მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

ევროკომისიაში რუსულ გაზზე სრულ უარს „შეუსრულებელ მისიად“ მიიჩნევენ

© photo: Sputnik / Maxim Bogodvid / გადასვლა მედიაბანკში
  - Sputnik საქართველო, 1920, 06.09.2023
გამოწერა
НовостиTelegram
თბილისი, 6 სექტემბერი — Sputnik. ამ დროისათვის რუსული გაზის იმპორტზე სრული უარის თქმა „თითქმის შეუსრულებელი მისიაა", განაცხადა ევროკომისიის (EC) ხელმძღვანელის მოადგილემ მაროშ შეფჩოვიჩმა.

„გასულ წელს რუსეთიდან გაზის იმპორტი 150 მილიარდი კუბური მეტრიდან 80 მილიარდზე ნაკლებ კუბომეტრამდე შევამცირეთ. წელს, სავარაუდოდ, ეს იქნება სულ რაღაც 40 მილიარდი კუბური მეტრი, თხევადი ბუნებრივი აირის ჩათვლით. ასე რომ, მე ვიტყოდი, რუსულ გაზზე სრული უარის თქმა თითქმის შეუძლებელი მისიაა", — აღნიშნა მან გერმანულ გაზეთ Handelsblatt-თან ინტერვიუში.

ამავდროულად შეფჩოვიჩმა ხაზი გაუსვა, რომ, თუ ევროკავშირი ინფრასტრუქტურაში ინვესტირებას განაგრძობს და ახალ პარტნიორულ ურთიერთობებს დაამყარებს, ის რუსული თხევადი აირის იმპორტის კიდევ მეტად შემცირებას უახლოეს თვეებში შეძლებს.
რაც შეეხება ევროკავშირის საერთო შესყიდვების პლატფორმის მეშვეობით იმპორტირებულ გაზს, მის შემთხვევაში, შეფჩოვიჩის თქმით, ევროკომისია უკვე თვალს ადევნებს, რომ ევროპაში ყველა სტრატეგიულად მნიშვნელოვანი რესურსი არა რუსეთიდან, არამედ მინიმუმ სამი მიმწოდებლისგან შედიოდეს.
მანამდე გაზეთი Financial Times (FT) საერთაშორისო ორგანიზაცია Global Witness-ის მონაცემებზე დაყრდნობით იუწყებოდა, რომ ევროკავშირის ქვეყნები 2023 წელს რუსეთიდან თხევადი ბუნებრივი აირის რეკორდული მოცულობის იმპორტს გეგმავდნენ მიუხედავად იმისა, რომ თანამეგობრობა 2027 წლისთვის რუსულ წიაღისეულ საწვავზე სრული უარის თქმას აპირებს.
ყველა ახალი ამბავი
0