https://sputnik-georgia.com/20230922/zbignev-rau-ukraineli-politikosebis-gancxadebebze-komentars-aketebs-282544005.html
რაუ: უკრაინელი პოლიტიკოსების განცხადებები მავნეა და შეურაცხმყოფელი
რაუ: უკრაინელი პოლიტიკოსების განცხადებები მავნეა და შეურაცხმყოფელი
Sputnik საქართველო
თბილისი, 22 სექტემბერი — Sputnik. პოლონეთისა და რუსეთის შედარება, რაც ბოლო დღეებში უკრაინელი პოლიტიკოსების განცხადებებში ისმის, პოლონეთის საზოგადოებისთვის... 22.09.2023-ს, Sputnik საქართველო
2023-09-22T13:20+0400
2023-09-22T13:20+0400
2023-09-22T17:40+0400
მსოფლიო დღეს
მსოფლიოს ახალი ამბები
ახალი ამბები
პოლონეთი
უკრაინა
პოლიტიკა
https://cdnn1.img.sputnik-georgia.com/img/07e6/03/05/264992889_0:0:2761:1554_1920x0_80_0_0_c5069614aa63ce6b563741b69fcdae79.jpg
თბილისი, 22 სექტემბერი — Sputnik. პოლონეთისა და რუსეთის შედარება, რაც ბოლო დღეებში უკრაინელი პოლიტიკოსების განცხადებებში ისმის, პოლონეთის საზოგადოებისთვის უკიდურესად შეურაცხმყოფელია, წერს საგარეო საქმეთა მინისტრი ზბიგნევ რაუ საკუთარ X-აკაუნტზე.რაუს თქმით, ის ფაქტი, რომ პოლონეთი და რუსეთი ერთ რიგში ჩააყენეს, როგორც უკრაინისთვის ზიანის მიმყენებლები, „უკრაინისა და უკრაინელთა მიმართ პოლონელების ცნობიერებას ცვლის — არა მარტო კოლექტიურად, არამედ, პირველ რიგში, ინდივიდუალურად“.ამასთანავე მინისტრი ხაზს უსვამს, რომ თითოეული პოლონური ოჯახი თანაუგრძნობს უკრაინელებს და ესმის მათი მძიმე მდგომარეობა, რის გამოც შეიფარეს კიდეც ლტოლვილები საკუთარ სახლებში.როგორც რაუ წერს, პოლონეთს სჯერა უკრაინის გამარჯვებისა და „გვერდზე არ გადგება“, თუმცა, ამის მიუხედავად, „არავის მისცემს უფლებას, რომ პოლონეთთან ურთიერთობები ვარშავისა და კიევის მიმართ „მტრულად განწყობილი კერძო ქონებისა და უცხო ინტერესების სახელით“ იყიდოს“.პოლონეთსა და უკრაინას შორის ურთიერთობა მას შემდეგ დაიძაბა, რაც ვარშავა არ დაემორჩილა ევროკომისიის გადაწყვეტილებას უკრაინული მარცვლეულის იმპორტზე აკრძალვის გაუქმების შესახებ. ევროკომისიამ ცენტრალური ევროპის ხუთ ქვეყანაში — ბულგარეთში, უნგრეთში, პოლონეთში, რუმინეთსა და სლოვაკეთში უკრაინიდან მარცვლეულისა და სხვა სახის სასოფლო-სამეურნეო პროდუქციის იმპორტი მიმდინარე წლის აპრილში აკრძალა. ეს ის ქვეყნებია, რომელთა ფერმერები ყველაზე მეტად დაზარალდნენ უკრაინულ საქონელზე ბაჟის გადახდის გაუქმებით გამოწვეული დემპინგური ფასების გამო.მოგვიანებით აღნიშნულმა ქვეყნებმა ეს ზომები გააუქმეს ევროკომისიის გადაწყვეტილების სანაცვლოდ, რომელიც ჯერ 5 ივნისამდე, შემდეგ კი 15 სექტემბრამდე ითვალისწინებდა უკრაინიდან ოთხი სახეობის მარცვლეულისა და ზეთოვანი კულტურების — ხორბლის, სიმინდის, რაფსისა და მზესუმზირის თესლის მიწოდებაზე ემბარგოს. ხუთივე ქვეყნის მთავრობები ითხოვდნენ, რომ ემბარგო წლის ბოლომდე მაინც გახანგრძლივებულიყო, რასაც კატეგორიულად ეწინააღმდეგებოდა უკრაინული მხარე.ევროკომისიამ 15 სექტემბრის შემდეგ აღარ გაახანგრძლივა აკრძალვა, რის გამოც პოლონეთმა, უნგრეთმა და სლოვაკეთმა საკუთარი გადაწყვეტილებები მიიღეს და თავიანთი ქვეყნების ტერიტორიაზე უკრაინული მარცვლეულის შეტანა შეზღუდეს. ამასთან დაკავშირებით კიევმა 18 სექტემბერს გაავრცელა ინფორმაცია, რომ უკრაინა ამ სამი ქვეყნის წინაააღმდეგ ვაჭრობის მსოფლიო ორგანიზაციაში სარჩელის წარდგენის პროცედურას იწყებს.ამაზე პასუხად პოლონეთმა, უნგრეთმა და სლოვაკეთმა ბოიკოტი გამოუცხადეს ევროკავშირის საკოორდინაციო პლატფორმის 25 სექტემბრის სხდომას, რომელიც ევროკავშირის ქვეყნებში უკრაინული მარცვლეულის იმპორტთან დაკაშირებული სადავო საკითხების განსახილველად შეიქმნა.
https://sputnik-georgia.com/20230919/varsava-gadawyvetilebis-secvlas-ar-apirebs-282401868.html
პოლონეთი
უკრაინა
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
მსოფლიოს ახალი ამბები, ახალი ამბები, პოლონეთი , უკრაინა , პოლიტიკა
მსოფლიოს ახალი ამბები, ახალი ამბები, პოლონეთი , უკრაინა , პოლიტიკა
თბილისი, 22 სექტემბერი — Sputnik. პოლონეთისა და რუსეთის შედარება, რაც ბოლო დღეებში უკრაინელი პოლიტიკოსების განცხადებებში ისმის, პოლონეთის საზოგადოებისთვის უკიდურესად შეურაცხმყოფელია,
წერს საგარეო საქმეთა მინისტრი ზბიგნევ რაუ საკუთარ X-აკაუნტზე.
რაუს თქმით, ის ფაქტი, რომ პოლონეთი და რუსეთი ერთ რიგში ჩააყენეს, როგორც უკრაინისთვის ზიანის მიმყენებლები, „უკრაინისა და უკრაინელთა მიმართ პოლონელების ცნობიერებას ცვლის — არა მარტო კოლექტიურად, არამედ, პირველ რიგში, ინდივიდუალურად“.
ამასთანავე მინისტრი ხაზს უსვამს, რომ თითოეული პოლონური ოჯახი თანაუგრძნობს უკრაინელებს და ესმის მათი მძიმე მდგომარეობა, რის გამოც შეიფარეს კიდეც ლტოლვილები საკუთარ სახლებში.
„ამიტომ უკრაინის ამჟამინდელი პოლიტიკა არა მარტო საზიანო და მტკივნეულია ჩვენთვის, არამედ, უპირველესად, შეურაცხმყოფელია. ძნელია ვივარაუდოთ, რომ ეს მალე მიეცემა დავიწყებას. ამიტომ ეს უკრაინისთვისაც საზიანოა“, — მიაჩნია ზბიგნევ რაუს.
როგორც რაუ წერს, პოლონეთს სჯერა უკრაინის გამარჯვებისა და „გვერდზე არ გადგება“, თუმცა, ამის მიუხედავად, „არავის მისცემს უფლებას, რომ პოლონეთთან ურთიერთობები ვარშავისა და კიევის მიმართ „მტრულად განწყობილი კერძო ქონებისა და უცხო ინტერესების სახელით“ იყიდოს“.
პოლონეთსა და უკრაინას შორის ურთიერთობა მას შემდეგ დაიძაბა, რაც ვარშავა არ დაემორჩილა ევროკომისიის გადაწყვეტილებას უკრაინული მარცვლეულის იმპორტზე აკრძალვის გაუქმების შესახებ.
19 სექტემბერი 2023, 09:31
ევროკომისიამ ცენტრალური ევროპის ხუთ ქვეყანაში — ბულგარეთში, უნგრეთში, პოლონეთში, რუმინეთსა და სლოვაკეთში უკრაინიდან მარცვლეულისა და სხვა სახის სასოფლო-სამეურნეო პროდუქციის იმპორტი მიმდინარე წლის აპრილში აკრძალა. ეს ის ქვეყნებია, რომელთა ფერმერები ყველაზე მეტად დაზარალდნენ უკრაინულ საქონელზე ბაჟის გადახდის გაუქმებით გამოწვეული დემპინგური ფასების გამო.
მოგვიანებით აღნიშნულმა ქვეყნებმა ეს ზომები გააუქმეს ევროკომისიის გადაწყვეტილების სანაცვლოდ, რომელიც ჯერ 5 ივნისამდე, შემდეგ კი 15 სექტემბრამდე ითვალისწინებდა უკრაინიდან ოთხი სახეობის მარცვლეულისა და ზეთოვანი კულტურების — ხორბლის, სიმინდის, რაფსისა და მზესუმზირის თესლის მიწოდებაზე ემბარგოს. ხუთივე ქვეყნის მთავრობები ითხოვდნენ, რომ ემბარგო წლის ბოლომდე მაინც გახანგრძლივებულიყო, რასაც კატეგორიულად ეწინააღმდეგებოდა უკრაინული მხარე.
ევროკომისიამ 15 სექტემბრის შემდეგ აღარ გაახანგრძლივა აკრძალვა, რის გამოც პოლონეთმა, უნგრეთმა და სლოვაკეთმა საკუთარი გადაწყვეტილებები მიიღეს და თავიანთი ქვეყნების ტერიტორიაზე უკრაინული მარცვლეულის შეტანა შეზღუდეს. ამასთან დაკავშირებით კიევმა 18 სექტემბერს გაავრცელა ინფორმაცია, რომ უკრაინა ამ სამი ქვეყნის წინაააღმდეგ ვაჭრობის მსოფლიო ორგანიზაციაში სარჩელის წარდგენის პროცედურას იწყებს.
ამაზე პასუხად პოლონეთმა, უნგრეთმა და სლოვაკეთმა ბოიკოტი გამოუცხადეს ევროკავშირის საკოორდინაციო პლატფორმის 25 სექტემბრის სხდომას, რომელიც ევროკავშირის ქვეყნებში უკრაინული მარცვლეულის იმპორტთან დაკაშირებული სადავო საკითხების განსახილველად შეიქმნა.
