https://sputnik-georgia.com/20230624/-------278927259.html
ლუკაშენკო: პრიგოჟინი თანახმაა შეაჩეროს „ვაგნერის" კოლონის გადაადგილება
ლუკაშენკო: პრიგოჟინი თანახმაა შეაჩეროს „ვაგნერის" კოლონის გადაადგილება
Sputnik საქართველო
თბილისი, 24 ივნისი – Sputnik. კერძო სამხედრო კომპანია „ვაგნერის“ მფლობელმა ევგენი პრიგოჟინმა მოლაპარაკების შედეგად ბელარუსის პრეზიდენტის, ალექსანდრ ლუკაშენკოს... 24.06.2023-ს, Sputnik საქართველო
2023-06-24T22:00+0400
2023-06-24T22:00+0400
2023-06-24T22:00+0400
რუსეთი
ბელარუსი
ახალი ამბები
პოლიტიკა
https://cdnn1.img.sputnik-georgia.com/img/07e5/09/0a/259485382_0:0:2885:1623_1920x0_80_0_0_5e6e5c2fe20bc610fc6d664cc9fef7eb.jpg
თბილისი, 24 ივნისი – Sputnik. კერძო სამხედრო კომპანია „ვაგნერის“ მფლობელმა ევგენი პრიგოჟინმა მოლაპარაკების შედეგად ბელარუსის პრეზიდენტის, ალექსანდრ ლუკაშენკოს წინადადებას დასთანხმდა, იტყობინება ბელორუსის პრეზიდენტის პრესსამსახური.კერძოდ, პრიგოჟინმა მიიღო ლუკაშენკოს წინადადება რუსეთის ტერიტორიაზე სამხედრო დაჯგუფება „ვაგნერის“ გადაადგილების შეჩერების შესახებ და დაძაბულობის დეესკალაციისთვის შემდგომი ნაბიჯების გადასადგმელად.„დღეს დილით რუსეთის პრეზიდენტმა ვლადიმირ პუტინმა ბელარუს კოლეგას სამხრეთ რუსეთში კერძო სამხედრო კომპანია „ვაგნერთან“ დაკავშირებული შექმნილი ვითარება გააცნო. სახელმწიფოს მეთაურები ერთობლივ ქმედებებზე შეთანხმდნენ. <...> შეთანხმებების მიღწევის შემდგომ, <...> ბელარუსის პრეზიდენტმა მოლაპარაკება გამართა ევგენი პრიგოჟინთან. მოლაპარაკებები მთელი დღის განმავლობაში გაგრძელდა. შედეგად მხარეები მივიდნენ შეთანხმებამდე რუსეთის ტერიტორიაზე სისხლიანი ხოცვა-ჟლეტის გაჩაღების დაუშვებლობის შესახებ“, - ნათქვამია განცხადებაში.აღნიშნულია, რომ „მაგიდაზე დევს სიტუაციის განმუხტვის აბსოლუტურად მომგებიანი და მისაღები ვარიანტი „ვაგნერის“ მებრძოლებისთვის უსაფრთხოების გარანტიებით.გასულ ღამეს რუსეთის უშიშროების ფედერალურმა სამსახურმა განცხადება, რომ ინფორმაცია კერძო სამხედრო კომპანია „ვაგნერის“ ბანაკებზე რუსეთის თავდაცვის სამინისტროს მხრიდან „დარტყმის“ შესახებ სიმართლეს არ შეესაბამება და საინფორმაციო პროვოკაციას წარმოადგენს. ამის შესახებ თავდაცვის სამინისტროშიც განაცხადეს. ფედერალური სამსახურის საგამოძიებო სამმართველომ პრიგოჟინის წინააღმდეგ სისხლის სამართლის საქმე შეიარაღებული ამბოხის ორგანიზების ფაქტზე აღძრა (რუსეთის სისხლის სამართლის კოდექსის 279-ე მუხლი).რუსეთის პრეზიდენტმა ვლადიმირ პუტინმა რუსეთის მოქალაქეებისადმი მიმართვაში მეამბოხეების ქმედებებს დანაშაულებრივი ავანტურა უწოდა, რომელიც უზომო ამბიციებმა და პირადმა ინტერესებმა გამოიწვია. ასევე მან აღნიშნა, რომ ყველა დამნაშავე უმკაცრესად დაისჯება.მოსკოვის, მოსკოვისა და ვორონეჟის ოლქების ტერიტორიაზე შესაძლო ტერაქტების აღსაკვეთად კონტრტერორისტული ოპერაციის რეჟიმი გამოცხადდა.
ბელარუსი
Sputnik საქართველო
media@sputniknews.com
+74956456601
MIA „Rossiya Segodnya“
2023
Sputnik საქართველო
media@sputniknews.com
+74956456601
MIA „Rossiya Segodnya“
ახალი ამბები
ka_KA
Sputnik საქართველო
media@sputniknews.com
+74956456601
MIA „Rossiya Segodnya“
Sputnik საქართველო
media@sputniknews.com
+74956456601
MIA „Rossiya Segodnya“
რუსეთი, ბელარუსი , ახალი ამბები, პოლიტიკა
რუსეთი, ბელარუსი , ახალი ამბები, პოლიტიკა
თბილისი, 24 ივნისი – Sputnik. კერძო სამხედრო კომპანია „ვაგნერის“ მფლობელმა ევგენი პრიგოჟინმა მოლაპარაკების შედეგად ბელარუსის პრეზიდენტის, ალექსანდრ ლუკაშენკოს წინადადებას დასთანხმდა, იტყობინება ბელორუსის პრეზიდენტის პრესსამსახური.
კერძოდ, პრიგოჟინმა მიიღო ლუკაშენკოს წინადადება რუსეთის ტერიტორიაზე სამხედრო დაჯგუფება „ვაგნერის“ გადაადგილების შეჩერების შესახებ და დაძაბულობის დეესკალაციისთვის შემდგომი ნაბიჯების გადასადგმელად.
„დღეს დილით რუსეთის პრეზიდენტმა ვლადიმირ პუტინმა ბელარუს კოლეგას სამხრეთ რუსეთში კერძო სამხედრო კომპანია „ვაგნერთან“ დაკავშირებული შექმნილი ვითარება გააცნო. სახელმწიფოს მეთაურები ერთობლივ ქმედებებზე შეთანხმდნენ. <...> შეთანხმებების მიღწევის შემდგომ, <...> ბელარუსის პრეზიდენტმა მოლაპარაკება გამართა ევგენი პრიგოჟინთან. მოლაპარაკებები მთელი დღის განმავლობაში გაგრძელდა. შედეგად მხარეები მივიდნენ შეთანხმებამდე რუსეთის ტერიტორიაზე სისხლიანი ხოცვა-ჟლეტის გაჩაღების დაუშვებლობის შესახებ“, - ნათქვამია განცხადებაში.
აღნიშნულია, რომ „მაგიდაზე დევს სიტუაციის განმუხტვის აბსოლუტურად მომგებიანი და მისაღები ვარიანტი „ვაგნერის“ მებრძოლებისთვის უსაფრთხოების გარანტიებით.
გასულ ღამეს რუსეთის უშიშროების ფედერალურმა სამსახურმა განცხადება, რომ ინფორმაცია კერძო სამხედრო კომპანია „ვაგნერის“ ბანაკებზე რუსეთის თავდაცვის სამინისტროს მხრიდან „დარტყმის“ შესახებ სიმართლეს არ შეესაბამება და საინფორმაციო პროვოკაციას წარმოადგენს. ამის შესახებ თავდაცვის სამინისტროშიც განაცხადეს. ფედერალური სამსახურის საგამოძიებო სამმართველომ პრიგოჟინის წინააღმდეგ სისხლის სამართლის საქმე შეიარაღებული ამბოხის ორგანიზების ფაქტზე აღძრა (რუსეთის სისხლის სამართლის კოდექსის 279-ე მუხლი).
რუსეთის პრეზიდენტმა ვლადიმირ პუტინმა რუსეთის მოქალაქეებისადმი მიმართვაში მეამბოხეების ქმედებებს დანაშაულებრივი ავანტურა უწოდა, რომელიც უზომო ამბიციებმა და პირადმა ინტერესებმა გამოიწვია. ასევე მან აღნიშნა, რომ ყველა დამნაშავე უმკაცრესად დაისჯება.
მოსკოვის, მოსკოვისა და ვორონეჟის ოლქების ტერიტორიაზე შესაძლო ტერაქტების აღსაკვეთად კონტრტერორისტული ოპერაციის რეჟიმი გამოცხადდა.
