https://sputnik-georgia.com/20231026/rusetma-da-cinetma-amerikul-rezolucias-veto-daades-283664120.html
რუსეთმა და ჩინეთმა გაეროში აშშ-ის რეზოლუციას ვეტო დაადეს
რუსეთმა და ჩინეთმა გაეროში აშშ-ის რეზოლუციას ვეტო დაადეს
Sputnik საქართველო
თბილისი, 26 ოქტომბერი − Sputnik. რუსეთმა და ჩინეთმა ვეტო დაადეს აშშ-ის მიერ გაეროს უშიშროების საბჭოში წარდგენილ რეზოლუციას ახლო აღმოსავლეთში არსებული ვითარების... 26.10.2023-ს, Sputnik საქართველო
2023-10-26T10:50+0400
2023-10-26T10:50+0400
2023-11-03T17:19+0400
მსოფლიო დღეს
მსოფლიოს ახალი ამბები
ახალი ამბები
გაერო
გაეროს უშიშროების საბჭო
რუსეთი
ჩინეთი
პოლიტიკა
ისრაელი-ჰამასის ომი
აშშ
https://cdnn1.img.sputnik-georgia.com/img/07e6/03/18/265459589_0:2:3635:2046_1920x0_80_0_0_6b251328f752c663610ec0a606d3883b.jpg
თბილისი, 26 ოქტომბერი − Sputnik. რუსეთმა და ჩინეთმა ვეტო დაადეს აშშ-ის მიერ გაეროს უშიშროების საბჭოში წარდგენილ რეზოლუციას ახლო აღმოსავლეთში არსებული ვითარების შესახებ, ხოლო არაბთა გაერთიანებულმა საამიროებმა მხარი არ დაუჭირა მას. არსებული ინფორმაციით, დოკუმენტი ღაზის სექტორისთვის ჰუმანიტარული დახმარების მიწოდების მიზნით საომარი მოქმედებების შეჩერებას მოითხოვდა. ამასთან გმობდა „ჰამასს“ (შეერთებულ შტატებში აღიარებულია ტერორისტულ ორგანიზაციად) და მას მძევლების გათავისუფლებისკენ მოუწოდებდა.რეზოლუციის პროექტს 10-მა ქვეყანამ დაუჭირა მხარი, თავი შეიკავა ორმა − ბრაზილიამ და მოზამბიკმა.რეზოლუციის მისაღებად უშიშროების საბჭოს 15 წევრიდან ცხრა ქვეყნის მხარდაჭერაა საჭირო. მაგრამ საბჭოში ვეტოს უფლება აქვთ შეერთებულ შტატებს, საფრანგეთს, დიდ ბრიტანეთს, რუსეთს და ჩინეთს.როგორც გაეროში რუსეთის მუდმივმა წარმომადგენელმა ვასილი ნებენზიამ განაცხადა, აშშ-ის რეზოლუციის პროექტის მიზანი იყო არა ხალხის გადარჩენა კონფლიქტის ზონაში, არამედ „რეგიონში შეერთებული შტატების პოლიტიკური პრინციპების განმტკიცება იარლიყების ჩამოკიდების გზით“.ამასთან ნებენზიამ ხაზი გაუსვა, რომ გასულ კვირაში შეერთებულმა შტატებმა ვეტო დაადო ბრაზილიის ჰუმანიტარული რეზოლუციის პროექტს, ასევე რუსეთის მიერ შეთავაზებულ რეზოლუციას, რომელიც ცეცხლის დაუყოვნებლივ შეწყვეტისკენ მოუწოდებდა ომის მხარეებს.მანამდე გაეროს უშიშროების საბჭომ არ მიიღო რუსეთის ჰუმანიტარული რეზოლუცია ისრაელსა და ღაზის სექტორს შორის ცეცხლის შეწყვეტის შესახებ. პროექტს ხუთმა ქვეყანამ დაუჭირა მხარი, ოთხი წინააღმდეგი იყო, ხოლო ექვსმა თავი შეიკავა.მოწინააღმდეგეთა შორის იყვნენ დიდი ბრიტანეთი, საფრანგეთი, იაპონია და შეერთებული შტატები. ამ უკანასკნელმა დოკუმენტის მხარდაჭერაზე უარი იმით ახსნა, რომ მასში „ჰამასის“ ქმედებები დაგმობილი არ იყო.რაც შეეხება მხარდამჭერებს, მათ შორის იყვნენ: საკუთრივ რუსეთი, ჩინეთი, არაბთა გაერთიანებული საამიროები, გაბონი და მოზამბიკი. თავი შეიკავეს: ალბანეთმა, ბრაზილიამ, განამ, მალტამ, შვეიცარიამ და ეკვადორმა.როგორც მაშინ აღნიშნა ვასილი ნებენზიამ, „უშიშროების საბჭო კიდევ ერთხელ გახდა დასავლური დელეგაციების ბლოკის ეგოისტური მისწრაფებების მძევალი“.
ჩინეთი
აშშ
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
მსოფლიოს ახალი ამბები, ახალი ამბები, გაერო, გაეროს უშიშროების საბჭო, რუსეთი, ჩინეთი, პოლიტიკა, ისრაელი-ჰამასის ომი, აშშ
მსოფლიოს ახალი ამბები, ახალი ამბები, გაერო, გაეროს უშიშროების საბჭო, რუსეთი, ჩინეთი, პოლიტიკა, ისრაელი-ჰამასის ომი, აშშ
თბილისი, 26 ოქტომბერი − Sputnik. რუსეთმა და ჩინეთმა ვეტო დაადეს აშშ-ის მიერ გაეროს უშიშროების საბჭოში წარდგენილ რეზოლუციას ახლო აღმოსავლეთში არსებული ვითარების შესახებ, ხოლო არაბთა გაერთიანებულმა საამიროებმა მხარი არ დაუჭირა მას.
არსებული ინფორმაციით, დოკუმენტი ღაზის სექტორისთვის ჰუმანიტარული დახმარების მიწოდების მიზნით საომარი მოქმედებების შეჩერებას მოითხოვდა. ამასთან გმობდა „ჰამასს“ (შეერთებულ შტატებში აღიარებულია ტერორისტულ ორგანიზაციად) და მას მძევლების გათავისუფლებისკენ მოუწოდებდა.
რეზოლუციის პროექტს 10-მა ქვეყანამ დაუჭირა მხარი, თავი შეიკავა ორმა − ბრაზილიამ და მოზამბიკმა.
რეზოლუციის მისაღებად უშიშროების საბჭოს 15 წევრიდან ცხრა ქვეყნის მხარდაჭერაა საჭირო. მაგრამ საბჭოში ვეტოს უფლება აქვთ შეერთებულ შტატებს, საფრანგეთს, დიდ ბრიტანეთს, რუსეთს და ჩინეთს.
როგორც გაეროში რუსეთის მუდმივმა წარმომადგენელმა ვასილი ნებენზიამ განაცხადა, აშშ-ის რეზოლუციის პროექტის მიზანი იყო არა ხალხის გადარჩენა კონფლიქტის ზონაში, არამედ „რეგიონში შეერთებული შტატების პოლიტიკური პრინციპების განმტკიცება იარლიყების ჩამოკიდების გზით“.
ამასთან ნებენზიამ ხაზი გაუსვა, რომ გასულ კვირაში შეერთებულმა შტატებმა ვეტო დაადო ბრაზილიის ჰუმანიტარული რეზოლუციის პროექტს, ასევე რუსეთის მიერ შეთავაზებულ რეზოლუციას, რომელიც ცეცხლის დაუყოვნებლივ შეწყვეტისკენ მოუწოდებდა ომის მხარეებს.
მანამდე გაეროს უშიშროების საბჭომ არ მიიღო რუსეთის ჰუმანიტარული რეზოლუცია ისრაელსა და ღაზის სექტორს შორის ცეცხლის შეწყვეტის შესახებ. პროექტს ხუთმა ქვეყანამ დაუჭირა მხარი, ოთხი წინააღმდეგი იყო, ხოლო ექვსმა თავი შეიკავა.
მოწინააღმდეგეთა შორის იყვნენ დიდი ბრიტანეთი, საფრანგეთი, იაპონია და შეერთებული შტატები. ამ უკანასკნელმა დოკუმენტის მხარდაჭერაზე უარი იმით ახსნა, რომ მასში „ჰამასის“ ქმედებები დაგმობილი არ იყო.
რაც შეეხება მხარდამჭერებს, მათ შორის იყვნენ: საკუთრივ რუსეთი, ჩინეთი, არაბთა გაერთიანებული საამიროები, გაბონი და მოზამბიკი. თავი შეიკავეს: ალბანეთმა, ბრაზილიამ, განამ, მალტამ, შვეიცარიამ და ეკვადორმა.
როგორც მაშინ აღნიშნა ვასილი ნებენზიამ, „უშიშროების საბჭო კიდევ ერთხელ გახდა დასავლური დელეგაციების ბლოკის ეგოისტური მისწრაფებების მძევალი“.
