ზახაროვა: PACE-ს ახლა მიგრანტების კოლოსალური ნაკადი უნდა აღელვებდეს და არა რუსეთი

  - Sputnik საქართველო, 1920, 18.10.2023
გამოწერა
НовостиTelegram
თბილისი, 18 ოქტომბერი − Sputnik. ევროპის საბჭოს საპარლამენტო ასამბლეა ახლა პალესტინა-ისრაელის კრიზისის ფონზე მიგრანტების ნაკადის საკითხით უნდა იყოს დაინტერესებული და არა რუსეთით, განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ.

„დასავლეთ ევროპას მხოლოდ ერთი რამ აწუხებს − ჩვენი ქვეყანა, რუსეთის ფედერაცია. თქვენ ალბათ ნახეთ ევროსაბჭოს საპარლამენტო ასამბლეის კიდევ ერთი ოპუსი, რომ ვენეციის კომისიამ რაღაც დაადგინა, რომ ჩვენ არასწორი არჩევნები გვაქვს, ხელისუფლების განსხვავებული უფლებამოსილებები და ჩვენთან რაღაც ისე არ არის. ერთადერთი, რაც ახლა ევროსაბჭოს საპარლამენტო ასამბლეას უნდა აშფოთებდეს, არის იმის ანალიზი, თუ რა ელის მათ ქვეყნებს უახლოეს მომავალში მიგრანტების კოლოსალური ნაკადის სახით“, − განაცხადა ზახაროვამ.

მისი თქმით, ეს უკვე არის არა მათი კომფორტული ცხოვრების საკითხი, არა უსაფრთხოებისა და გლობალური ჰუმანიტარული კატასტროფის საკითხები, ხოლო „ადგილი, გეოგრაფია, ეპიცენტრი იქნება არა რეგიონი, არამედ სწორედ დასავლეთ ევროპა, ევროკავშირის ქვეყნების სივრცე“.
მანამდე გამოცემა Financial Times-მა ანონიმი ეგვიპტელი მაღალჩინოსნისა და მისი ევროპელი კოლეგის საუბრის ამონარიდი გამოაქვეყნა, რომლის თანახმად, ეგვიპტე, დასავლეთის ზეწოლაზე პასუხად, რომ ღაზის სექტორიდან მილიონი ლტოლვილი მიიღოს, მათი ევროკავშირის ქვეყნებში გაგზავნით იმუქრება. ევროპელი დიპლომატის თქმით, „ეგვიპტელები ძალიან, ძალიან გაბრაზებული არიან“ ლტოლვილების მიღებასთან დაკავშირებული ზეწოლის გამო.
ყველა ახალი ამბავი
0