https://sputnik-georgia.com/20230804/patriarqi-stiqias-gamoexmaura-280904704.html
შოვში მომხდარ სტიქიას პატრიარქი გამოეხმაურა
შოვში მომხდარ სტიქიას პატრიარქი გამოეხმაურა
Sputnik საქართველო
ილია მეორე მოუწოდებს მორწმუნეებს, ილოცონ რაჭაში სტიქიის ზონაში მყოფი ადამიანებისთვის. 04.08.2023-ს, Sputnik საქართველო
2023-08-04T12:22+0400
2023-08-04T12:22+0400
2023-08-04T18:20+0400
მეწყერი რაჭაში
შემთხვევები საქართველოში
სტიქიური მოვლენები
საქართველოს საპატრიარქო
https://cdnn1.img.sputnik-georgia.com/img/24521/11/245211182_0:6:1000:569_1920x0_80_0_0_6451f68fdb8d3bc249e88f64267ec6bc.jpg
თბილისი, 4 აგვისტო – Sputnik. საქართველოს კათოლიკოს-პატრიარქი ილია მეორე რაჭაში მომხდარი სტიქიის შედეგად გარდაცვლილი და უგზო-უკვლოდ დაკარგული ადამიანების გამო მწუხარებას გამოთქვამს.რა თქმა უნდა, მორწმუნენი ლოცვით შეწევნას გუშინდელი დღიდანვე აღავლენენ, მაგრამ ათეულობით ადამიანის მდგომარეობა კვლავ გაურკვეველია, აღნიშნულია მიმართვაში.„ამიტომაც გთხოვთ ყველას, მათ დასახმარებლად 12-ჯერ ვთქვათ: ,,მოწყალებისა კარი განგვიღე, კურთხეულო ღვთისმშობელო, რათა რომელნი ესე შენ გესავთ, არა დავეცნეთ, არამედ განვერნეთ წინააღმდგომთა მტერთაგან, რამეთუ შენ ხარ ცხოვრება ნათესავისა ქრისტიანეთასა” ამინ! ასევე ერთხელ 90-ე და 50-ე ფსალმუნი“, – ნათქვამია მიმართვაში.მეწყერი შოვში 3 აგვისტოს, დაახლოებით 15:00 საათზე ჩამოწვა. ამჟამად დადასტურებულია ექვსი ადამიანის დაღუპვა. დანგრეულია ხიდები, დაზიანებულია შოვში შესასვლელი გზა. მეწყერმა პრაქტიკულად ყველა ტურისტული ობიექტი გაანადგურა. ადამიანების დასახმარებლად და გამოსაყვანად სასაზღვრო პოლიციის ვერტმფრენებით ჩავიდნენ მაშველები და პოლიციის თანამშრომლები.კურორტ შოვში მეწყრის ჩამოწოლის გამო ჩარჩენილი ადამიანების ევაკუაციის პროცესი დილიდან განახლდა. ამ დროისათვის ვერტმფრენებით 140 ადამიანი გამოიყვანეს, მათ შორის, ბავშვები. სტიქიის ზონიდან ჯამში სულ გამოყვანილია 210 ადამიანი.ბოლო ინფორმაციით, ვერ პოულობენ 35 ადამიანს. გუშინ ვერ უკავშირდებოდნენ 50 ადამიანს.სამაშველო სამუშაოები მთელი ღამის განმავლობაში გრძელდებოდა. ასევე მთელი ღამე მიმდინარეობდა ადგილზე სამაშველო ჯგუფებისა და სპეცტექნიკის მობილიზება.საგანგებო სიტუაციების მართვის სამსახურის მობილური შტაბი სოფელ გლოლაში გაიხსნა. მოქმედებს „ცხელი ხაზი" – 598 913 089.
https://sputnik-georgia.com/20230804/---stiqia-rachashi-280904018.html
https://sputnik-georgia.com/20230804/maia-bitadze-stiqia-rachashi-280903829.html
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
მეწყერი რაჭაში, შემთხვევები საქართველოში, სტიქიური მოვლენები, საქართველოს საპატრიარქო
მეწყერი რაჭაში, შემთხვევები საქართველოში, სტიქიური მოვლენები, საქართველოს საპატრიარქო
შოვში მომხდარ სტიქიას პატრიარქი გამოეხმაურა
12:22 04.08.2023 (განახლებულია: 18:20 04.08.2023) ილია მეორე მოუწოდებს მორწმუნეებს, ილოცონ რაჭაში სტიქიის ზონაში მყოფი ადამიანებისთვის.
თბილისი, 4 აგვისტო – Sputnik. საქართველოს კათოლიკოს-პატრიარქი ილია მეორე რაჭაში მომხდარი სტიქიის შედეგად გარდაცვლილი და უგზო-უკვლოდ დაკარგული ადამიანების გამო მწუხარებას გამოთქვამს.
„მთელი ჩვენი მოსახლეობა და ჩვენც შეშფოთებით ვადევნებთ თვალს რაჭაში გუშინ მომხდარი სტიქიური უბედურების შედეგად განვითარებულ მოვლენებს და, ბუნებრივია, პირველ რიგში დიდად ვწუხვართ გარდაცვლილთა და უგზო-უკვლოდ დაკარგულთა გამო“, – ნათქვამია უწმინდესის და უნეტარესის მიმართვაში, რომელსაც საპატრიარქო ავრცელებს.
რა თქმა უნდა, მორწმუნენი ლოცვით შეწევნას გუშინდელი დღიდანვე აღავლენენ, მაგრამ ათეულობით ადამიანის მდგომარეობა კვლავ გაურკვეველია, აღნიშნულია მიმართვაში.
„ამიტომაც გთხოვთ ყველას, მათ დასახმარებლად 12-ჯერ ვთქვათ: ,,მოწყალებისა კარი განგვიღე, კურთხეულო ღვთისმშობელო, რათა რომელნი ესე შენ გესავთ, არა დავეცნეთ, არამედ განვერნეთ წინააღმდგომთა მტერთაგან, რამეთუ შენ ხარ ცხოვრება ნათესავისა ქრისტიანეთასა” ამინ! ასევე ერთხელ 90-ე და 50-ე ფსალმუნი“, – ნათქვამია მიმართვაში.
მეწყერი შოვში 3 აგვისტოს, დაახლოებით 15:00 საათზე ჩამოწვა. ამჟამად დადასტურებულია ექვსი ადამიანის დაღუპვა. დანგრეულია ხიდები, დაზიანებულია შოვში შესასვლელი გზა. მეწყერმა პრაქტიკულად ყველა ტურისტული ობიექტი გაანადგურა. ადამიანების დასახმარებლად და გამოსაყვანად სასაზღვრო პოლიციის ვერტმფრენებით ჩავიდნენ მაშველები და პოლიციის თანამშრომლები.
კურორტ შოვში მეწყრის ჩამოწოლის გამო ჩარჩენილი ადამიანების ევაკუაციის პროცესი დილიდან განახლდა. ამ დროისათვის ვერტმფრენებით 140 ადამიანი გამოიყვანეს, მათ შორის, ბავშვები. სტიქიის ზონიდან ჯამში სულ გამოყვანილია 210 ადამიანი.
ბოლო ინფორმაციით, ვერ პოულობენ 35 ადამიანს. გუშინ ვერ უკავშირდებოდნენ 50 ადამიანს.
სამაშველო სამუშაოები მთელი ღამის განმავლობაში გრძელდებოდა. ასევე მთელი ღამე მიმდინარეობდა ადგილზე სამაშველო ჯგუფებისა და სპეცტექნიკის მობილიზება.
საგანგებო სიტუაციების მართვის სამსახურის მობილური შტაბი სოფელ გლოლაში გაიხსნა. მოქმედებს „ცხელი ხაზი" – 598 913 089.
