მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ისრაელმა გაეროს მომხსენებლები ჰამასის პროპაგანდაში დაადანაშაულა

© photo: Sputnik / Aleksey Vitvitskiy / გადასვლა მედიაბანკში
  - Sputnik საქართველო, 1920, 03.11.2023
გამოწერა
НовостиTelegram
თბილისი, 3 ნოემბერი — Sputnik. გაეროს რამდენიმე ექსპერტმა ხუთშაბათს გაავრცელა განცხადება, რომელშიც ღაზის მოსახლეობის წინააღმდეგ „გენოციდზე“ იყო საუბარი, საპასუხოდ ისრაელმა ისინი ჰამასის პროპაგანდაში დაადანაშაულა, იუწყება BBC News.
მანამდე გაეროს სხვადასხვა ჰუმანიტარულ საკითხთა შვიდმა სპეციალურმა მომხსენებელმა ერთობლივ განცხადებაში აღნიშნა, რომ ღაზის მშვიდობიანი მოსახლეობა გენოციდის საფრთხის წინაშეა და მალე ამის თავიდან აცილება გვიანი იქნება.
  - Sputnik საქართველო, 1920, 27.10.2023
მსოფლიო დღეს
გაერო: ისრაელი შესაძლოა ომის დანაშაულებს სჩადიოდეს
გაეროს მომხსენებლებმა მოუწოდეს ისრაელსა და მის მოკავშირეებს, დაუყოვნებლივ შეთანხმდნენ ცეცხლის შეწყვეტაზე, ხოლო ჰამასს ყველა მძევლის გათავისუფლება მოსთხოვეს.
გაეროს უწყებებში ისრაელის წარმომადგენლობამ განაცხადა, რომ ორგანიზაციის მომხსენებლები ჰამასის პროპაგანდას ეწევიან, და რომ ეს სწორედ ჰამასი იყენებს მშვიდობიან მოსახლეობას ცოცხალ ფარად.
„ამჟამინდელი ომი ისრაელს ჰამასის ტერორისტებმა მოახვიეს თავს, რომლებმაც 7 ოქტომბერს ხოცვა-ჟლეტა, 1400 ადამიანის მკვლელობა და 243 ბავშვის, მამაკაცისა და ქალის გატაცება მოაწყვეს“, — ნათქვამია ისრაელის მისიის განცხადებაში.
გაეროს გენერალური მდივნის პრესმდივანმა სტეფან დუჟარიკმა პრესკონფერენციაზე, სადაც მას ორგანიზაციის მომხსენებლების განცხადებასთან დაკავშირებით დაუსვეს შეკითხვა, განმარტა, რომ რაიმე მოვლენისა თუ ქმედების გენოციდად განსაზღვრის უფლება მხოლოდ გაეროს შესაბამის ორგანოებს აქვთ.
წყარო: BBC News
ყველა ახალი ამბავი
0