https://sputnik-georgia.com/20230905/--------281956156.html
საერთაშორისო სავალუტო ფონდის წარმომადგენელი ეროვნული ბანკის რეფორმებს გაეცნო
საერთაშორისო სავალუტო ფონდის წარმომადგენელი ეროვნული ბანკის რეფორმებს გაეცნო
Sputnik საქართველო
თბილისი, 5 სექტემბერი — Sputnik. საქართველოს მაკროეკონომიკური ტენდენციები, ეროვნული ბანკის რეფორმები, ასევე საერთაშორისო სავალუტო ფონდის (IMF) ეკონომიკური... 05.09.2023-ს, Sputnik საქართველო
2023-09-05T16:01+0400
2023-09-05T16:01+0400
2023-09-05T21:22+0400
საქართველო
საქართველოს ეროვნული ბანკი
საერთაშორისო სავალუტო ფონდი
ახალი ამბები
https://cdnn1.img.sputnik-georgia.com/img/07e7/09/05/281950788_0:86:2048:1238_1920x0_80_0_0_c3c817915fc8d2d09f78cbd7221ac75b.jpg
თბილისი, 5 სექტემბერი — Sputnik. საქართველოს მაკროეკონომიკური ტენდენციები, ეროვნული ბანკის რეფორმები, ასევე საერთაშორისო სავალუტო ფონდის (IMF) ეკონომიკური პროგრამის ქვეყანაში განხორციელების საკითხები განიხილეს საქართველოს ეროვნული ბანკისა და საერთაშორისო სავალუტო ფონდის ხელმძღვანელობამ სომხეთში გამართულ შეხვედრაზე. ეროვნული ბანკის პრეზიდენტის მოვალეობის შემსრულებელმა ნათია თურნავამ და ვიცე-პრეზიდენტმა არჩილ მესტვირიშვილმა საერთაშორისო სავალუტო ფონდის შუა აღმოსავლეთისა და ცენტრალური აზიის დეპარტამენტის უფროსთან ჯიჰად აზურთან შეხვედრა მისი სომხეთში ვიზიტის ფარგლებში გამართეს. შეხვედრაზე საუბარი რეგიონის ეკონომიკურ მდგომარეობასა და არსებულ გამოწვევებს შეეხო. აღინიშნა, რომ სსფ-ის მიერ მხარდაჭერილი ეკონომიკური პროგრამა საქართველოში მაკროეკონომიკური სტაბილურობის განმტკიცებას უწყობს ხელს. ყურადღება გამახვილდა ეროვნული ბანკის როლზე საქართველოს საფინანსო სექტორის სტაბილურობის უზრუნველსაყოფად. საერთაშორისო სავალუტო ფონდის მისიამ საქართველოში ვიზიტი დაიწყო>>>ვიზიტის ფარგლებში თურნავამ და მესტვირიშვილმა მონაწილეობა მიიღეს სომხეთის ეროვნული ვალუტის – დრამის 30 წლისადმი მიძღვნილ ღონისძიებაში. მაღალი რანგის სიმპოზიუმი სომხეთის ცენტრალური ბანკისა და "ბრეტონ ვუდსის კომიტეტის" ორგანიზებით დილიჟანში გაიმართა. ეროვნული ბანკის პრეზიდენტის მოვალეობის შემსრულებელმა გაცნობითი ხასიათის შეხვედრები გამართა სომხეთისა და უზბეკეთის ცენტრალური ბანკების მმართველებთანაც. ახალი პროგრამა საქართველოში ეკონომიკური რეფორმების მხარდაჭერისკენ მიმართული პირველი სამწლიანი პროგრამა, რომელიც სავალუტო ფონდმა 2017 წლის აპრილში დაამტკიცა, 2021 წელს დასრულდა. პროგრამის ფარგლებში გადარიცხვებმა 687 მლნ დოლარი შეადგინა. 2022 წელს საქართველო და საერთაშორისო სავალუტო ფონდი ქვეყნის ახალ სამწლიან პროგრამაზე შეთანხმდნენ. საერთაშორისო სავალუტო ფონდის აღმასრულებელმა საბჭომ დაამტკიცა ახალი Stand-By Arrangement-ის 280 მლნ დოლარიანი შეთანხმება საქართველოს მთავრობასთან (100%-იანი კვოტები და 210,4 მლნ SDR). საერთაშორისო სავალუტო ფონდის მიერ მხარდაჭერილი საქართველოს ხელისუფლების პროგრამა მიზნად ისახავს მაკროეკონომიკური სტაბილურობის შემდგომ განმტკიცებას, საშუალოვადიანი ზრდის პერსპექტივების გაზრდას რეგიონში არსებული გამოწვევების ფონზე.
საქართველო
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
საქართველო, საქართველოს ეროვნული ბანკი , საერთაშორისო სავალუტო ფონდი, ახალი ამბები
საქართველო, საქართველოს ეროვნული ბანკი , საერთაშორისო სავალუტო ფონდი, ახალი ამბები
თბილისი, 5 სექტემბერი — Sputnik. საქართველოს მაკროეკონომიკური ტენდენციები, ეროვნული ბანკის რეფორმები, ასევე საერთაშორისო სავალუტო ფონდის (IMF) ეკონომიკური პროგრამის ქვეყანაში განხორციელების საკითხები განიხილეს საქართველოს ეროვნული ბანკისა და საერთაშორისო სავალუტო ფონდის ხელმძღვანელობამ სომხეთში გამართულ შეხვედრაზე.
ეროვნული ბანკის პრეზიდენტის მოვალეობის შემსრულებელმა ნათია თურნავამ და ვიცე-პრეზიდენტმა არჩილ მესტვირიშვილმა საერთაშორისო სავალუტო ფონდის შუა აღმოსავლეთისა და ცენტრალური აზიის დეპარტამენტის უფროსთან ჯიჰად აზურთან შეხვედრა მისი სომხეთში ვიზიტის ფარგლებში გამართეს.
შეხვედრაზე საუბარი რეგიონის ეკონომიკურ მდგომარეობასა და არსებულ გამოწვევებს შეეხო.
აღინიშნა, რომ სსფ-ის მიერ მხარდაჭერილი ეკონომიკური პროგრამა საქართველოში მაკროეკონომიკური სტაბილურობის განმტკიცებას უწყობს ხელს. ყურადღება გამახვილდა ეროვნული ბანკის როლზე საქართველოს საფინანსო სექტორის სტაბილურობის უზრუნველსაყოფად.
ვიზიტის ფარგლებში თურნავამ და მესტვირიშვილმა მონაწილეობა მიიღეს სომხეთის ეროვნული ვალუტის – დრამის 30 წლისადმი მიძღვნილ ღონისძიებაში. მაღალი რანგის სიმპოზიუმი სომხეთის ცენტრალური ბანკისა და "ბრეტონ ვუდსის კომიტეტის" ორგანიზებით დილიჟანში გაიმართა.
ეროვნული ბანკის პრეზიდენტის მოვალეობის შემსრულებელმა გაცნობითი ხასიათის შეხვედრები გამართა სომხეთისა და უზბეკეთის ცენტრალური ბანკების მმართველებთანაც.
საქართველოში ეკონომიკური რეფორმების მხარდაჭერისკენ მიმართული პირველი სამწლიანი პროგრამა, რომელიც სავალუტო ფონდმა 2017 წლის აპრილში დაამტკიცა, 2021 წელს დასრულდა. პროგრამის ფარგლებში გადარიცხვებმა 687 მლნ დოლარი შეადგინა.
2022 წელს საქართველო და საერთაშორისო სავალუტო ფონდი ქვეყნის ახალ სამწლიან პროგრამაზე შეთანხმდნენ. საერთაშორისო სავალუტო ფონდის აღმასრულებელმა საბჭომ დაამტკიცა ახალი Stand-By Arrangement-ის 280 მლნ დოლარიანი შეთანხმება საქართველოს მთავრობასთან (100%-იანი კვოტები და 210,4 მლნ SDR).
საერთაშორისო სავალუტო ფონდის მიერ მხარდაჭერილი საქართველოს ხელისუფლების პროგრამა მიზნად ისახავს მაკროეკონომიკური სტაბილურობის შემდგომ განმტკიცებას, საშუალოვადიანი ზრდის პერსპექტივების გაზრდას რეგიონში არსებული გამოწვევების ფონზე.
