https://sputnik-georgia.com/20231120/-mariam-oxanashvili-biologi-284350692.html
კომფორტის ზონა ფრთოსანი მეგობრებისთვის
კომფორტის ზონა ფრთოსანი მეგობრებისთვის
Sputnik საქართველო
სოციალურ ქსელებში ფერადი სახლების ფოტოებს დიდი გამოხმაურება მოჰყვა. 20.11.2023-ს, Sputnik საქართველო
2023-11-20T14:05+0400
2023-11-20T14:05+0400
2023-11-20T14:05+0400
საქართველო
საინტერესო ადამიანები
ინტერვიუ
საქართველოს რეგიონები
https://cdnn1.img.sputnik-georgia.com/img/24852/40/248524054_0:46:1000:609_1920x0_80_0_0_f8ef03402d9b74a8f3a0c630f54d7465.jpg
ყველა ადამიანს აქვს წარმოსახვაში საკუთარი ოცნების სახლი „აშენებული“. მსგავს თემაზე ამ მასალის გმირსაც ბევრი უფიქრია. მარიამ ოხანაშვილის ოცნების სახლი დიდი სივრცით და ნათელი ფერებით გამოირჩევა, ეზოთი, სადაც უამრავ მცენარეს გაახარებდა და მყუდრო გარემოს შექმნიდა. დღესაც შეძლებისდაგვარად ცდილობს, რომ ეზოში დეკორატიული მცენარეები მოაშენოს. თუმცა მარტო საკუთარ კომფორტზე არ ფიქრობს. პროფესიით ბიოლოგი მცხეთის რაიონის სოფელ ქვემო ნიჩბისში დიდი ხანია, რაც ჩიტებისთვის ულამაზეს, ფერად-ფერად კომფორტულ სახლებს აკეთებს. - მარიამ, თუ წარმოიდგენდით, რომ თქვენი ნაკეთობები ასეთ მოწონებას დაიმსახურებდა?- თავიდან მხოლოდ სახლის დეკორაციად დავამზადეთ, მაშინ ვერ ვიფიქრებდი, თუ ამდენ გამოხმაურებას და მოწონებას დაიმსახურებდა. ამ ყველაფერმა დიდი სტიმული მოგვცა და ახლა ამ საქმეს მეტი ხალისით და შემართებით ვაკეთებთ.-პროფესიით ბიოლოგი ხართ...- შეიძლება ითქვას, რომ ჩემი სფეროდან შორს არ წავსულვარ. ძალიან მიყვარს ყვავილების ბაღისა და ეზოს მცენარეების გაშენება და მათი მოვლა-პატრონობა, ასევე ეზოს სხვადასხვაგვარი დეკორაციების შექმნა. ერთ დღესაც ჩემმა საქმიანობამ ჩიტის სახლუკებამდეც მიმიყვანა.- პროფესიონალურ დონეზე თუ გიცდიათ ამ საქმის შესწავლა?- ასეთი რამ არასდროს მიცდია, მაგრამ ძალიან მსიამოვნებს, როცა საკუთარი სახლისა და ეზოს მოწყობაში აქტიურად ვარ ჩართული. საერთოდ კი დიდი სიამოვნებით შევისწავლიდი ასეთ საქმეს პროფესიონალურ დონეზე.- როგორც ვიცი, განსხვავებულ სახლუკებს ამზადებთ...- ასეა. დიზაინზე ყველა ერთად ვფიქრობთ ხოლმე. ზოგს კიბე აქვს, კარები და ფანჯრები, გაფორმებულია სხვადასხვა დეტალებით, რაც ამ სახლუკების დიზაინს უფრო ლამაზს და უჩვეულოს ხდის.- მათში მარტო ბეღურები ბინადრობენ?- სხვათა შორის, ასეთ სახლებს თუთიყუშებისთვისაც ყიდულობენ. ჩემს სახლუკებში კონკრეტულად რომელი ჩიტუნიები შედიან, ვერ გეტყვით. თუმცა ბევრი მომხმარებელი მიგზავნის ფოტოს, როგორ დაიდო მათში ბინა სხვადასხვა სახის ჩიტებმა. თუმცა მინდა აღვნიშნო, რომ ამ ნაკეთობებს უფრო მეტად ალბათ დეკორატიული დატვირთვა აქვს.ნინო მამულაშვილი
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
https://cdnn1.img.sputnik-georgia.com/img/24852/40/248524054_64:0:936:654_1920x0_80_0_0_df09aadd59ab2363ccc539246ac0f6a3.jpgSputnik საქართველო
media@sputniknews.com
+74956456601
MIA „Rossiya Segodnya“
საქართველო, საინტერესო ადამიანები , ინტერვიუ, საქართველოს რეგიონები
საქართველო, საინტერესო ადამიანები , ინტერვიუ, საქართველოს რეგიონები
კომფორტის ზონა ფრთოსანი მეგობრებისთვის
სოციალურ ქსელებში ფერადი სახლების ფოტოებს დიდი გამოხმაურება მოჰყვა.
ყველა ადამიანს აქვს წარმოსახვაში საკუთარი ოცნების სახლი „აშენებული“. მსგავს თემაზე ამ მასალის გმირსაც ბევრი უფიქრია. მარიამ ოხანაშვილის ოცნების სახლი დიდი სივრცით და ნათელი ფერებით გამოირჩევა, ეზოთი, სადაც უამრავ მცენარეს გაახარებდა და მყუდრო გარემოს შექმნიდა. დღესაც შეძლებისდაგვარად ცდილობს, რომ ეზოში დეკორატიული მცენარეები მოაშენოს. თუმცა მარტო საკუთარ კომფორტზე არ ფიქრობს. პროფესიით ბიოლოგი მცხეთის რაიონის სოფელ ქვემო ნიჩბისში დიდი ხანია, რაც ჩიტებისთვის ულამაზეს, ფერად-ფერად კომფორტულ სახლებს აკეთებს.
- მარიამ, თუ წარმოიდგენდით, რომ თქვენი ნაკეთობები ასეთ მოწონებას დაიმსახურებდა?
- თავიდან მხოლოდ სახლის დეკორაციად დავამზადეთ, მაშინ ვერ ვიფიქრებდი, თუ ამდენ გამოხმაურებას და მოწონებას დაიმსახურებდა. ამ ყველაფერმა დიდი სტიმული მოგვცა და ახლა ამ საქმეს მეტი ხალისით და შემართებით ვაკეთებთ.
-პროფესიით ბიოლოგი ხართ...
- შეიძლება ითქვას, რომ ჩემი სფეროდან შორს არ წავსულვარ. ძალიან მიყვარს ყვავილების ბაღისა და ეზოს მცენარეების გაშენება და მათი მოვლა-პატრონობა, ასევე ეზოს სხვადასხვაგვარი დეკორაციების შექმნა. ერთ დღესაც ჩემმა საქმიანობამ ჩიტის სახლუკებამდეც მიმიყვანა.
- პროფესიონალურ დონეზე თუ გიცდიათ ამ საქმის შესწავლა?
- ასეთი რამ არასდროს მიცდია, მაგრამ ძალიან მსიამოვნებს, როცა საკუთარი სახლისა და ეზოს მოწყობაში აქტიურად ვარ ჩართული. საერთოდ კი დიდი სიამოვნებით შევისწავლიდი ასეთ საქმეს პროფესიონალურ დონეზე.
- როგორც ვიცი, განსხვავებულ სახლუკებს ამზადებთ...
- ასეა. დიზაინზე ყველა ერთად ვფიქრობთ ხოლმე. ზოგს კიბე აქვს, კარები და ფანჯრები, გაფორმებულია სხვადასხვა დეტალებით, რაც ამ სახლუკების დიზაინს უფრო ლამაზს და უჩვეულოს ხდის.
- მათში მარტო ბეღურები ბინადრობენ?
- სხვათა შორის, ასეთ სახლებს თუთიყუშებისთვისაც ყიდულობენ. ჩემს სახლუკებში კონკრეტულად რომელი ჩიტუნიები შედიან, ვერ გეტყვით. თუმცა ბევრი მომხმარებელი მიგზავნის ფოტოს, როგორ დაიდო მათში ბინა სხვადასხვა სახის ჩიტებმა. თუმცა მინდა აღვნიშნო, რომ ამ ნაკეთობებს უფრო მეტად ალბათ დეკორატიული დატვირთვა აქვს.