https://sputnik-georgia.com/20230918/ukraina-polonetis-slovaketisa-da-ungretis-winaarmdeg-282349212.html
უკრაინა პოლონეთს, უნგრეთსა და სლოვაკეთს მსო-ში უჩივლებს
უკრაინა პოლონეთს, უნგრეთსა და სლოვაკეთს მსო-ში უჩივლებს
Sputnik საქართველო
თბილისი, 18 სექტემბერი − Sputnik. უკრაინა დღეს პოლონეთის, უნგრეთისა და სლოვაკეთის წინაააღმდეგ მსოფლიო სავაჭრო ორგანიზაციაში სარჩელის წარდგენის პროცედურას... 18.09.2023-ს, Sputnik საქართველო
2023-09-18T13:24+0400
2023-09-18T13:24+0400
2023-09-19T08:43+0400
მსოფლიო დღეს
მსოფლიოს ახალი ამბები
ახალი ამბები
უკრაინა
პოლიტიკა
ევროკავშირი
https://cdnn1.img.sputnik-georgia.com/img/07e7/07/18/280217380_0:0:3072:1728_1920x0_80_0_0_918643d02242e7a6512fc70af3ea6c15.jpg
თბილისი, 18 სექტემბერი − Sputnik. უკრაინა დღეს პოლონეთის, უნგრეთისა და სლოვაკეთის წინაააღმდეგ მსოფლიო სავაჭრო ორგანიზაციაში სარჩელის წარდგენის პროცედურას იწყებს იმის გამო, რომ ამ ქვეყნებმა გაახანგრძლივეს უკრაინული მარცვლეულის შეტანაზე ევროკავშირის მიერ დაწესებული აკრძალვა, რომელსაც 15 სექტემბერს ამოეწურა ვადა, განაცხადა Politico-სთან ინტერვიუში უკრაინის ეონომიკის მინისტრის მოადგილემ და სავაჭრო წარმომადგენელმა ტარას კაჩკამ.მისი თქმით, კიევისთვის დიდი მნიშვნელობა აქვს იმის დამტკიცებას, რომ ამ სამი სახელმწიფოს ეს ნაბიჯი იურიდიულად უკანონოა.ამასთან მას მიაჩნია, რომ პოლონეთი, უნგრეთი და სლოვაკეთი „ღია დაუმორჩილებლობას“ უცხადებენ ბრიუსელს, რომელმაც გასულ პარასკევს ევროკავშირში უკრაინული მარცვლეულის გაყიდვაზე ნებართვა გასცა. კაჩკა დარწმუნებულია, რომ ეს უბრალოდ ევროკავშირის საშინაო საქმე კი არ არის, არამედ „ყველაზე დიდი სისტემური პრობლემაა, ვინაიდან იქ ერთიანობა არ არის“.ევროკომისიამ 15 სექტემბერს აღარ გაახანგრძლივა აკრძალვა, რომელიც უკრაინას ევროკავშირის რიგ ქვეყნებში მარცვლეულის შეტანას უზღუდავდა. როგორც კომისიაში აღნიშნეს, კიევი დათანხმდა მარცვლეულის ექსპორტის სფეროში ისეთი ზომების მიღებას, რომლებიც მკვეთრ ნახტომებს გამორიცხავს.მანამდე პოლონეთმა, უნგრეთმა და სლოვაკეთმა საკუთარი გადაწყვეტილებები მიიღეს, რითაც უკრაინული მარცვლეულის ქვეყნების ტერიტორიაზე შეტანა 15 სექტემბრის შემდეგაც აკრძალეს.ევროკომისიამ ცენტრალური ევროპის ხუთ ქვეყანაში — ბულგარეთში, უნგრეთში, პოლონეთში, რუმინეთსა და სლოვაკეთში უკრაინიდან მარცვლეულისა და სხვა სახის სასოფლო-სამეურნეო პროდუქციის იმპორტი მიმდინარე წლის აპრილში აკრძალა. ეს ის ქვეყნებია, რომელთა ფერმერები ყველაზე მეტად დაზარალდნენ უკრაინულ საქონელზე ბაჟის გადახდის გაუქმებით გამოწვეული დემპინგური ფასების გამო.მოგვიანებით აღნიშნულმა ქვეყნებმა ეს ზომები გააუქმეს ევროკომისიის გადაწყვეტილების სანაცვლოდ, რომელიც ჯერ 5 ივნისამდე, შემდეგ კი 15 სექტემბრამდე ითვალისწინებდა უკრაინიდან ოთხი სახეობის მარცვლეულისა და ზეთოვანი კულტურების — ხორბლის, სიმინდის, რაფსისა და მზესუმზირის თესლის მიწოდებაზე ემბარგოს. ვადის ამოწურვის შემდეგ ხუთივე ქვეყნის მთავრობებმა მოითხოვეს, რომ ემბარგო წლის ბოლომდე მაინც გახანგრძლივებულიყო, რასაც კატეგორიულად ეწინააღმდეგება უკრაინული მხარე.წყარო: Politico
https://sputnik-georgia.com/20230907/zelenskim-evrokavsirs-sesazloa-saarbitrajo-sasamartlosi-ucivlos-282002714.html
უკრაინა
ევროკავშირი
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
მსოფლიოს ახალი ამბები, ახალი ამბები, უკრაინა , პოლიტიკა, ევროკავშირი
მსოფლიოს ახალი ამბები, ახალი ამბები, უკრაინა , პოლიტიკა, ევროკავშირი
თბილისი, 18 სექტემბერი − Sputnik. უკრაინა დღეს პოლონეთის, უნგრეთისა და სლოვაკეთის წინაააღმდეგ მსოფლიო სავაჭრო ორგანიზაციაში სარჩელის წარდგენის პროცედურას იწყებს იმის გამო, რომ ამ ქვეყნებმა გაახანგრძლივეს უკრაინული მარცვლეულის შეტანაზე ევროკავშირის მიერ დაწესებული აკრძალვა, რომელსაც 15 სექტემბერს ამოეწურა ვადა, განაცხადა Politico-სთან ინტერვიუში უკრაინის ეონომიკის მინისტრის მოადგილემ და სავაჭრო წარმომადგენელმა ტარას კაჩკამ.
მისი თქმით, კიევისთვის დიდი მნიშვნელობა აქვს იმის დამტკიცებას, რომ ამ სამი სახელმწიფოს ეს ნაბიჯი იურიდიულად უკანონოა.
„ჩვენთვის დიდი მნიშვნელობა აქვს იმის დამტკიცებას, რომ ეს ქმედებები იურიდიულად უკანონოა. ამიტომ ხვალ სასამართლო გარჩევებს დავიწყებთ“, − აღნიშნა კაჩკამ.
ამასთან მას მიაჩნია, რომ პოლონეთი, უნგრეთი და სლოვაკეთი „ღია დაუმორჩილებლობას“ უცხადებენ ბრიუსელს, რომელმაც გასულ პარასკევს ევროკავშირში უკრაინული მარცვლეულის გაყიდვაზე ნებართვა გასცა. კაჩკა დარწმუნებულია, რომ ეს უბრალოდ ევროკავშირის საშინაო საქმე კი არ არის, არამედ „ყველაზე დიდი სისტემური პრობლემაა, ვინაიდან იქ ერთიანობა არ არის“.
ევროკომისიამ 15 სექტემბერს აღარ გაახანგრძლივა აკრძალვა, რომელიც უკრაინას ევროკავშირის რიგ ქვეყნებში მარცვლეულის შეტანას უზღუდავდა. როგორც კომისიაში აღნიშნეს, კიევი დათანხმდა მარცვლეულის ექსპორტის სფეროში ისეთი ზომების მიღებას, რომლებიც მკვეთრ ნახტომებს გამორიცხავს.
მანამდე პოლონეთმა, უნგრეთმა და სლოვაკეთმა საკუთარი გადაწყვეტილებები მიიღეს, რითაც უკრაინული მარცვლეულის ქვეყნების ტერიტორიაზე შეტანა 15 სექტემბრის შემდეგაც აკრძალეს.
ევროკომისიამ ცენტრალური ევროპის ხუთ ქვეყანაში — ბულგარეთში, უნგრეთში, პოლონეთში, რუმინეთსა და სლოვაკეთში უკრაინიდან მარცვლეულისა და სხვა სახის სასოფლო-სამეურნეო პროდუქციის იმპორტი მიმდინარე წლის აპრილში აკრძალა. ეს ის ქვეყნებია, რომელთა ფერმერები ყველაზე მეტად დაზარალდნენ უკრაინულ საქონელზე ბაჟის გადახდის გაუქმებით გამოწვეული დემპინგური ფასების გამო.
მოგვიანებით აღნიშნულმა ქვეყნებმა ეს ზომები გააუქმეს ევროკომისიის გადაწყვეტილების სანაცვლოდ, რომელიც ჯერ 5 ივნისამდე, შემდეგ კი 15 სექტემბრამდე ითვალისწინებდა უკრაინიდან ოთხი სახეობის მარცვლეულისა და ზეთოვანი კულტურების — ხორბლის, სიმინდის, რაფსისა და მზესუმზირის თესლის მიწოდებაზე ემბარგოს. ვადის ამოწურვის შემდეგ ხუთივე ქვეყნის მთავრობებმა მოითხოვეს, რომ ემბარგო წლის ბოლომდე მაინც გახანგრძლივებულიყო, რასაც კატეგორიულად ეწინააღმდეგება უკრაინული მხარე.
