სამრეწველო პროდუქციაზე ფასები შემცირდა

საწარმო - Sputnik საქართველო, 1920, 30.06.2023
გამოწერა
НовостиTelegram
მიმდინარე წლის მაისში, აპრილთან შედარებით, ფასები სამრეწველო პროდუქციაზე 1%-ით შემცირდა.
თბილისი, 30 ივნისი — Sputnik. სამრეწველო პროდუქციის მწარმოებელთა ფასების ინდექსი 2023 წლის მაისში, 2022 წლის მაისთან შედარებით, 5,8%-ით შემცირდა, ნათქვამია საქართველოს სტატისტიკის ეროვნული სამსახურის „საქსტატის" მასალებში.
ინდექსის ფორმირებაზე ძირითადად გავლენა იქონია ფასების შემცირებამ გადამამუშავებელ მრეწველობაში – 4,8%-ით, მაგრამ სურსათზე ფასები გაიზარდა 0,4%-ით, ხოლო სამთო-მომპოვებელ მრეწველობაში ფასები 12,2%-ით შემცირდა.
მაისში, აპრილთან შედარებით, ფასები სამრეწველო პროდუქციაზე 1%-ით შემცირდა, იუწყება „საქსტატი".
ადგილობრივი წარმოება
ფასები შიდა ბაზრისთვის გათვლილ საქართველოში წარმოებულ პროდუქციაზე მაისში, 2022 წლის ანალოგიურ პერიოდთან შედარებით, 0,5%-ით გაიზარდა.
ინფლაციის დონე საქართველოში 2%-ს ჩამოცდა - სტატისტიკური მონაცემები>>
ყველაზე მეტად ფასები გაიზარდა სამთო-მომპოვებელ მრეწველობაში – 4,6%-ით, გადამამუშავებელ მრეწველობაში – 1,7%-ით.
ექსპორტი და იმპორტი
ექსპორტზე გატანილი სამრეწველო პროდუქციის ფასების ინდექსი მაისში, გასული წლის ანალოგიურ პერიოდთან შედარებით, 17,1%-ით შემცირდა.
სამთო-მომპოვებელი მრეწველობის პროდუქციაზე ფასები 15,6%-ით შემცირდა. გადამამუშავებელი მრეწველობის ექსპორტირებულ პროდუქციაზე ფასები შემცირდა 16,7%-ით, მათ შორის ქიმიურ პროდუქციაზე შემცირდა 46,2%-ით.
საგარეო სავაჭრო ბრუნვა კვლავ იზრდება - ვისთან ვაჭრობს საქართველო>>
საქართველოში იმპორტირებულ სამრეწველო პროდუქციაზე ფასები საანგარიშო პერიოდში 13,2%-ით შემცირდა. ამასთან გადამამუშავებელი მრეწველობის იმპორტირებული პროდუქცია 13%-ით გაიაფდა.
სამომხმარებლო ფასები
წლიური ინფლაციის დონემ 2023 წლის მაისში 1,5% შეადგინა (მიზნობრივი მაჩვენებელია 3%). ამასთან, სურსათზე ფასები 3,3%-ით გაიზარდა. 2023 წლის მაისში, ამავე წლის აპრილთან შედარებით, ინფლაციის დონემ –0,1% შეადგინა.
ყველა ახალი ამბავი
0