თელავი შემოდგომის მზის სხივებში: „თელავქალაქობა“ ფოტოებში

თელაველები ქალაქის დღეს − „თელავქალაქობას“, სახალხო ზეიმით აღნიშნავენ.

დღესასწაულს მეორე სახელიც აქვს − „ერეკლეობა“, ვინაიდან 7 ნოემბერს მეფე ერეკლე მეორის, პატარა კახის დაბადების დღეც აღინიშნება.

ქალაქის დღეზე თელავში მთელი კახეთიდან ჩადის ხალხი. ტურისტებიც მრავლად იყრიან თავს.

ბავშვებისთვის იქ უამრავი გასართობია. ეს ხომ ოჯახური დღესასწაულია.

ყველგან ატრაქციონებია მოწყობილი, იყიდება სათამაშოები და სუვენირები.

წელს თელავის თეატრის შენობასთან ადგილობრივი მხატვრების ნამუშევრების გამოფენა-გაყიდვა მოეწყო.

ბატონის ციხესთან და ერეკლეს მუზეუმის ტერიტორიაზე სახალხო დღესასწაულები და ბაზრობა იმართება.

გამოფენა-ბაზრობაზე ბევრი ეროვნული სუვენირის შეძენა შეიძლება.

აქვე შეგიძლიათ დააგემოვნოთ სხვადასხვა ჯიშის ქართული ღვინო, რომელიც ზეიმზე სხვადასხვა რეგიონებიდან ჩააქვთ მეღვინეებს.

ქუჩის ღია კაფეები სავსეა სტუმრებით.

დღესასწაულს ოჯახებითა და დიდი კამპანიებით სტუმრობენ და ერთად აღნიშნავენ ქალაქის დღეს.

„თელავქალაქობა“ ყველა კახელის საყვარელი დღეა, რომელსაც მოუთმენლად ელიან.