https://sputnik-georgia.com/20230628/sazamtros-dieta-wesebi-da-raodenobis-gamotvla-279039045.html
მინუს 10 კგ ორ კვირაში: საზამთროს დიეტის წესები და რაოდენობის გამოთვლა
მინუს 10 კგ ორ კვირაში: საზამთროს დიეტის წესები და რაოდენობის გამოთვლა
Sputnik საქართველო
საზამთროს დიეტის წესები და საჭირო რაოდენობის გამოთვლა
2023-06-28T14:33+0400
2023-06-28T14:33+0400
2023-08-17T10:49+0400
სასარგებლო რჩევები
ექიმის რჩევები
დიეტა
საზამთრო
https://cdnn1.img.sputnik-georgia.com/img/07e7/06/1c/279038594_0:1434:2048:2586_1920x0_80_0_0_632e4341e04d4fc758239eac4f5f9d9f.jpg
თბილისი, 28 ივნისი − Sputnik. საზამთროს დიეტა შესანიშნავი მეთოდია ზედმეტი კილოგრამების დასაკლებად, მაგრამ სანამ მას მიმართავთ, რამდენიმე ფაქტორი უნდა გაითვალისწინოთ, აცხადებენ მედიკოსები.სპეციალისტების თქმით, საზამთროს დიეტით სულ რაღაც ორ კვირაში ათი კილოგრამის დაკლებაა შესაძლებელი. ეს დაბალკალორიული და გემრიელი პროდუქტი შესანიშნავად აკმაყოფილებს შიმშილის გრძნობას და, ამასთან, კარგად მოქმედებს თირკმლების მუშაობაზე.არ გამოტოვოთ: საზამთრო და საზამთროს კურკა – რა სარგებლობა მოაქვს და როდის შეიძლება გვავნოსექიმები ყოველწლიურად რამდენიმე „საზამთროს დღის“ მოწყობას გვირჩევენ თირკმლების დაავადების პროფილაქტიკისთვის.მედიკოსების თქმით, საზამთროს დიეტაზე გადასვლის წინ აუცილებელია სისხლის ანალიზის გაკეთება შაქარზე:საზამთროს დიეტის არსისაზამთროს დიეტის არსი ისაა, რომ 15 დღის განმავლობაში მარტო საზამთრო და სუფთა წყალი უნდა მიირთვათ. რაციონიდან აუცილებლად უნდა ამოიღოთ არა მარტო სხვა ნებისმიერი სახის საკვები, არამედ ყავა და ჩაიც კი.რაც შეეხება წყალს, საზამთროს დიეტაზე ყოფნისას წყლის რაოდენობაზე შეზღუდვები არ არსებობს.საქმე ისაა, რომ წყალი ხელს უწყობს ორგანიზმიდან ტოქსინებისა და სხვა „ნეგატიური“ ნივთიერებების გამოდევნას და ამასთან ცხიმების დაწვის პროცესის დაწყებას ეხმარება. სწორედ ამიტომ, თუ გახდომა გსურთ, წყალი უნდა სვათ!სპეციალისტების განმარტებით, საზამთროს დიეტა სასარგებლოა ორგანიზმისთვის, რომელიც მშვენივრად იტანს ორი კვირის განმავლობაში ცილების გარეშე დარჩენას. უფრო მეტიც, თუ საზამთროს ორკვირიანი მარათონის გაგრძელებას მოისურვებთ კიდევ რამდენიმე დღით, თამამად შეგიძლიათ ეს გააკეთოთ.მთავარი, რაც უნდა გახსოვდეთ, ისაა, რომ დიეტის პერიოდში სპორტული ვარჯიშებისგან თავშეკავება გმართებთ — მცირე რაოდენობის კალორიების მიღების გამო.აღსანიშნავია, რომ საზამთროს დიეტაზე გადასვლა კატეგორიულად ეკრძალება მათ, ვისაც თირკმლებში კენჭები აქვს.საზამთროს დიეტის ფსიქოლოგიაირკვევა, რომ ასეთ დიეტაზე ყოფნა საკმაოდ იოლია, ვინაიდან ადამიანი მკვეთრად გამოხატულ შიმშილს არ გრძნობს. თუმცა, როგორც ამას გამოცდილება აჩვენებს, უკვე მეორე კვირაში ორგანიზმი რაციონის გამრავალფეროვნებას ითხოვს და ამ დროს ცოტა სირთულეები იჩენს თავს.სწორედ ამიტომ მნიშვნელოვანია, რომ დიეტაზე გადასასვლელად მყარი მოტივაცია გქონდეთ და ამასთან მთელი ამ ხნის განმავლობაში სხვა საკვები არ იქონიოთ მაცივარში.გაითვალისწინეთ: სტატიაში მოყვანილი რჩევები საინფორმაციო ხასიათისაა. ნებისმიერი ვარჯიშის დაწყებამდე თუ კვების რაციონში ცვლილებების შეტანამდე კონსულტაცია გაიარეთ ექიმთან!
Sputnik საქართველო
media@sputniknews.com
+74956456601
MIA „Rosiya Segodnya“
2023
Sputnik საქართველო
media@sputniknews.com
+74956456601
MIA „Rosiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rosiya Segodnya“
Sputnik საქართველო
media@sputniknews.com
+74956456601
MIA „Rosiya Segodnya“
დიეტა საზამთროს დიეტა გახდომა წონაში დაკლება
დიეტა საზამთროს დიეტა გახდომა წონაში დაკლება
თბილისი, 28 ივნისი − Sputnik. საზამთროს დიეტა შესანიშნავი მეთოდია ზედმეტი კილოგრამების დასაკლებად, მაგრამ სანამ მას მიმართავთ, რამდენიმე ფაქტორი უნდა გაითვალისწინოთ, აცხადებენ მედიკოსები.
სპეციალისტების თქმით, საზამთროს დიეტით სულ რაღაც ორ კვირაში ათი კილოგრამის დაკლებაა შესაძლებელი. ეს დაბალკალორიული და გემრიელი პროდუქტი შესანიშნავად აკმაყოფილებს შიმშილის გრძნობას და, ამასთან, კარგად მოქმედებს თირკმლების მუშაობაზე.
ექიმები ყოველწლიურად რამდენიმე „საზამთროს დღის“ მოწყობას გვირჩევენ თირკმლების დაავადების პროფილაქტიკისთვის.
მედიკოსების თქმით, საზამთროს დიეტაზე გადასვლის წინ აუცილებელია სისხლის ანალიზის გაკეთება შაქარზე:
თუ შაქრის დონე ნორმაშია, მაშინ შეგიძლიათ თამამად დაიწყოთ დიეტა;
თუ მომატებულია — არავითარ შემთხვევაში არ შეიძლება ამ მეთოდის გამოყენება.
საზამთროს დიეტის არსი ისაა, რომ 15 დღის განმავლობაში მარტო საზამთრო და სუფთა წყალი უნდა მიირთვათ. რაციონიდან აუცილებლად უნდა ამოიღოთ არა მარტო სხვა ნებისმიერი სახის საკვები, არამედ ყავა და ჩაიც კი.
დღის განმავლობაში საჭირო საზამთროს რაოდენობის გამოსათვლელად თქვენი წონის ყოველი 10 კგ უნდა გაამრავლოთ 1 კგ საზამთროზე. ანუ თუ 70 კგ-ს იწონით, ერთ დღეში შეგიძლიათ 7 კგ საზამთრო მიირთვათ.
რაც შეეხება წყალს, საზამთროს დიეტაზე ყოფნისას წყლის რაოდენობაზე შეზღუდვები არ არსებობს.
საქმე ისაა, რომ წყალი ხელს უწყობს ორგანიზმიდან ტოქსინებისა და სხვა „ნეგატიური“ ნივთიერებების გამოდევნას და ამასთან ცხიმების დაწვის პროცესის დაწყებას ეხმარება. სწორედ ამიტომ, თუ გახდომა გსურთ, წყალი უნდა სვათ!
სპეციალისტების განმარტებით, საზამთროს დიეტა სასარგებლოა ორგანიზმისთვის, რომელიც მშვენივრად იტანს ორი კვირის განმავლობაში ცილების გარეშე დარჩენას. უფრო მეტიც, თუ საზამთროს ორკვირიანი მარათონის გაგრძელებას მოისურვებთ კიდევ რამდენიმე დღით, თამამად შეგიძლიათ ეს გააკეთოთ.
მთავარი, რაც უნდა გახსოვდეთ, ისაა, რომ დიეტის პერიოდში სპორტული ვარჯიშებისგან თავშეკავება გმართებთ — მცირე რაოდენობის კალორიების მიღების გამო.
აღსანიშნავია, რომ საზამთროს დიეტაზე გადასვლა კატეგორიულად ეკრძალება მათ, ვისაც თირკმლებში კენჭები აქვს.
საზამთროს დიეტის ფსიქოლოგია
ირკვევა, რომ ასეთ დიეტაზე ყოფნა საკმაოდ იოლია, ვინაიდან ადამიანი მკვეთრად გამოხატულ შიმშილს არ გრძნობს. თუმცა, როგორც ამას გამოცდილება აჩვენებს, უკვე მეორე კვირაში ორგანიზმი რაციონის გამრავალფეროვნებას ითხოვს და ამ დროს ცოტა სირთულეები იჩენს თავს.
სწორედ ამიტომ მნიშვნელოვანია, რომ დიეტაზე გადასასვლელად მყარი მოტივაცია გქონდეთ და ამასთან მთელი ამ ხნის განმავლობაში სხვა საკვები არ იქონიოთ მაცივარში.
გაითვალისწინეთ: სტატიაში მოყვანილი რჩევები საინფორმაციო ხასიათისაა. ნებისმიერი ვარჯიშის დაწყებამდე თუ კვების რაციონში ცვლილებების შეტანამდე კონსულტაცია გაიარეთ ექიმთან!
