https://sputnik-georgia.com/20231205/ratom-gazarda-saqartvelom-gazis-importi-rusetidan-ministris-pasuxi-284703535.html
რატომ გაზარდა საქართველომ გაზის იმპორტი რუსეთიდან - მინისტრის პასუხი
რატომ გაზარდა საქართველომ გაზის იმპორტი რუსეთიდან - მინისტრის პასუხი
Sputnik საქართველო
ეკონომიკის ზრდასთან ერთად იზრდება მოთხოვნა ენერგორესურსებზე, მათ შორის ბუნებრივ აირზე, განაცხადა მინისტრმა 05.12.2023-ს, Sputnik საქართველო
2023-12-05T10:05+0400
2023-12-05T10:05+0400
2023-12-05T10:05+0400
ახალი ამბები
საქართველო
საქართველოს ენერგეტიკა
აზერბაიჯანი
რუსეთი
ეკონომიკა
საქართველოს ეკონომიკა
საქართველოს ეკონომიკისა და მდგრადი განვითარების სამინისტრო
საქართველოს მთავრობა
https://cdnn1.img.sputnik-georgia.com/img/07e5/05/13/251765024_0:320:3072:2048_1920x0_80_0_0_19467b423fcd43552a8c45525f04269e.jpg
თბილისი, 5 დეკემბერი – Sputnik. აზერბაიჯანი სრულად ვერ დაფარავს საქართველოს მოთხოვნას ბუნებრივ აირზე, ამიტომ ქვეყანას ის რუსეთიდანაც შემოაქვს, - ამის შესახებ საქართველოს ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა მთავრობის სხდომის შემდეგ გამართულ ბრიფინგზე განაცხადა.დავითაშვილმა უპასუხა ჟურნალისტის შეკითხვას მიმდინარე წლის ცხრა თვეში რუსეთის ფედერაციიდან ბუნებრივი აირის იმპორტის ზრდაზე, როგორც მოცულობით (500 მლნ კუბური მეტრი), ასევე ღირებულებით (85 მლნ დოლარზე მეტი).„რაც შეეხება რუსეთიდან გაზის იმპორტს, იცით, რომ აზერბაიჯანი სრულად ვერ ფარავს ჩვენს მოთხოვნას, შესაბამისად, ალტერნატიული წყაროებიდან გვიწევს საქართველოში გაზის მოწოდება იმისთვის, რომ შეუფერხებლად მოხდეს ქვეყნის ენერგომომარაგება“, - განაცხადა დავითაშვილმა.როგორც დავითაშვილმა განმარტა, ეკონომიკის ზრდასთან ერთად იზრდება მოთხოვნა ენერგორესურსებზე, მათ შორის ბუნებრივ აირზე.როგორც დავითაშვილმა აღნიშნა, დღეისათვის საქართველო აზერბაიჯანიდან და რუსეთიდან იღებს ყველაზე უფრო იაფად გაზს, ვიდრე ნებისმიერი სხვა ქვეყანა რეგიონში და საქართველოს სტრატეგიული მდებარეობიდან გამომდინარე აქვს საშუალება, არ იყოს დამოკიდებული ერთ მომწოდებელზე.თბილისში 1 იანვრიდან კომერციული გაზის ფასი ძვირდება >>აზერბაიჯანი წლების განმავლობაში საქართველოში ბუნებრივი აირის ძირითადი მომწოდებელია, მაგრამ ბოლო დროს გაიზარდა იმპორტი რუსეთიდან.აზერბაიჯანის ენერგეტიკის სამინისტროს ინფორმაციით, 2023 წლის იანვარ-სექტემბერში საქართველოში ექსპორტირებულია 1,7 მილიარდი კუბური მეტრი გაზი - 10,5%-ით ნაკლები 2022 წლის ანალოგიურ მონაცემებთან შედარებით.საქართველოს სტატისტიკის ეროვნული სამსახურის „საქსტატის“ მონაცემებით, მიმდინარე წლის 10 თვეში რუსეთიდან 2022 წლის ანალოგიურ პერიოდთან შედარებით ორჯერ მეტი გაზი შემოვიდა - 101,6 მილიონი აშშ დოლარის ოდენობით.
საქართველო
აზერბაიჯანი
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, საქართველოს ენერგეტიკა, აზერბაიჯანი, რუსეთი, ეკონომიკა, საქართველოს ეკონომიკა, საქართველოს ეკონომიკისა და მდგრადი განვითარების სამინისტრო, საქართველოს მთავრობა
ახალი ამბები, საქართველო, საქართველოს ენერგეტიკა, აზერბაიჯანი, რუსეთი, ეკონომიკა, საქართველოს ეკონომიკა, საქართველოს ეკონომიკისა და მდგრადი განვითარების სამინისტრო, საქართველოს მთავრობა
რატომ გაზარდა საქართველომ გაზის იმპორტი რუსეთიდან - მინისტრის პასუხი
ეკონომიკის ზრდასთან ერთად იზრდება მოთხოვნა ენერგორესურსებზე, მათ შორის ბუნებრივ აირზე, განაცხადა მინისტრმა
თბილისი, 5 დეკემბერი – Sputnik. აზერბაიჯანი სრულად ვერ დაფარავს საქართველოს მოთხოვნას ბუნებრივ აირზე, ამიტომ ქვეყანას ის რუსეთიდანაც შემოაქვს, - ამის შესახებ საქართველოს ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა მთავრობის სხდომის შემდეგ გამართულ ბრიფინგზე განაცხადა.
დავითაშვილმა უპასუხა ჟურნალისტის შეკითხვას მიმდინარე წლის ცხრა თვეში რუსეთის ფედერაციიდან ბუნებრივი აირის იმპორტის ზრდაზე, როგორც მოცულობით (500 მლნ კუბური მეტრი), ასევე ღირებულებით (85 მლნ დოლარზე მეტი).
„რაც შეეხება რუსეთიდან გაზის იმპორტს, იცით, რომ აზერბაიჯანი სრულად ვერ ფარავს ჩვენს მოთხოვნას, შესაბამისად, ალტერნატიული წყაროებიდან გვიწევს საქართველოში გაზის მოწოდება იმისთვის, რომ შეუფერხებლად მოხდეს ქვეყნის ენერგომომარაგება“, - განაცხადა დავითაშვილმა.
როგორც დავითაშვილმა განმარტა, ეკონომიკის ზრდასთან ერთად იზრდება მოთხოვნა ენერგორესურსებზე, მათ შორის ბუნებრივ აირზე.
„ჩვენი ეკონომიკის ზრდის პარალელურად ჩვენ მოთხოვნა გაგვეზრდება და ასეც არის, მოთხოვნა წლიდან წლამდე გვეზრდება ენერგორესურსებზე, მათ შორის, ბუნებრივ აირზე. ჩვენ უნდა უზრუნველვყოთ ეკონომიკის შეუფერხებელი ზრდა და ასევე ენერგომომარაგება, ეს მთავრობის მთავარი ამოცანაა“, - განაცხადა მან.
როგორც დავითაშვილმა აღნიშნა, დღეისათვის საქართველო აზერბაიჯანიდან და რუსეთიდან იღებს ყველაზე უფრო იაფად გაზს, ვიდრე ნებისმიერი სხვა ქვეყანა რეგიონში და საქართველოს სტრატეგიული მდებარეობიდან გამომდინარე აქვს საშუალება, არ იყოს დამოკიდებული ერთ მომწოდებელზე.
აზერბაიჯანი წლების განმავლობაში საქართველოში ბუნებრივი აირის ძირითადი მომწოდებელია, მაგრამ ბოლო დროს გაიზარდა იმპორტი რუსეთიდან.
აზერბაიჯანის ენერგეტიკის სამინისტროს ინფორმაციით, 2023 წლის იანვარ-სექტემბერში საქართველოში ექსპორტირებულია 1,7 მილიარდი კუბური მეტრი გაზი - 10,5%-ით ნაკლები 2022 წლის ანალოგიურ მონაცემებთან შედარებით.
საქართველოს სტატისტიკის ეროვნული სამსახურის „საქსტატის“ მონაცემებით, მიმდინარე წლის 10 თვეში რუსეთიდან 2022 წლის ანალოგიურ პერიოდთან შედარებით ორჯერ მეტი გაზი შემოვიდა - 101,6 მილიონი აშშ დოლარის ოდენობით.
