https://sputnik-georgia.com/20231005/kanoni-aqciebis-sesaxeb-0prezidenti-vetos-dadebas-apirebs-283005624.html
კანონი აქციების შესახებ: პრეზიდენტი ვეტოს დადებას აპირებს?
კანონი აქციების შესახებ: პრეზიდენტი ვეტოს დადებას აპირებს?
Sputnik საქართველო
ოპოზიცია წინააღმდეგია „შეკრებისა და მანიფესტაციების შესახებ“ კანონის მიღებისა, ხოლო მმართველ პარტიაში მიაჩნიათ, რომ პრეზიდენტი და ოპოზიცია შეთანხმებულად... 05.10.2023-ს, Sputnik საქართველო
2023-10-05T21:47+0400
2023-10-05T21:47+0400
2023-10-05T22:11+0400
ახალი ამბები
საქართველო
პოლიტიკა
პოლიტიკა საქართველოში
საქართველოს პარლამენტი
ქართული ოცნება
საქართველოს პრეზიდენტი
https://cdnn1.img.sputnik-georgia.com/img/07e7/0a/05/282965275_0:107:2048:1259_1920x0_80_0_0_0b22cd2ac8dc7b2bcc18d4fc9bc76c4f.jpg
თბილისი, 5 ოქტომბერი – Sputnik. თუ საქართველოს პრეზიდენტი სალომე ზურაბიშვილი გამოიყენებს ვეტოს უფლებას „შეკრებისა და მანიფესტაციების შესახებ“ კანონში შესატან ცვლილებებზე, მმართველი პარტია „ქართული ოცნება - დემოკრატიული საქართველო“ დაძლევს მას, განაცხადა „ქართული ოცნების“ დეპუტატმა, კანონპროექტის ერთ-ერთმა ავტორმა გივი მიქანაძემ.პარლამენტმა დაჩქარებული წესით განიხილა და პირველი მოსმენით მიიღო კანონპროექტი, რომელიც საპროტესტო აქციების დროს შეზღუდვების სიას აფართოებს. საუბარია ისეთი დროებითი კონსტრუქციების მოწყობის აკრძალვაზე, რომლებიც ტერიტორიაზე მყოფ ადამიანებს საფრთხეს შეუქმნის და პოლიციის მუშაობას ხელს შეუშლის. ცვლილებების ინიცირება სუსის განცხადების შემდეგ მოხდა. განცხადებაში ნათქვამი იყო, რომ ქვეყანაში სახელმწიფო გადატრიალების მიზნით არეულობები იგეგმება.მიქანაძემ ოპოზიციის წარმომადგენლები, რომლებიც შესწორებების მიღების წინააღმდეგ გამოდიან, დაადანაშაულა იმაში, რომ მათ საზოგადოების უსაფრთხოება და ინტერესები არ ანაღვლებთ.შესწორებების წინააღმდეგ ოპოზიციური პარტიების წარმომადგენლები გამოდიან. კანონპროექტი სახალხო დამცველმა ლევან იოსელიანმაც გააკრიტიკა და განაცხადა, შესწორებები სიტყვისა და შეკრების თავისუფლებაში ჩარევა, ასევე აზრის გამოხატვის შეზღუდვაა.საქართველოს კანონმდებლობის თანახმად, პრეზიდენტი, რომელმაც გადაწყვიტა ვეტოს დადება კონკრეტულ კანონპროექტზე, შენიშვნების საფუძველზე წარადგენს პროექტის საკუთარ ვერსიას. პარლამენტი ჯერ კენჭს უყრის კანონპროექტის პრეზიდენტის მიერ შეთავაზებულ ვერსიას. თუ ის ვერ მიიღებს ხმების საჭირო რაოდენობას, მაშინ პარლამენტი კენჭს უყრის იმ ვერსიას, რომელიც მანამდე პარლამენტმა სამი მოსმენით მიიღო. ხმების რაოდენობა დამოკიდებულია კანონის ტიპზე.რატომ გახდა აქტუალური ცვლილებების საკითხისახელმწიფო უსაფრთხოების სამსახურის მიერ 18 სექტემბერს გავრცელებული განცხადების თანახმად, ქვეყანაში 2023 წლის ოქტომბერ-დეკემბერში დესტაბილიზაცია იგეგმება. არეულობა მოსალოდნელია იმ პერიოდში, როდესაც საქართველო ევროკავშირის წევრობის კანდიდატის სტატუსის შესახებ გადაწყვეტილებას ელოდება.სუსის განცხადებაში ასევე ნათქვამია, რომ არეულობების ორგანიზატორები აპირებდნენ „კარვების ქალაქის" მოწყობას, სადაც წინასწარ შერჩეულ კარავში განათავსებენ ასაფეთქებელ მოწყობილობას. აფეთქების შემთხვევაში ამის შედეგად დაიღუპებიან როგორც მშვიდობიანი მოქალაქეები, ისე სამართალდამცველები.მყისიერ ზომებს ვიღებთ - გივი მიქანაძე აქციების შესახებ კანონის გამკაცრებაზე>>ტერორისტული აქტის განხორციელების შემთხვევაში დესტრუქციული ძალები იმედოვნებენ, რომ მოხდება უმისამართო სროლა სამართალდამცველებსა და აქციის მონაწილეებს შორის, რაც ნოყიერ ნიადაგს შექმნის შემდგომი სამოქალაქო დაპირისპირებისთვის, ნათქვამია სუსის განცხადებაში.ინიცირებული პროექტის თანახმად, შეკრების ან მანიფესტაციის მონაწილეებს ეკრძალებათ მოაწყონ დროებითი კონსტრუქცია, თუ მისი მოწყობა: საფრთხეს უქმნის შეკრების ან მანიფესტაციის მონაწილეებს, ან სხვა პირებს; ხელს უშლის პოლიციის მიერ საზოგადოებრივი წესრიგისა და უსაფრთხოების დაცვას; იწვევს საწარმოს, დაწესებულების ან ორგანიზაციის ნორმალური ფუნქციონირების შეფერხებას; არ უკავშირდება უშუალოდ შეკრების ან მანიფესტაციის ჩატარებას.გარდა ამისა, შეკრების ან მანიფესტაციის მონაწილეებს დროებითი კონსტრუქციის მოწყობა იმ შემთხვევაშიც ეკრძალებათ, თუ მისი მოწყობის გარეშე აქციის ჩატარება არსებითად არ ფერხდება.სახალხო დამცველმა „შეკრებებისა და მანიფესტაციების შესახებ" კანონში ცვლილებები გააკრიტიკა>>კანონდარღვევისთვის გათვალისწინებულია სამართალდარღვევის საგნის კონფისკაცია და ჯარიმა 500 ლარის ოდენობით ან სამართალდარღვევის საგნის კონფისკაცია და ადმინისტრაციული პატიმრობა 15 დღემდე ვადით. ხოლო თუ დამრღვევი ორგანიზატორია, სამართალდარღვევის საგნის კონფისკაცია და ჯარიმა 5 ათასი ლარის ოდენობით ან ადმინისტრაციული პატიმრობა 15 დღემდე ვადით.შეკრებისა და გამოხატვის თავისუფლების საკითხის მოწესრიგების მიზნით სათანადო გადაწყვეტილებას შესაბამისი ორგანო თითოეულ შემთხვევასთან მიმართებით ინდივიდუალურად, ყველა გარემოების გათვალისწინებით მიიღებს.აღნიშნული ორგანოს მიერ მიღებული გადაწყვეტილება მისი სასამართლოში გასაჩივრების გზით სასამართლო კონტროლს დაექვემდებარება.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები, საქართველო, პოლიტიკა, პოლიტიკა საქართველოში, საქართველოს პარლამენტი, ქართული ოცნება , საქართველოს პრეზიდენტი
ახალი ამბები, საქართველო, პოლიტიკა, პოლიტიკა საქართველოში, საქართველოს პარლამენტი, ქართული ოცნება , საქართველოს პრეზიდენტი
კანონი აქციების შესახებ: პრეზიდენტი ვეტოს დადებას აპირებს?
21:47 05.10.2023 (განახლებულია: 22:11 05.10.2023) ოპოზიცია წინააღმდეგია „შეკრებისა და მანიფესტაციების შესახებ“ კანონის მიღებისა, ხოლო მმართველ პარტიაში მიაჩნიათ, რომ პრეზიდენტი და ოპოზიცია შეთანხმებულად მოქმედებენ.
თბილისი, 5 ოქტომბერი – Sputnik. თუ საქართველოს პრეზიდენტი სალომე ზურაბიშვილი გამოიყენებს ვეტოს უფლებას „შეკრებისა და მანიფესტაციების შესახებ“ კანონში შესატან ცვლილებებზე, მმართველი პარტია „ქართული ოცნება - დემოკრატიული საქართველო“ დაძლევს მას, განაცხადა „ქართული ოცნების“ დეპუტატმა, კანონპროექტის ერთ-ერთმა ავტორმა გივი მიქანაძემ.
პარლამენტმა დაჩქარებული წესით განიხილა და პირველი მოსმენით მიიღო კანონპროექტი, რომელიც საპროტესტო აქციების დროს შეზღუდვების სიას აფართოებს. საუბარია ისეთი დროებითი კონსტრუქციების მოწყობის აკრძალვაზე, რომლებიც ტერიტორიაზე მყოფ ადამიანებს საფრთხეს შეუქმნის და პოლიციის მუშაობას ხელს შეუშლის. ცვლილებების ინიცირება სუსის განცხადების შემდეგ მოხდა. განცხადებაში ნათქვამი იყო, რომ ქვეყანაში სახელმწიფო გადატრიალების მიზნით არეულობები იგეგმება.
„ფაქტია, რომ თქვენ გქონდათ უკვე თქვენს პრეზიდენტთან კომუნიკაცია. „თქვენს პრეზიდენტთან“ იმიტომ, რომ თქვენს გუნდშია გადმობარგებული ცალსახად. თქვენ იცით, რომ ვეტოს დაადებს... კი, ბატონო, არც ეგაა პრობლემა, წინასწარვე გეტყვით, რომ ამ ვეტოსაც დავძლევთ“, – მიმართა ოპოზიციას მიქანაძემ.
მიქანაძემ ოპოზიციის წარმომადგენლები, რომლებიც შესწორებების მიღების წინააღმდეგ გამოდიან, დაადანაშაულა იმაში, რომ მათ საზოგადოების უსაფრთხოება და ინტერესები არ ანაღვლებთ.
შესწორებების წინააღმდეგ ოპოზიციური პარტიების წარმომადგენლები გამოდიან. კანონპროექტი სახალხო დამცველმა ლევან იოსელიანმაც გააკრიტიკა და განაცხადა, შესწორებები სიტყვისა და შეკრების თავისუფლებაში ჩარევა, ასევე აზრის გამოხატვის შეზღუდვაა.
საქართველოს კანონმდებლობის თანახმად, პრეზიდენტი, რომელმაც გადაწყვიტა ვეტოს დადება კონკრეტულ კანონპროექტზე, შენიშვნების საფუძველზე წარადგენს პროექტის საკუთარ ვერსიას. პარლამენტი ჯერ კენჭს უყრის კანონპროექტის პრეზიდენტის მიერ შეთავაზებულ ვერსიას. თუ ის ვერ მიიღებს ხმების საჭირო რაოდენობას, მაშინ პარლამენტი კენჭს უყრის იმ ვერსიას, რომელიც მანამდე პარლამენტმა სამი მოსმენით მიიღო. ხმების რაოდენობა დამოკიდებულია კანონის ტიპზე.
რატომ გახდა აქტუალური ცვლილებების საკითხი
სახელმწიფო უსაფრთხოების სამსახურის მიერ 18 სექტემბერს გავრცელებული განცხადების თანახმად, ქვეყანაში 2023 წლის ოქტომბერ-დეკემბერში დესტაბილიზაცია იგეგმება. არეულობა მოსალოდნელია იმ პერიოდში, როდესაც საქართველო ევროკავშირის წევრობის კანდიდატის სტატუსის შესახებ გადაწყვეტილებას ელოდება.
სუსის განცხადებაში ასევე ნათქვამია, რომ არეულობების ორგანიზატორები აპირებდნენ „კარვების ქალაქის" მოწყობას, სადაც წინასწარ შერჩეულ კარავში განათავსებენ ასაფეთქებელ მოწყობილობას. აფეთქების შემთხვევაში ამის შედეგად დაიღუპებიან როგორც მშვიდობიანი მოქალაქეები, ისე სამართალდამცველები.
ტერორისტული აქტის განხორციელების შემთხვევაში დესტრუქციული ძალები იმედოვნებენ, რომ მოხდება უმისამართო სროლა სამართალდამცველებსა და აქციის მონაწილეებს შორის, რაც ნოყიერ ნიადაგს შექმნის შემდგომი სამოქალაქო დაპირისპირებისთვის, ნათქვამია სუსის განცხადებაში.
ინიცირებული პროექტის თანახმად, შეკრების ან მანიფესტაციის მონაწილეებს ეკრძალებათ მოაწყონ დროებითი კონსტრუქცია, თუ მისი მოწყობა: საფრთხეს უქმნის შეკრების ან მანიფესტაციის მონაწილეებს, ან სხვა პირებს; ხელს უშლის პოლიციის მიერ საზოგადოებრივი წესრიგისა და უსაფრთხოების დაცვას; იწვევს საწარმოს, დაწესებულების ან ორგანიზაციის ნორმალური ფუნქციონირების შეფერხებას; არ უკავშირდება უშუალოდ შეკრების ან მანიფესტაციის ჩატარებას.
გარდა ამისა, შეკრების ან მანიფესტაციის მონაწილეებს დროებითი კონსტრუქციის მოწყობა იმ შემთხვევაშიც ეკრძალებათ, თუ მისი მოწყობის გარეშე აქციის ჩატარება არსებითად არ ფერხდება.
კანონდარღვევისთვის გათვალისწინებულია სამართალდარღვევის საგნის კონფისკაცია და ჯარიმა 500 ლარის ოდენობით ან სამართალდარღვევის საგნის კონფისკაცია და ადმინისტრაციული პატიმრობა 15 დღემდე ვადით. ხოლო თუ დამრღვევი ორგანიზატორია, სამართალდარღვევის საგნის კონფისკაცია და ჯარიმა 5 ათასი ლარის ოდენობით ან ადმინისტრაციული პატიმრობა 15 დღემდე ვადით.
შეკრებისა და გამოხატვის თავისუფლების საკითხის მოწესრიგების მიზნით სათანადო გადაწყვეტილებას შესაბამისი ორგანო თითოეულ შემთხვევასთან მიმართებით ინდივიდუალურად, ყველა გარემოების გათვალისწინებით მიიღებს.
აღნიშნული ორგანოს მიერ მიღებული გადაწყვეტილება მისი სასამართლოში გასაჩივრების გზით სასამართლო კონტროლს დაექვემდებარება.
