https://sputnik-georgia.com/20230908/------282042671.html
პროგრამა „აწარმოე საქართველოში" ენერგეტიკის სექტორსაც დააფინანსებს
პროგრამა „აწარმოე საქართველოში" ენერგეტიკის სექტორსაც დააფინანსებს
Sputnik საქართველო
საქართველოს ხელისუფლება ქვეყნის ენერგეტიკულ სექტორს ავითარებს. 08.09.2023-ს, Sputnik საქართველო
2023-09-08T10:12+0400
2023-09-08T10:12+0400
2023-11-04T14:55+0400
საქართველო
საქართველოს ენერგეტიკა
ახალი ამბები
აწარმოე საქართველოში
https://cdnn1.img.sputnik-georgia.com/img/07e5/07/06/252231658_0:158:3001:1846_1920x0_80_0_0_96909bde5daca2bcccf74b234a402381.jpg
თბილისი, 8 სექტემბერი — Sputnik. პროგრამა „აწარმოე საქართველოში“ ფართოვდება, სახელმწიფო იწყებს ელექტროენერგიის წარმოებაში ჩართული მეწარმეების დაფინანსებას, განაცხადა სააგენტოს დირექტორმა მიხეილ ხიდურელმა.„აწარმოე საქართველოში“ 2014 წლის ზაფხულში შეიქმნა. მისი მიზანია ადგილობრივი წარმოების განვითარება და წახალისება. 2017 წლის აპრილში შეიქმნა ამავე დასახელების სააგენტო, რომელმაც გააერთიანა ყველა სახელმწიფო პროგრამა, მიმართული ბიზნეს-სექტორისა და ქვეყნის ეკონომიკის განვითარებისკენ.მისი თქმით, განახლებადი ენერგიის წყაროების წარმოება და განვითარება საქართველოს ერთ-ერთი პრიორიტეტია.სააგენტოს მიერ გავრცელებული ინფორმაციით, აღნიშნული ეკონომიკური საქმიანობის ფარგლებში სესხით/ლიზინგით სარგებლობისთვის სავალდებულოა – ობიექტი აწარმოებდეს მზის, ქარის ან ჰიდროენერგიას და მათი დადგმული სიმძლავრე 0,5 მეგავატს არ აღემატებოდეს. სააგენტოში დააზუსტეს, რომ ჰიდროენერგეტიკის შემთხვევაში საუბარია მცირე ჰესებზე.პროგრამის „აწარმოე საქართველოში" ფარგლებში სააგენტო ახორციელებს სესხის პროცენტის სუბსიდირებას სესხის სრული ვადით – ეროვნული ბანკის რეფინანსირების განაკვეთს გამოკლებული 5%-ის ოდენობით. პროგრამის ფარგლებში ასევე შესაძლებელია დამატებითი სარგებლის მიღება უზრუნველყოფის ნაწილში.პროგრამის „ბიზნეს უნივერსალის“ კომპონენტს ელექტროენერგიის წარმოების სახით კიდევ ერთი ეკონომიკური აქტივობა დაემატა, რომელიც მიზნად ისახავს საქართველოში მეწარმეობის განვითარებას და სამეწარმეო სტრუქტურების მხარდაჭერას.განახლებადი ენერგეტიკა: პრემიერმა გეგმებზე ისაუბრა>>>გარდა ამისა, „ბიზნეს უნივერსალის“ კომპონენტის მიზანია ახალი საწარმოების შექმნის ხელშეწყობა, არსებული საწარმოების გაფართოების და გადაიარაღების ხელშეწყობა, აგრეთვე კერძო სექტორის კონკურენტუნარიანობის ამაღლება ფინანსებზე ხელმისაწვდომობის გაზრდის საშუალებით.პროგრამა აფინანსებს ისეთ მიმართულებებს, როგორიცაა: ინდუსტრიული დარგი, სასტუმრო ინდუსტრია, ბალნეოლოგიური კურორტები, ტურისტული სერვისები, აგრო და ეკოტურისტული ინდუსტრია.სააგენტო „აწარმოე საქართველოში“ აერთიანებს ყველა სახელმწიფო პროგრამას, მიმართულს ბიზნეს-სექტორის ხელშეწყობისა და ქვეყნის ეკონომიკური განვითარებისკენ. პროგრამები მიმართულია მიკრო და მცირე ბიზნესის განვითარებაზე, თანამედროვე სამეწარმეო კულტურის დამკვიდრებაზე და ახალი სამუშაო ადგილების შექმნაზე.საუბარია კრედიტების სუბსიდირებასა და უზრუნველყოფაზე, რომელიც მოიცავს საქმიანობის 200-ზე მეტ სახეობას და მიკროგრანტებს, რომლებიც საქმიანობის 300-მდე სახეობას ეხება.
საქართველო
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
საქართველო, საქართველოს ენერგეტიკა, ახალი ამბები, აწარმოე საქართველოში
საქართველო, საქართველოს ენერგეტიკა, ახალი ამბები, აწარმოე საქართველოში
პროგრამა „აწარმოე საქართველოში" ენერგეტიკის სექტორსაც დააფინანსებს
10:12 08.09.2023 (განახლებულია: 14:55 04.11.2023) საქართველოს ხელისუფლება ქვეყნის ენერგეტიკულ სექტორს ავითარებს.
თბილისი, 8 სექტემბერი — Sputnik. პროგრამა „აწარმოე საქართველოში“ ფართოვდება, სახელმწიფო იწყებს ელექტროენერგიის წარმოებაში ჩართული მეწარმეების დაფინანსებას, განაცხადა სააგენტოს დირექტორმა მიხეილ ხიდურელმა.
„აწარმოე საქართველოში“ 2014 წლის ზაფხულში შეიქმნა. მისი მიზანია ადგილობრივი წარმოების განვითარება და წახალისება. 2017 წლის აპრილში შეიქმნა ამავე დასახელების სააგენტო, რომელმაც გააერთიანა ყველა სახელმწიფო პროგრამა, მიმართული ბიზნეს-სექტორისა და ქვეყნის ეკონომიკის განვითარებისკენ.
„სააგენტო მზად არის ხელი შეუწყოს ელექტროენერგიის მწარმოებელ კომპანიებს, რომლებიც მზის, ქარისა და ჰიდროელექტროენერგიას აწარმოებენ. ვფიქრობთ, ეს დაეხმარება როგორც ენერგეტიკის დარგის, ისე ჩვენი ქვეყნის ენერგომომავალის განვითარებას“, – განაცხადა ხიდურელმა.
მისი თქმით, განახლებადი ენერგიის წყაროების წარმოება და განვითარება საქართველოს ერთ-ერთი პრიორიტეტია.
სააგენტოს მიერ გავრცელებული ინფორმაციით, აღნიშნული ეკონომიკური საქმიანობის ფარგლებში სესხით/ლიზინგით სარგებლობისთვის სავალდებულოა – ობიექტი აწარმოებდეს მზის, ქარის ან ჰიდროენერგიას და მათი დადგმული სიმძლავრე 0,5 მეგავატს არ აღემატებოდეს. სააგენტოში დააზუსტეს, რომ ჰიდროენერგეტიკის შემთხვევაში საუბარია მცირე ჰესებზე.
პროგრამის „აწარმოე საქართველოში" ფარგლებში სააგენტო ახორციელებს სესხის პროცენტის სუბსიდირებას სესხის სრული ვადით – ეროვნული ბანკის რეფინანსირების განაკვეთს გამოკლებული 5%-ის ოდენობით. პროგრამის ფარგლებში ასევე შესაძლებელია დამატებითი სარგებლის მიღება უზრუნველყოფის ნაწილში.
პროგრამის „ბიზნეს უნივერსალის“ კომპონენტს ელექტროენერგიის წარმოების სახით კიდევ ერთი ეკონომიკური აქტივობა დაემატა, რომელიც მიზნად ისახავს საქართველოში მეწარმეობის განვითარებას და სამეწარმეო სტრუქტურების მხარდაჭერას.
გარდა ამისა, „ბიზნეს უნივერსალის“ კომპონენტის მიზანია ახალი საწარმოების შექმნის ხელშეწყობა, არსებული საწარმოების გაფართოების და გადაიარაღების ხელშეწყობა, აგრეთვე კერძო სექტორის კონკურენტუნარიანობის ამაღლება ფინანსებზე ხელმისაწვდომობის გაზრდის საშუალებით.
პროგრამა აფინანსებს ისეთ მიმართულებებს, როგორიცაა: ინდუსტრიული დარგი, სასტუმრო ინდუსტრია, ბალნეოლოგიური კურორტები, ტურისტული სერვისები, აგრო და ეკოტურისტული ინდუსტრია.
სააგენტო „აწარმოე საქართველოში“ აერთიანებს ყველა სახელმწიფო პროგრამას, მიმართულს ბიზნეს-სექტორის ხელშეწყობისა და ქვეყნის ეკონომიკური განვითარებისკენ. პროგრამები მიმართულია მიკრო და მცირე ბიზნესის განვითარებაზე, თანამედროვე სამეწარმეო კულტურის დამკვიდრებაზე და ახალი სამუშაო ადგილების შექმნაზე.
საუბარია კრედიტების სუბსიდირებასა და უზრუნველყოფაზე, რომელიც მოიცავს საქმიანობის 200-ზე მეტ სახეობას და მიკროგრანტებს, რომლებიც საქმიანობის 300-მდე სახეობას ეხება.
