https://sputnik-georgia.com/20231006/parlamentmasaprotesto-aqciebze-wesebi-gaamkacra-283014490.html
საქართველოს პარლამენტმა საპროტესტო აქციების ჩატარების წესები გაამკაცრა - რა შეიცვალა
საქართველოს პარლამენტმა საპროტესტო აქციების ჩატარების წესები გაამკაცრა - რა შეიცვალა
Sputnik საქართველო
სამართალდამცველი ორგანოების წარმომადგენლები ვალდებული იქნებიან, გააფრთხილონ აქციის მონაწილეები, რომ აუცილებელია კონსტრუქციის დემონტაჟი, ხოლო აქციის... 06.10.2023-ს, Sputnik საქართველო
2023-10-06T12:02+0400
2023-10-06T12:02+0400
2023-10-06T17:54+0400
საქართველოს პარლამენტი
ახალი ამბები
საქართველო
https://cdnn1.img.sputnik-georgia.com/img/07e7/0a/05/282998608_0:0:3078:1731_1920x0_80_0_0_8aad7c2f6c87ad8663fba98bad3c05bd.jpg
თბილისი, 6 ოქტომბერი — Sputnik. საქართველოს პარლამენტმა მესამე, საბოლოო მოსმენით მიიღო შესწორებები კანონში „შეკრებებისა და მანიფესტაციების შესახებ", რომლის თანახმად საქართველოში საპროტესტო აქციებზე ახალი შეზღუდვები იმოქმედებს. იარაღის, ასაფეთქებელი და ადვილად აალებადი ნივთიერებების, ირგვლივ მყოფებისთვის საშიში საგნებისა და ნივთიერებების, ალკოჰოლისა და გზების გადაკეტვის აკრძალვას ემატება დროებითი კონსტრუქციების დადგმა აქციის ჩატარების ტერიტორიაზე. შეკრების ან მანიფესტაციის მონაწილეებს ეკრძალებათ მოაწყონ დროებითი კონსტრუქცია, თუ მისი მოწყობა: საფრთხეს უქმნის შეკრების ან მანიფესტაციის მონაწილეებს, ან სხვა პირებს; ხელს უშლის პოლიციის მიერ საზოგადოებრივი წესრიგისა და უსაფრთხოების დაცვას; იწვევს საწარმოს, დაწესებულების ან ორგანიზაციის ნორმალური ფუნქციონირების შეფერხებას; არ უკავშირდება უშუალოდ შეკრების ან მანიფესტაციის ჩატარებას. გარდა ამისა, შესწორებების თანახმად, უკანონო კონსტრუქციის დემონტაჟზე ვრცელდება იგივე წესები, რაც გზის უკანონო ბლოკირებაზე. კერძოდ, სამართალდამცველები ვალდებული იქნებიან, აქციის მონაწილეები გააფრთხილონ კონსტრუქციის დემონტაჟის აუცილებლობის შესახებ და აქციის ორგანიზატორებმა ეს საკითხი 15 წუთში უნდა გადაწყვიტონ. პოლიციას ამის შემდეგ უფლება ექნება, წესრიგის აღსადგენად კანონით გათვალისწინებული ზომები მიიღოს. სახალხო დამცველმა „შეკრებებისა და მანიფესტაციების შესახებ" კანონში ცვლილებები გააკრიტიკა>>გარდა ამისა, პარლამენტმა მიიღო შესწორებები ადმინისტრაციული დარღვევების კოდექსში, რაც პოლიციას სადავო საგნების კონფისკაციის უფლებას აძლევს. კანონდარღვევისთვის გათვალისწინებულია ჯარიმა 500 ლარის ოდენობით აქციის მონაწილეზე, ხოლო თუ დამრღვევი ორგანიზატორია, ჯარიმა 5 ათასი ლარის ოდენობით, ან ადმინისტრაციული პატიმრობა 15 დღემდე ვადით.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველოს პარლამენტი, ახალი ამბები, საქართველო
საქართველოს პარლამენტი, ახალი ამბები, საქართველო
საქართველოს პარლამენტმა საპროტესტო აქციების ჩატარების წესები გაამკაცრა - რა შეიცვალა
12:02 06.10.2023 (განახლებულია: 17:54 06.10.2023) სამართალდამცველი ორგანოების წარმომადგენლები ვალდებული იქნებიან, გააფრთხილონ აქციის მონაწილეები, რომ აუცილებელია კონსტრუქციის დემონტაჟი, ხოლო აქციის ორგანიზატორებმა ეს საკითხი 15 წუთში უნდა გადაჭრან.
თბილისი, 6 ოქტომბერი — Sputnik. საქართველოს პარლამენტმა მესამე, საბოლოო მოსმენით მიიღო შესწორებები კანონში „შეკრებებისა და მანიფესტაციების შესახებ", რომლის თანახმად საქართველოში საპროტესტო აქციებზე ახალი შეზღუდვები იმოქმედებს.
იარაღის, ასაფეთქებელი და ადვილად აალებადი ნივთიერებების, ირგვლივ მყოფებისთვის საშიში საგნებისა და ნივთიერებების, ალკოჰოლისა და გზების გადაკეტვის აკრძალვას ემატება დროებითი კონსტრუქციების დადგმა აქციის ჩატარების ტერიტორიაზე.
შეკრების ან მანიფესტაციის მონაწილეებს ეკრძალებათ მოაწყონ დროებითი კონსტრუქცია, თუ მისი მოწყობა: საფრთხეს უქმნის შეკრების ან მანიფესტაციის მონაწილეებს, ან სხვა პირებს; ხელს უშლის პოლიციის მიერ საზოგადოებრივი წესრიგისა და უსაფრთხოების დაცვას; იწვევს საწარმოს, დაწესებულების ან ორგანიზაციის ნორმალური ფუნქციონირების შეფერხებას; არ უკავშირდება უშუალოდ შეკრების ან მანიფესტაციის ჩატარებას.
გარდა ამისა, შესწორებების თანახმად, უკანონო კონსტრუქციის დემონტაჟზე ვრცელდება იგივე წესები, რაც გზის უკანონო ბლოკირებაზე. კერძოდ, სამართალდამცველები ვალდებული იქნებიან, აქციის მონაწილეები გააფრთხილონ კონსტრუქციის დემონტაჟის აუცილებლობის შესახებ და აქციის ორგანიზატორებმა ეს საკითხი 15 წუთში უნდა გადაწყვიტონ. პოლიციას ამის შემდეგ უფლება ექნება, წესრიგის აღსადგენად კანონით გათვალისწინებული ზომები მიიღოს.
გარდა ამისა, პარლამენტმა მიიღო შესწორებები ადმინისტრაციული დარღვევების კოდექსში, რაც პოლიციას სადავო საგნების კონფისკაციის უფლებას აძლევს.
კანონდარღვევისთვის გათვალისწინებულია ჯარიმა 500 ლარის ოდენობით აქციის მონაწილეზე, ხოლო თუ დამრღვევი ორგანიზატორია, ჯარიმა 5 ათასი ლარის ოდენობით, ან ადმინისტრაციული პატიმრობა 15 დღემდე ვადით.
