მსოფლიო ხელისგულზე - Sputnik საქართველო, 1920
მსოფლიო დღეს
მსოფლიოში მიმდინარე უახლესი ახალი ამბები, მსოფლიოს წინაშე მდგარი გამოწვევები, აქტუალური თემები, მიმოხილვა და ანალიზი იხილეთ Sputnik საქართველოს ვებგვერდზე.

პეკინი სერიოზულადაა შეშფოთებული: ჩინელი მინისტრი ამერიკელ კოლეგას შეხვდა

© AP Photo / Andy Wong
  - Sputnik საქართველო, 1920, 29.08.2023
გამოწერა
НовостиTelegram
თბილისი, 29 აგვისტო — Sputnik. პეკინი სერიოზულად არის შეშფოთებული აშშ-ის პოლიტიკით ჩინური კომპანიების მიმართ, განაცხადა ჩინეთის კომერციის მინისტრმა ვან ვენტაომ აშშ-ის ვაჭრობის მინისტრ ჯინა რაიმონდოსთან შეხვედრისას.
როგორც უწყების განცხადებაშია ნათქვამი, ჩინელმა მინისტრმა „პრიორიტეტული წესით გამოხატა სერიოზული შეშფოთება“ აშშ-ის საბაჟო გადასახადების 301-ე მუხლის გამო — იმ პოლიტიკასთან დაკავშირებით, რომელსაც შტატები ნახევარგამტარების სფეროში ატარებს, ასევე დისკრიმინაციული სუბსიდიებითა და ჩინური კომპანიებისთვის დაწესებული სანქციებით.

„ეროვნული უსაფრთხოების განზოგადება ხელს არ უწყობს ნორმალურ სავაჭრო-ეკონომიკურ გაცვლას, ხოლო ცალმხრივი და პროტექციონისტული ზომების შემოღება არ შეესაბამება საბაზრო წესებსა და სამართლიანი კონკურენციის პრინციპს. ეს მხოლოდ ზიანს აყენებს უსაფრთხოებასა და სტაბილურობას გლობალური წარმოებისა და მიწოდების ჯაჭვებში", — აღნიშნა ვან ვენტაომ.

ამასთან ჩინელმა მინისტრმა ამერიკელ კოლეგას შეერთებული შტატების განცხადებები შეახსენა, რომელთა თანახმად აშშ არ მიისწრაფვის ჩინეთთან კავშირების გაწყვეტისკენ, და იმედი გამოთქვა, რომ ვაშინგტონი ამ ნათქვამს რეალურად შეასრულებს.
ჯინა რაიმონდო 27 აგვისტოს ეწვია ჩინეთს. მისი ვიზიტი 30 აგვისტომდე გაგრძელდება. ამ პერიოდში დაგეგმილია შეხვედრები ჩინეთის უმაღლესი თანამდებობის პირებთან და ამერიკელ ბიზნესმენებთან.
ყველა ახალი ამბავი
0