https://sputnik-georgia.com/20231019/ass-braldebebi-mtkicebulebebis-garese-fuwi-iqneba-papuasvili-farcxalazeze-283456755.html
აშშ-ის ბრალდებები მტკიცებულებების გარეშე ფუჭი იქნება - პაპუაშვილი ფარცხალაძის სანქციებზე
აშშ-ის ბრალდებები მტკიცებულებების გარეშე ფუჭი იქნება - პაპუაშვილი ფარცხალაძის სანქციებზე
Sputnik საქართველო
ქართულმა მხარემ აშშ-ს მტკიცებულებების მისაღებად მიმართა, აღნიშნა პარლამენტის თავმჯდომარემ. 19.10.2023-ს, Sputnik საქართველო
2023-10-19T17:48+0400
2023-10-19T17:48+0400
2023-10-19T20:55+0400
შალვა პაპუაშვილი
საქართველოს პარლამენტის თავმჯდომარე
სანქციები რუსეთის წინააღმდეგ
საქართველო
აშშ
პოლიტიკა
პოლიტიკა საქართველოში
ახალი ამბები
https://cdnn1.img.sputnik-georgia.com/img/07e7/05/0c/277603833_0:193:2048:1346_1920x0_80_0_0_0f76820d3abddff7a3c334aa4d6080b1.jpg
თბილისი, 19 ოქტომბერი — Sputnik. საქართველოს ყოფილი მთავარი პროკურორის ოთარ ფარცხალაძის მიმართ წამოყენებული ყველა ბრალდება ფუჭი აღმოჩნდება იმ შემთხვევაში, თუ აშშ შესაბამის მტკიცებულებებს არ წარმოადგენს, განაცხადა საქართველოს პარლამენტის თავმჯდომარემ შალვა პაპუაშვილმა. 2023 წლის 14 სექტემბერს შეერთებულმა შტატებმა გააფართოვა რუსეთის წინააღმდეგ სანქციების სია, რომელშიც მოხვდა 150-ზე მეტი კომპანია და კერძო პირი, მათ შორის – ფარცხალაძე. აშშ-ის სახელმწიფო დეპარტამენტის ინფორმაციით, ფარცხალაძე ქართველი-რუსი ოლიგარქია, რომელიც საქმიანობდა ან საქმიანობს რუსეთის ეკონომიკის მართვის საკონსულტაციო სექტორში. აშშ-ის სახელმწიფო დეპარტამენტის მიერ ფარცხალაძისთვის დაწესებული სანქციების შესახებ ინფორმაციის გამოქვეყნების შემდეგ მალევე, 20 სექტემბერს სახელმწიფო სერვისების განვითარების სააგენტომ ფარცხალაძისთვის საქართველოს მოქალაქეობის შეწყვეტა მიზანშეწონილად მიიჩნია და შესაბამისი დასკვნა პრეზიდენტს გადაუგზავნა. თუმცა, 21 სექტემბერს ცნობილი გახდა, რომ პრეზიდენტმა ოთარ ფარცხალაძისთვის მოქალაქეობის შეწყვეტა იმ ეტაპზე მიზანშეწონილად არ მიიჩნია. პრეზიდენტმა ეს იმით ახსნა, რომ თუ ოთარ ფარცხალაძე დასასჯელია, ის უნდა დაისაჯოს სწორედ როგორც საქართველოს მოქალაქე. პრეზიდენტმა ფარცხალაძეს საქართველოს მოქალაქეობა მოგვიანებით, 17 ოქტომბერს მაინც შეუწყვიტა. ფარცხალაძე და სანქციები აშშ-ის სახელმწიფო დეპარტამენტის ინფორმაციით, სანქციები დაწესებულია ფარცხალაძისა და რუსეთის უშიშროების ფედერალური სამსახურის (ФСБ) ოფიცრის ალექსანდრ ონიშჩენკოს წინააღმდეგ, რომელთანაც იგი თანამშრომლობდა საქართველოზე რუსეთის „მავნე გავლენის" გავრცელებისთვის. პრეზიდენტმა ოთარ ფარცხალაძეს საქართველოს მოქალაქეობა შეუწყვიტა>>აღნიშნულია, რომ ФСБ-მ ფარცხალაძე გამოიყენა „საქართველოს საზოგადოებასა და პოლიტიკაზე გავლენის მოსახდენად რუსეთის ინტერესების სასარგებლოდ" და მან „პირადი სარგებელი მოიპოვა ФСБ-ში მისი კავშირებიდან". ფარცხალაძე აღნიშნულ ბრალდებებს უარყოფს და აცხადებს, რომ ისინი უსაფუძვლოა, და ის აპირებს გამოიყენოს ყველა სამართლებრივი საშუალება, რათა აშშ-ის მიერ დაწესებული ამ სანქციების უსაფუძვლობა დაამტკიცოს. ღარიბაშვილი: მინდა გაკვირვება გამოვხატო - რატომ დაასანქცირეს ფარცხალაძე?>>ოთარ ფარცხალაძე საქართველოს მთავარი პროკურორი 2013 წლის 7 ნოემბერს გახდა და ამ თანამდებობას რეკორდულად მოკლე დროის განმავლობაში იკავებდა. მან თანამდებობა დატოვა იმავე წლის 30 დეკემბერს – მისი ბიოგრაფიის ახალი დეტალების გარშემო აგორებული სკანდალის ფონზე. აღმოჩნდა, რომ ფარცხალაძე ახალგაზრდობის პერიოდში გერმანიაში ნასამართლევია. ფარცხალაძე ბოლო პერიოდში რუსეთში ცხოვრობს, სადაც ბიზნესით არის დაკავებული.
საქართველო
აშშ
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
შალვა პაპუაშვილი, საქართველოს პარლამენტის თავმჯდომარე , სანქციები რუსეთის წინააღმდეგ, საქართველო, აშშ , პოლიტიკა, პოლიტიკა საქართველოში, ახალი ამბები
შალვა პაპუაშვილი, საქართველოს პარლამენტის თავმჯდომარე , სანქციები რუსეთის წინააღმდეგ, საქართველო, აშშ , პოლიტიკა, პოლიტიკა საქართველოში, ახალი ამბები
აშშ-ის ბრალდებები მტკიცებულებების გარეშე ფუჭი იქნება - პაპუაშვილი ფარცხალაძის სანქციებზე
17:48 19.10.2023 (განახლებულია: 20:55 19.10.2023) ქართულმა მხარემ აშშ-ს მტკიცებულებების მისაღებად მიმართა, აღნიშნა პარლამენტის თავმჯდომარემ.
თბილისი, 19 ოქტომბერი — Sputnik. საქართველოს ყოფილი მთავარი პროკურორის ოთარ ფარცხალაძის მიმართ წამოყენებული ყველა ბრალდება ფუჭი აღმოჩნდება იმ შემთხვევაში, თუ აშშ შესაბამის მტკიცებულებებს არ წარმოადგენს, განაცხადა საქართველოს პარლამენტის თავმჯდომარემ შალვა პაპუაშვილმა.
2023 წლის 14 სექტემბერს შეერთებულმა შტატებმა გააფართოვა რუსეთის წინააღმდეგ სანქციების სია, რომელშიც მოხვდა 150-ზე მეტი კომპანია და კერძო პირი, მათ შორის – ფარცხალაძე. აშშ-ის სახელმწიფო დეპარტამენტის ინფორმაციით, ფარცხალაძე ქართველი-რუსი ოლიგარქია, რომელიც საქმიანობდა ან საქმიანობს რუსეთის ეკონომიკის მართვის საკონსულტაციო სექტორში.
„რაც შეეხება ფარცხალაძის საკითხს, ვერაფერს გეტყვით. ვიცით, რომ პროკურატურამ აშშ-ს მტკიცებულებებთან დაკავშირებით მიმართა და ჩვენ მოველით, რომ ეს მტკიცებულებები წარმოდგენილი უნდა იყოს. იმ შემთხვევაში, თუ არ იქნება მტკიცებულებები წარმოდგენილი, აღმოჩნდება, რომ ყველა ბრალდება არის ფუჭი", – განაცხადა პაპუაშვილმა.
აშშ-ის სახელმწიფო დეპარტამენტის მიერ ფარცხალაძისთვის დაწესებული სანქციების შესახებ ინფორმაციის გამოქვეყნების შემდეგ მალევე, 20 სექტემბერს სახელმწიფო სერვისების განვითარების სააგენტომ ფარცხალაძისთვის საქართველოს მოქალაქეობის შეწყვეტა მიზანშეწონილად მიიჩნია და შესაბამისი დასკვნა პრეზიდენტს გადაუგზავნა. თუმცა, 21 სექტემბერს ცნობილი გახდა, რომ პრეზიდენტმა ოთარ ფარცხალაძისთვის მოქალაქეობის შეწყვეტა იმ ეტაპზე მიზანშეწონილად არ მიიჩნია.
პრეზიდენტმა ეს იმით ახსნა, რომ თუ ოთარ ფარცხალაძე დასასჯელია, ის უნდა დაისაჯოს სწორედ როგორც საქართველოს მოქალაქე.
პრეზიდენტმა ფარცხალაძეს საქართველოს მოქალაქეობა მოგვიანებით, 17 ოქტომბერს მაინც შეუწყვიტა.
აშშ-ის სახელმწიფო დეპარტამენტის ინფორმაციით, სანქციები დაწესებულია ფარცხალაძისა და რუსეთის უშიშროების ფედერალური სამსახურის (ФСБ) ოფიცრის ალექსანდრ ონიშჩენკოს წინააღმდეგ, რომელთანაც იგი თანამშრომლობდა საქართველოზე რუსეთის „მავნე გავლენის" გავრცელებისთვის.
აღნიშნულია, რომ ФСБ-მ ფარცხალაძე გამოიყენა „საქართველოს საზოგადოებასა და პოლიტიკაზე გავლენის მოსახდენად რუსეთის ინტერესების სასარგებლოდ" და მან „პირადი სარგებელი მოიპოვა ФСБ-ში მისი კავშირებიდან".
ფარცხალაძე აღნიშნულ ბრალდებებს უარყოფს და აცხადებს, რომ ისინი უსაფუძვლოა, და ის აპირებს გამოიყენოს ყველა სამართლებრივი საშუალება, რათა აშშ-ის მიერ დაწესებული ამ სანქციების უსაფუძვლობა დაამტკიცოს.
ოთარ ფარცხალაძე საქართველოს მთავარი პროკურორი 2013 წლის 7 ნოემბერს გახდა და ამ თანამდებობას რეკორდულად მოკლე დროის განმავლობაში იკავებდა. მან თანამდებობა დატოვა იმავე წლის 30 დეკემბერს – მისი ბიოგრაფიის ახალი დეტალების გარშემო აგორებული სკანდალის ფონზე. აღმოჩნდა, რომ ფარცხალაძე ახალგაზრდობის პერიოდში გერმანიაში ნასამართლევია.
ფარცხალაძე ბოლო პერიოდში რუსეთში ცხოვრობს, სადაც ბიზნესით არის დაკავებული.
