ბოლო ცნობები: ცაჰალი გვირაბების ქსელს უტევს, განადგურებულია ისლამური უნივერსიტეტი - ვიდეო
09:53 12.10.2023 (განახლებულია: 14:24 12.10.2023)
© AP Photo / Yousef Masoud
გამოწერა
თბილისი, 12 ოქტომბერი − Sputnik. ისრაელის თავდაცვის არმია (ცაჰალი) ღაზის სექტორში „ჰამასის“ ოპერატიულ, პოლიტიკურ და სამხედრო ობიექტებზე შეტევას განაგრძობს, მათ შორის, გვირაბების ქსელზე, რომლებსაც „ჰამასი“ სხვადასხვა მიზნებით იყენებს.
როგორც ცაჰალის წარმომადგენელი ჯონათან კონრიკუსი განმარტავს სოციალურ ქსელ X-ზე გამოქვეყნებულ ვიდეომიმართვაში, გვირაბების ქსელის მშენებლობა 2007 წელს დაიწყო, მას შემდეგ, რაც ხელისუფლებაში „ჰამასი“ მოვიდა. მისი თქმით, აღნიშნული გვირაბები ტვირთების გადასაზიდად და ისრაელის წინააღმდეგ ოპერაციების დაგეგმვა-ჩასატარებლად გამოიყენება.
გარდა ამისა, ისრაელის ხელისუფლებას მიაჩნია, რომ „ჰამასის“ მიერ ტყვედ აყვანილი ადამიანები მიწისქვეშეთში, სავარაუდოდ, სწორედ ამ გვირაბების ქსელში ჰყავთ გადამალული.
„გონება გვკარნახობს, რომ ისინი მიწისქვეშეთში არიან. გონება ასევე გვკარნახობს, რომ „ჰამასი“, რადგან ისინი თავდასხმასა და ადამიანების მძევლად აყვანას აპირებდნენ, წინასწარ დაგეგმავდა, სად შეძლებდნენ მძევლების გადამალვას, რათა ისრაელის დაზვერვას მათი გათავისუფლება ვერ მოეხერხებინა“, − ამბობს კონრიკუსი.
ცაჰალის წარმომადგენლის თქმით, მძევლების მდგომარეობა უკიდურესად მგრძნობიარე და რთული თემაა. მიუხედავად იმისა, რომ ისრაელს აქვს მძევლების გათავისუფლების გამოცდილება, აქამდე მსგავს ვითარებას არასდროს შეჯახებია.
ღამის განმავლობაში ისრაელის არმიამ „ჰამასის“ კიდევ რამდენიმე ობიქტი გაანადგურა, მათ შორის ისლამური უნივერსიტეტიც, რომლის აფეთქების ვიდეოკადრები სოციალური ქსელით გავრცელდა.
Hamas transformed an institute of knowledge into an institute of destruction.
— Israel Defense Forces (@IDF) October 11, 2023
A short while ago, the IDF struck an important Hamas operational, political and military center in Gaza—the Islamic University.
Hamas transformed a university into a training camp for weapons… pic.twitter.com/pWKxR8Dhmd
ამ დროის მონაცემებით, ისრაელსა და „ჰამასს“ შორის მიმდინარე ომის შედეგად 7 ოქტომბრის შემდეგ დაღუპულია 1200 და დაჭრილია 2800-ზე მეტი ისრაელის მოქალაქე.
პალესტინის ჯანდაცვის სამინისტროს ცნობით, ღაზის სექტორში დაღუპულია 1100 და დაჭრილია 5,3 ათასზე მეტი პალესტინელი.
