https://sputnik-georgia.com/20231003/natia-tavadze-pilologi-xelovani-282897355.html
ცხოვრებამ ნათელი ფერები რომ არ დაკარგოს - ადგილი, სადაც საკუთარ თავს პოულობ
ცხოვრებამ ნათელი ფერები რომ არ დაკარგოს - ადგილი, სადაც საკუთარ თავს პოულობ
Sputnik საქართველო
პროფესიის არჩევაში ლიტერატურის სიყვარული და შემოქმედებითი ნატურა დაეხმარა. 03.10.2023-ს, Sputnik საქართველო
2023-10-03T12:21+0400
2023-10-03T12:21+0400
2023-10-03T17:35+0400
ინტერვიუ
საქართველო
კულტურა საქართველოში
საინტერესო ადამიანები
https://cdnn1.img.sputnik-georgia.com/img/07e5/06/1c/252152736_0:59:1001:622_1920x0_80_0_0_bfe2709fa4454b93be825f50717a87be.jpg
ადამიანის ცხოვრებაში ალბათ ერთ-ერთი მნიშვნელოვანი ეტაპია დრო, როცა პროფესიას ირჩევ, რადგან ფაქტობრივად ამით საკუთარ მომავალს განსაზღვრავ. როცა ამ მასალის გმირი თავის სავარაუდო პროფესიაზე ფიქრობდა, მისთვის ამოსავალი ის იყო, რომ თავისი საქმით ემოციებისა და გამოცდილების სხვებისთვის გაზიარება შეძლებოდა. საამისოდ ნათია თავაძემ ფილოლოგობა აირჩია. გავიდა დრო და სიტყვებით ქარგვის გარდა მან ნივთების ორიგინალური ფორმით ქარგვაც დაიწყო.- ნათია, როდის მიხვდით, რომ პროფესიულ არჩევანში არ შეცდით?- ყოველთვის მინდოდა ხელოვნებასთან რაიმე კავშირი მქონოდა, ამიტომ ხელოვნების სამყაროში ჩემს ადგილს წლების განმავლობაში ვეძებდი. საკუთარი თავი ხატვაში, სიმღერასა და თეატრში გამოვცადე, მაგრამ მიუხედავად იმისა, რომ ეს საქმეები სიამოვნებას მანიჭებდა, ვხვდებოდი, რომ მაინც არ იყო ის, რაც მინდოდა. ერთ დღესაც ავდექი და ძაფებით პატარა დეტალების მოქარგვა დავიწყე. მაშინ ისიც კი არ ვიცოდი, რომ რასაც ვაკეთებდი, ქარგვა ერქვა. ამ პროცესმა ისეთი სიამოვნება მომანიჭა, რომ გადავწყვიტე ამ ხელსაქმის შესახებ უფრო დეტალურად გამეგო. ერთ დღესაც აბიტურიენტობის პარალელურად პატარა ბავშვების მომზადება დავიწყე. მივხვდი, ბავშვებისთვის რომ ცოდნა გადამეცა, ეს იყო საქმე, რომელიც მინდოდა მთელი ცხოვრება მეკეთებინა. ეს იყო ადგილი, სადაც საკუთარი თავი ვიპოვე.- ქარგვა როდის და როგორ დაიწყეთ?- ინტერნეტში დავიწყე საჭირო ვიდეოების მოძიება, სხვადასხვა სტილით ნივთებზე ქარგვაც ვისწავლე. რაღაც გარკვეულ ეტაპზე მივხვდი, რომ უკვე მზად ვიყავი ნამუშევრები ფართო აუდიტორიისთვის გამეცნო. სწორედ დადებითი გამოხმაურებების შემდეგ შეიქმნა ჩემი გვერდი, სახელად „ნაქარგობა“. ეს არის ადგილი, სადაც საკუთარ ემოციებს უკვე მოქარგული სახით ვუზიარებ ადამიანებს და პარალელურად ვცდილობ მათი ფანტაზიებიც ვაქციო რეალობად.- ძირითადად რას ქარგავთ?- ვქარგავ ნაჭრის ჩანთებს, ქუდებსა და ტანსაცმელს, მაგრამ ვერ გეტყვით გამორჩეულად რაზე მიყვარს მუშაობა. ყველა მათგანს გარკვეული ადგილი უჭირავს. სირთულის მიხედვით, ალბათ, უფრო ქუდებზე მუშაობაა შედარებით ძნელი, რადგან პატარა არეალი გაქვს მოსაქარგად და ცოტა მოუხერხებელია. თუმცა განსაკუთრებულად რთული არც ესაა. ვფიქრობ, თუ საქმე გიყვარს და მუშაობის პროცესი სიამოვნებას განიჭებს, რთულად და შეუძლებლად არაფერი მოგეჩვენება.- არანაკლებ მნიშვნელოვანია თქვენთვის წიგნების სამყაროც, ბოლო დროს რა წაიკითხეთ და რამ მოახდინა თქვენზე შთაბეჭდილება? - ეს არის მსოფლიო ბესტსელერების ავტორის ჰალიდ ჰოსეინის რომანი „ათასი მოელვარე მზე“, რომელმაც ჩემზე უდიდესი შთაბეჭდილება მოახდინა. წიგნი ავღანელი ქალების ტრაგიკულ ცხოვრებაზეა. მასში ძალიან კარგად ჩანს, თუ რამხელა ძალა აქვს ქალს, რამდენი ტკივილისა და ტანჯვის მოთმენა შეუძლია, როგორია სიყვარულის ძალა და დედაშვილობა. რამდენადაც სუსტი და ნაზია ქალი, იმდენად ძლიერიცაა. სიამოვნებით მოვქარგავდი ავღანელი ქალების პორტრეტებს, მათ თვალებში გადმოცემულ სევდას, ტანჯვასა და სიძლიერეს. ვფიქრობ, ეს იქნებოდა ჩემი ყველაზე განსაკუთრებული და მნიშვნელოვანი ნამუშევარი.- საქმიანობის დროს ვინმე გეხმარებათ?- მუშაობის დროს მეუღლე მიდგას გვერდში და მეხმარება. ჩვენ ყოველდღიურად ვცდილობთ ერთმანეთის ცხოვრების გალამაზებას, ხან პატარა დეტალებით, ხანაც დიდი სიურპრიზებით. ვფიქრობ, ასეც უნდა იყოს, საყვარელი ადამიანები ერთმანეთის ყოველწუთიერ გაღიმებასა და გაბედნიერებაზე უნდა ფიქრობდნენ, რათა ცხოვრებამ ნათელი ფერები არ დაკარგოს. ორივეს ძალიან გვიყვარს სურათებითა და ნახატებით „გაფერადებული“ კედლები. ვცდილობთ ყველა იმ დეტალს, რაც ჩვენს ბინას ალამაზებს, განსაკუთრებული დატვირთვა ჰქონდეს. განა რა არის იმაზე მნიშვნელოვანი, ვიდრე ჩვენივე ხელით შექმნილი ნივთებია?!.ნინო მამულაშვილი
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
ინტერვიუ, საქართველო, კულტურა საქართველოში, საინტერესო ადამიანები
ინტერვიუ, საქართველო, კულტურა საქართველოში, საინტერესო ადამიანები
ცხოვრებამ ნათელი ფერები რომ არ დაკარგოს - ადგილი, სადაც საკუთარ თავს პოულობ
12:21 03.10.2023 (განახლებულია: 17:35 03.10.2023) პროფესიის არჩევაში ლიტერატურის სიყვარული და შემოქმედებითი ნატურა დაეხმარა.
ადამიანის ცხოვრებაში ალბათ ერთ-ერთი მნიშვნელოვანი ეტაპია დრო, როცა პროფესიას ირჩევ, რადგან ფაქტობრივად ამით საკუთარ მომავალს განსაზღვრავ. როცა ამ მასალის გმირი თავის სავარაუდო პროფესიაზე ფიქრობდა, მისთვის ამოსავალი ის იყო, რომ თავისი საქმით ემოციებისა და გამოცდილების სხვებისთვის გაზიარება შეძლებოდა. საამისოდ ნათია თავაძემ ფილოლოგობა აირჩია. გავიდა დრო და სიტყვებით ქარგვის გარდა მან ნივთების ორიგინალური ფორმით ქარგვაც დაიწყო.
- ნათია, როდის მიხვდით, რომ პროფესიულ არჩევანში არ შეცდით?
- ყოველთვის მინდოდა ხელოვნებასთან რაიმე კავშირი მქონოდა, ამიტომ ხელოვნების სამყაროში ჩემს ადგილს წლების განმავლობაში ვეძებდი. საკუთარი თავი ხატვაში, სიმღერასა და თეატრში გამოვცადე, მაგრამ მიუხედავად იმისა, რომ ეს საქმეები სიამოვნებას მანიჭებდა, ვხვდებოდი, რომ მაინც არ იყო ის, რაც მინდოდა. ერთ დღესაც ავდექი და ძაფებით პატარა დეტალების მოქარგვა დავიწყე. მაშინ ისიც კი არ ვიცოდი, რომ რასაც ვაკეთებდი, ქარგვა ერქვა. ამ პროცესმა ისეთი სიამოვნება მომანიჭა, რომ გადავწყვიტე ამ ხელსაქმის შესახებ უფრო დეტალურად გამეგო. ერთ დღესაც აბიტურიენტობის პარალელურად პატარა ბავშვების მომზადება დავიწყე. მივხვდი, ბავშვებისთვის რომ ცოდნა გადამეცა, ეს იყო საქმე, რომელიც მინდოდა მთელი ცხოვრება მეკეთებინა. ეს იყო ადგილი, სადაც საკუთარი თავი ვიპოვე.
- ქარგვა როდის და როგორ დაიწყეთ?
- ინტერნეტში დავიწყე საჭირო ვიდეოების მოძიება, სხვადასხვა სტილით ნივთებზე ქარგვაც ვისწავლე. რაღაც გარკვეულ ეტაპზე მივხვდი, რომ უკვე მზად ვიყავი ნამუშევრები ფართო აუდიტორიისთვის გამეცნო. სწორედ დადებითი გამოხმაურებების შემდეგ შეიქმნა ჩემი გვერდი, სახელად „ნაქარგობა“. ეს არის ადგილი, სადაც საკუთარ ემოციებს უკვე მოქარგული სახით ვუზიარებ ადამიანებს და პარალელურად ვცდილობ მათი ფანტაზიებიც ვაქციო რეალობად.
- ვქარგავ ნაჭრის ჩანთებს, ქუდებსა და ტანსაცმელს, მაგრამ ვერ გეტყვით გამორჩეულად რაზე მიყვარს მუშაობა. ყველა მათგანს გარკვეული ადგილი უჭირავს. სირთულის მიხედვით, ალბათ, უფრო ქუდებზე მუშაობაა შედარებით ძნელი, რადგან პატარა არეალი გაქვს მოსაქარგად და ცოტა მოუხერხებელია. თუმცა განსაკუთრებულად რთული არც ესაა. ვფიქრობ, თუ საქმე გიყვარს და მუშაობის პროცესი სიამოვნებას განიჭებს, რთულად და შეუძლებლად არაფერი მოგეჩვენება.
- არანაკლებ მნიშვნელოვანია თქვენთვის წიგნების სამყაროც, ბოლო დროს რა წაიკითხეთ და რამ მოახდინა თქვენზე შთაბეჭდილება?
- ეს არის მსოფლიო ბესტსელერების ავტორის ჰალიდ ჰოსეინის რომანი „ათასი მოელვარე მზე“, რომელმაც ჩემზე უდიდესი შთაბეჭდილება მოახდინა. წიგნი ავღანელი ქალების ტრაგიკულ ცხოვრებაზეა. მასში ძალიან კარგად ჩანს, თუ რამხელა ძალა აქვს ქალს, რამდენი ტკივილისა და ტანჯვის მოთმენა შეუძლია, როგორია სიყვარულის ძალა და დედაშვილობა. რამდენადაც სუსტი და ნაზია ქალი, იმდენად ძლიერიცაა. სიამოვნებით მოვქარგავდი ავღანელი ქალების პორტრეტებს, მათ თვალებში გადმოცემულ სევდას, ტანჯვასა და სიძლიერეს. ვფიქრობ, ეს იქნებოდა ჩემი ყველაზე განსაკუთრებული და მნიშვნელოვანი ნამუშევარი.
- საქმიანობის დროს ვინმე გეხმარებათ?
- მუშაობის დროს მეუღლე მიდგას გვერდში და მეხმარება. ჩვენ ყოველდღიურად ვცდილობთ ერთმანეთის ცხოვრების გალამაზებას, ხან პატარა დეტალებით, ხანაც დიდი სიურპრიზებით. ვფიქრობ, ასეც უნდა იყოს, საყვარელი ადამიანები ერთმანეთის ყოველწუთიერ გაღიმებასა და გაბედნიერებაზე უნდა ფიქრობდნენ, რათა ცხოვრებამ ნათელი ფერები არ დაკარგოს. ორივეს ძალიან გვიყვარს სურათებითა და ნახატებით „გაფერადებული“ კედლები. ვცდილობთ ყველა იმ დეტალს, რაც ჩვენს ბინას ალამაზებს, განსაკუთრებული დატვირთვა ჰქონდეს. განა რა არის იმაზე მნიშვნელოვანი, ვიდრე ჩვენივე ხელით შექმნილი ნივთებია?!.
