საქართველოში იზრდება სექსუალურ ნიადაგზე ჩადენილი დანაშაულების რიცხვი

© photo: Sputnik / Stringer
  - Sputnik საქართველო, 1920, 14.08.2023
გამოწერა
НовостиTelegram
სექსუალური დანაშაულისთვის სასჯელის მაქსიმალური ვადა 20 წლამდე თავისუფლების აღკვეთა ან უვადო პატიმრობაა.
თბილისი, 14 აგვისტო — Sputnik. სექსუალურ ნიადაგზე ჩადენილი დანაშაულების რიცხვი 2023 წლის 1 იანვრიდან 30 ივნისის ჩათვლით პერიოდში, გასული წლის ანალოგიურ პერიოდთან შედარებით, 12%-ით გაიზარდა, ნათქვამია შსს-ს მასალებში.
სულ საქართველოში წლის პირველ ნახევარში დაფიქსირებულია 242 მსგავსი დანაშაული, აქედან გახსნილია 163.
ყველაზე მეტი ზრდა დაფიქსირდა ისეთ დანაშაულებში, როგორიცაა 16 წლამდე ასაკის პირთან სექსუალური კონტაქტი და მათი გაუპატიურება.
2023 წლის პირველ ნახევარში სამართალდამცავმა ორგანოებმა დააფიქსირეს გაუპატიურების 90 შემთხვევა, 60 - არასრულწლოვანთან სექსუალური კონტაქტის შემთხვევა, 50 - გარყვნილი ქმედებისა და 31 - სექსუალური ხასიათის სხვაგვარი ქმედებების შემთხვევა.
ამას გარდა, დაფიქსირებულია სექსუალური კონტაქტის იძულების 11 შემთხვევა.
საქართველოს მოქალაქე საბერძნეთში ბავშვებით ვაჭრობის საქმეზე დააკავეს>>
სექსუალური დანაშაულისთვის მაქსიმალური სასჯელი შეიძლება 20 წლამდე პატიმრობა ან უვადო პატიმრობა იყოს.
საქართველოში მიმდინარეობს აქტიური სოციალური რეკლამა, რომელიც იძულებითი სქესობრივი აქტის ან სექსუალური შევიწროების შემთხვევაში მოქალაქეებს პოლიციაში მიმართვისკენ მოუწოდებს.
სექსუალური კავშირის იძულებაში მოიაზრება ქმედება, რომელიც ჩადენილია ქონების დაზიანების, რეპუტაციის შემლახავი ინფორმაციის გათქმის, პირადი ცხოვრების ამსახველი ინფორმაციის გავრცელების და სხვა სახის მუქარა.
ყველა ახალი ამბავი
0