი და წამოადუღეთ;
დაამატეთ ფქვილში გაძრული მოშუშული უმარილო პომიდორი.
